كانت وظيفة زهرة عبارة عن معلمة في وزارة التربية والتعليم فكانت تؤدي دورها علي أكمل وجه كمعلمة في المدرسة وكربة منزل في بيتها
محمد:- زهرتي انا الفلوس مقصرة معايا شوية الشهر دا فلو محتاجة حاجة للبيت خدي من مرتبك
زهرة:- ماشي يا حبيبي
محمد:- وياريت بعد كده اللي تقبضيه تجيبهولي
زهرة:- ليه اشمعنا!؟
محمد:- في حتة ارض موقعها حلو هاشتريها وتبقي بينك وبيني بالنص
زهرة: - تمام اوي
كان قلبها يخفق بشدة في آلان ستزف له أفضل خبر علي الاطلاق كما ظنت أو كما سولت لها نفسها ،لم تتوقع منه ردة الفعل هذه
بس انا عندي ليك خبر حلو هيفرحك يا حبيبي
محمد: - خير فرحيني: ))
زهرة:- انا حامل
محمد:- اخيرا هتجيبي الولد اللي هيبقي ضهري وسندي
زهرة: - لا هتبقي بنت وهتبقي زي القمر زيي
محمد:- لو كانت بنت هاقتلك واقتلها
زهرة:- متهزرش في حاجة زي دي
محمد:- انا باتكلم بجد انتي فاكراني باهزر
زهرة:- يعني انت لازم تنكد عليا كل مرة دا حتي حرام
محمد:- وايه النكد في كده!!
زهرة:- انا بالنسبة لي ولد او بنت كله اختيار ربنا وانا راضية جدا بيه
محمد:- وانا عايز ولد
زهرة:-. ههههههههه اللهم لا اعتراض
مرت الأيام سريعة بلا جديد فقط المعاناة من تناقض التفكير وكل منهم أصبح في طريقه الذي أختاره لنفسه فأنشغل محمد بإجراءات شراء الأراضي والأطيان وإنشغلت زهرة بالحمل والولادة فلم يتبق الكثير لذلك
رحلت زهرة إلي منزل والدها لتقضي اخر شهور الحمل بجوار والدتها ولتقوم زوجة اخيها عمر الدكتورة بسمة بعمل إجراءات الولادة اللازمة
زهرة: - انا حاسة اني هاولد دلوقتي يا بسمة خلاص مش قادرة
بسمة: - لسة بدري يا بنتي ارتاحي بس كده وان شاء الله خير
زهرة:- محمد مسألش ولا جه خالص يا ماما
والدتها:- اكيد عنده مشاغل واول ما تولدي هيجي جري يشوف ضناه
زهرة:- يارب يكون ولد علشان يجي
والدتها: - ولو كانت بنت يعني هتكوني لاقياها قدام جامع ما هو ولد او بنت هيبقوا ولاده
زهرة:- لا يا ماما دا عايز ولد كل حلمه انه يكون ولد وممكن يسيبني فيها
والدتها:- انتي بتقولي ايه هو كان يطول ضافرك والله اجوزك سيد سيد
زهرة:- بس انا بحبه هو وبس
بسمة: - مش وقت الكلام دا يا زهرة انتي وماما احنا عايزين راحة قبل الولادة من كل حاجة
زهرة:- انا حاسة اني هاولد حالا
بسمة:- خلاص هانت يا مسهل يارب
كانت فرحة زهرة لا توصف فها هي نور اللي تمنت ان تنجبها ولكن ما هو رد فعل زوجها اذا علم انها انجبتها بنت
زهرة: - خلي بابا يروح لمحمد يبلغه بس ميقولوش ولد ولا بنت
والدتها: - حاضر يا بنتي هاقوله
دخل والدها ومعه محمد ...
