وبينما هي في الطريق وجدت من يناديها باسمها
نور استني يا نور قلبي هيقف من كتر ما جريت علشان الحقك ايه دا مركبة عجل في رجلة
نور: - أنس!!!
أنس: - ازيك وكنتي فين كده يا بنتي مش بعادة انك تخرجي
نور: - ماما عاملة ايه ؟وايه اخبار صحتها ؟طمني عليها
أنس: - كويسة.. ردي عليا بقي
نور: - انا عايشة يا انس المهم ماما انا قلقانة عليها
انس: - مامتك لسانها ما بيقفش كلام عنك وكل ما تشوفني تسألني عليكي ، انا باجي درس هنا كل اسبوع 3مرات يوم الاحد والتلات والخميس هاقابلك في نفس المعاد هنا بس تيجي علشان اتطمن عليكي واطمنك
نور: - انا باخد درس هنا عند وحدة بنت زميل بابا وباجي علي طول برضو.. سلملي علي ماما يا انس
انصرف انس مسرعاً وترك الامل في نفس نور امل اللقاء الذي تمنته منذ انا عادت مع ذاك الرجل وحيدة ذهبت مرة اخري إلي السجن المصغر كما اسمته
دقت جرس الباب ففتحت سعاد
يلا يا جميل علشان الاكل جهز
نور: - هاصلي الضهر الاول يا عمتو وجاية
بعد ان انتهت من الصلاة جاءت لتتناول الطعام
محمد: - المدرس اللي قولتلك عليه هيكون عند رؤي بكرة علشان تبقي عارفة
نور: - حاضر يا بابا جاهزة من زمان
ذهبت إلي حجرتها اللي تتحملها لفترات طويلة وفي الصباح ذهبت إلي بيت رؤي البغيض بالنسبة لها والذي لا يقل بغضاً عن بيت أبيها وعندما وصلت وجدت رؤي ووالدها في استقبالها ولم تري المدرس بعد
نور: - السلام عليكم
سعيد: - ايه الجمال والرقة دي دا انتي زي مامتك بالظبط
نور: - شكراً يا عمو( بضيق )
سعيد: - مامتك كانت قمر مافيش بعد كده
نور: - مبحبش حد يجيب في سيرة حد مش موجود وماما مش موجودة معانا فلوسمحت متجيبش سيرتها
سعيد: - شكل لسانك طويل ومش هاعرف اهزر معاكي
نور: - انا باحط حدود لكل حاجة حتي الهزار فين المدرس والا هامشي
رؤي: - مش قولتلك خليكي كول
جاء المعلم اخيراً سلم علي والد رؤي واتفق مع رؤي ونور ان يكون المعاد في الغد وذلك حتي تري أنس ليخبرها عن والدتها
وفي اليوم التالي ذهبت نور إلي الدرس بكل تفاؤل لانها سوف تستقبل رسالة من والدتها في هذا اليوم وفي بيت رؤي جلست علي إحدي الكراسي في انتظار المعلم بينما رؤي كعادتها مشغولة بالثرثرة المتواصلة في الهاتف المحمول حتي امام والدها فهو لا يبالي كثيراً لأمرها
فكرت نور في ترتيب أدواتها قبل حضور المدرس انهمكت كثيراً في التحضير وكانت تنطم كتبها بدقة بالغة وبينما هي علي هذا الوضع وجدت من يضع يده علي عينها فهل هي رؤي ام المعلم أم والد رؤي من يا تري الذي تسول له نفسه علي فعل ذلك الامر ؟
******************************
الناس الحلوة اللي متابعة قصتي أنا نزلت قصة جديدة أتمني إنها تعجبكوا ❤
Death for life
,الموت من اجل الحياة واقعية جدا
