وقفت في شرفة منزلها لتستنشق الهواء وتتخيل ما السر وراء كل ذلك الهمني يارب ما السر
ارادت ان تخرج من هذه الحالة فذهبت لتتمشي في هذه القرية التي دائما تشعر فيها بالغربة ولم تستطيع ان تتعرف علي اي شخص منها
احد نساء القرية:- ازيك يا حبيبتي
زهرة: - الحمد لله هو حضرتك تعرفيني
السيدة:- ياما اشتغلت عند الحاج ابراهيم في الارض وكنت باشوفك
زهرة:- اهلا وسهلا بيكي يا حاجة
السيدة: - عاملة ايه مع الخرفان ايه اللي انا باقوله دا ، عاملة ايه مع جوزك اقصد
زهرة: - انتي تعرفي عنه حاجة
السيدة :- انا عارفه عن العيلة دي كل حاجة
زهرة :- انتي نزلتيلي من السما
السيدة:- هاحكيلك من البداية خالص انا كنت شغالة عند الست الكبيرة ام محمد الله يرحمها كانت بتقول لجوزها انه ملموم على شلة فاسدة وبيسهر معاهم للصبح وبيرجع دماغه مش فيه فالحاج قالها تمنع عنه المصروف ولما منعته بدأ يكسر في البيت ويشتم ويسرق وبعدين قالتله انا امك عيب تعمل معايا كده قالها انا اول مرة اشوفك واول مرة ادخل البيت دا ، اتصلت بالحاج حكتله اللي حصل قالها هنسفره يتعالج في بلاد برا لانه بيشرب مخدرات
انتهت السيدة من كلامها الذي صدمت زهرة لسماعه وصرخت في نهايته وقالت( مدمن كنت حاسة انه مش طبيعي برضو ، لا إله إلا انت سبحانك اني كنت من الظالمين )
السيدة:- اهدي يا بنتي انتي عشتي معاه كتير وا
كيد عرفتي عنه كل حاجة
زهرة: - انا هامشي اكيد لسة في حاجات تانية هاجي اسمعها منك انا ما بقتش قادرة اسمع اكتر من كده .
عادت زهرة إلي منزلها وابنتها التي لا تمتلك سواهما في الحياة عادت محملة بالاسي والالم الذي تراوده منذ عدة شهور ولا تلقي له بالا وقفت تنظر الي ابنتها التي لم تشعرها يوماً بانها يتيمة الاب
نور:- كنتي فين دا كله يا ما ما قلقتيني عليكي
زهرة: - وحشتيني الشوية الصغيرين دول يلا هاتي كتبك علشان اذاكر معاكي
نور:- في حاجة مش فاهماها في العلوم
زهرة:- هاتي الكتاب وانا اخليكي تشرحيها لزمايلك كمان
نور:- بجد يا ماما كل الناس بيحسدوني عليكي ربنا يخليكي ليا 💚
** محمد وشلته الفاسدة
لم تعلم زهرة بان محمد قد عاد لهذه الشلة منذ زمن بعيد فهي لم تعرف تلك الشلة الا الليلة فقط ومن هنا ادركت سر تأخير زوجها كل ليلة وسر غضبه وتذمره الدائم علي كل شئ
يارب الهمني الصواب قالتها زهرة في حالة ميئوس منها
عاد محمد الي المنزل يتخبط بجدران المنزل تارة وبالأبواب تارة اخري
زهرة: - مالك فيك ايه ؟؟
محمد:- تعبان تعبان اوي يا زهرة قلبي هيقف ، هاموت الحقيني
زهرة:- هاتصل بالدكتور اخليه يجي بسرعة
محمد:- لا وديني المستشفي مش هاقدر استني
زهرة: - طب يلا بسرعة...
