في أثناء ذلك وجدت من ينظر إليها نظرة نارية ،ها قد عرفت مصيرها في هذا اليوم!!!!!
ذهبت علي عجل إلي منزلهم وبعد قليل سمعت صوت والدها، إرتجف قلبها لأنها تعلم أنه أخبره بما رأي.
وبصوت عالٍ كادت الجدران أن تسقط منه نوووور إنتي فين يظهر إن معرفتش أربي
سعاد :- ممكن تهدي وتعرفني ايه اللي حصل علشان يخليك تزعق كده وهتلم علينا الجيران
محمد :- الهانم سعيد شافها واقفة مع ولد في الشارع وادالها شنطة فيها حاجات يمكن كاتبلها جوابات وجايب لها قلوب
سعاد :- مش يمكن زميلها ودي حاجات تبع الدراسة بتاعتهم
محمد:- انا مدخلها مدرسة بنات بس وباجيب لها المدرسين لحد هنا هتعرفه من فين دي!!!
فكرت نور في مواجهة الموقف فكتبت جواب بخط والدتها لها فهي كانت تُقلد ، خطها وكأنها هي وخبأت الهاتف بحيث لا يراه أحد.
#فلاش_باگ
نور:- الراجل دا هيقول لبابا وهتبقي وقعتي هباب
أنس :- قوليله إن مامتك باعتالك دا
نور:- ايه دا
انس:- دا مصحف ملون كان المدرس واعد اللي يحل المسائل كلها صح ان هيديهوله ،قوليله إن مامتك باعتاهولك
نور:- تفتكر انه هيصدق دا أصعب مما تتخيل اكيد هيقوللي ايه اللي عرفه وكده
أنس:- قوليله إنك شفتيني مع المدرس وان انا سلمت عليكي
نور:- ربنا يستر
أنس:- الحجاب شكله حلو اوي عليكي إوعي تخلعيه .. سلام
----
دخل عليها غرفتها لم يتحدث معها ،لم يفعل شئ سوي الضرب والاهانة ،لم يعطها فرصه لتبرر له حتي ما سبب كل ذلك..
مين الولد اللي كنتي واقفة معاه يا حيوانة.
نور :- أنا مش حيوانة علشان حضرتك تقولي كده دا أنس ابن خالي ماما كانت باعتالي مصحف معاه
محمد:- بتكدبي عليا دا سعيد شافك معاه في مطعم او كافيه مش فاكر
نور:- لما يفوق من البرشام اللي هو بياخده ولا هو فاكرني هاسكت له عايز يضيعني زي ما ضيع بنته ،وبعدين مافيش مطاعم وكافيهات قريبة من هنا خالص ازاي شافني بقي
محمد :- (محاولا تغيير الموضوع) بتشتمي صاحبي يا سافلة وربنا ما أنا سايبك لأعرفك إزاي تحترمي اللي أكبر منك..
ضربها ضرباً مبرح وظهرت علي وجهها علامات الضرب ، لم تنتهي من امتحاناتها بعد فهذه أول سنة لها في الثانوية العامة وأسوأ سنة في تاريخ حياتها ما الذي ستفعله وهي لا تمتلك شئ .لا بل تمتلك هاتفاً وتستطيع أن تتحدث مع والدتها وتحكي لها عن ما تتعرض له بشكل شبه يومي ، ما الذنب الذي إقترفته لتعيش وسط الذئاب.
أمسكت هاتفها وضغطت علي زر الإتصال لترد والدتها أخيراً
نور قلبي اللي متاخد مني مش عارفة أعيش من بعدك أنا تعبانة عايزة أشوفك قبل ما أموت أنا باموت كل يوم بسبب بعدك عني مش من المرض بس..
نور:- تعالوا خدوني ارجوكي مبقتش قادرة انا باتضرب واتحرق واتقص شعري انا باموت حرفياً يا ماما.. الحقوني
---------
شكراً يا جماعة علي التفاعل اللي مبقاش موجود. ✋
شكراً لانكوا بتحبطوني من أول الطريق. ✋😞
