نور :- ايوة انا عايزة كل حاجة
رؤي :- بابا عايز يجوزني وانا بادرس كده
نور:- نعم!!
رؤي :- انا هاجي لك اعرفك كل حاجة
نور محدثة نفسها
(هما الناس دول ايه كفاية انه دمر بنته نفسيا وكمان عايز يدمر الباقي من حياتها وينهي مستقبلها لا حول ولا قوة إلا بالله ,ربنا يكون في عونها)
#في مساء اليوم التالي
جاءت رؤي التي يبدو علي وجهها آثار الضرب ويبدو كذلك أنها لم تنم منذ فترة طويلة
نور :- ايه اللي عمل فيكي كده يا بنتي
رؤي :- انتي مامتك عايشة يا نور.. وبكت بكاءا مريرا
نور:- ايه علاقة ماما بالموضوع ؟ماما جرالها حاجة ؟؟قتلوها!! (بصدمة)
رؤي :- انا معرفش أمي عايشة ولا ميتة ولا عندي اخوات لا لأ وليه بيتعمل فيا دا كله
نور:- جواز ايه اللي كنتي بتقولي عليه
رؤي :- باباكي عايز يتجوزني وبابا هيبيعني مقابل حتة ارض قوليله حاجة ابوس ايدك
نور :- ايه الهبل دا!! اهدي وهنحل الموضوع ان شاء الله
غالباً ما يقع الأبناء ضحية لسذاجة الآباء بسبب التربية الخاطئة أو السلبية المميتة في التعامل أو غيرها من الممارسات .
#نور
انا وانتي هنتفق عليهم بس مش هنعصيهم انتي اتكلمي مع باباكي بالراحة جايز يفهمك وانا كمان هاتكلم مع بابا يمكن أقنعه ،احنا مش آلات ولا صفقات بيستخدموها زي ما هما عايزين احنا نخلي دماغنا أكبر من كده ونفهمهم رغباتنا
رؤي :- تفتكري هنقدر نعمل حاجة يا نور انا هاموت لو الموضوع دا حصل
نور :- متقلقيش يا مرات ابويا هههههه هتعامليني ازاي بقي
رؤي :- بالله عليكي مش ناقصة وجع قلب
نور:- انتي مضيفة اوي من جوا بس لو برا بقي زي جوا مش هيفكروا يأذوكي
رؤي :- مش فاهمة!!
نور:- اتغيري
رؤي :- عارفة يعني ايه تعيشي من غير ام عمرك كله متعرفيش عنها حاجة لا هي حية ولا ميتة ولا اي حاجة غير انك عايشة مع حد مش حاسس بيكي ،انا ممكن اتغير لاني عايزة كده بس ليه وكل حاجة قدامي غلط ،لو حتي اتغيرت محدش هيحس بدا ..
خرجت رؤي أخيرا لتعود إلي منزلها وجلست نور وحيدة تفكر في والدها وكيف تفتح هذا الموضوع أمامه ،تظنها صفقة أخيرة لا يمكنه الرجوع عنها مقابل قطعة أرض أو أموال أو غيره فهم أشخاص عماهم الجشع والطمع وحب النزوات.
ها قد قدم والدها بعد طول إنتظار
نور :ممكن أتكلم شوية مع حضرتك
محمد :عايزة أيه
نور:رؤي طفلة بالنسبة لك حرام تضيع مستقبلها .
محمد :- انتي صغيرك علي الكلام دا .
نور:انا طول عمري صغيرة وعمر حضرتك ما إديتني أي فرصة حتي للكلام انا مش موافقة وإلا هابلغ عنكم انكم هتجوزوا وحدة قاصر لواحد شايب واكبر من ابوها كمان.
إشتعل محمد وجنّ جنونه وكسّر كل ما هو أمامه وأمسكها من شعرها وضربها ضرباً مبرح..
#ضرب الأبناء
تربية الأبناء الصحيحة تعتمد علي التفاهم فالضرب لا يجدي لأنه لا يؤدي إلي الإصلاح إلا نادراً ولكنه غالباً ما يؤدي إلي تمسك الابناء بأفكارهم
#سعاد
نور أنا سمعت صحبتك وهي بتتكلم أنا هاقنع بابا إنه يرفض انا خلاص توبت وغلطانة ،أنا عارفة كل حاجة عن أم البنت دي وابوها كمان
نور:بتتكلمي جد يا طنط طب هي عايشة ولا ميتة
سعاد :- .......
______
اولا مافيش تفاعل خالص انا حاسة ان محدش بيتابع القصة ولا حد عايز يشجعني لحد ما أكمل.
ثانيا قصتي الجديدة برضو محدش بيتابعها ✋😑
