ذهبت زهرة إلى إحدي اخواته لتسأل عن السر الخفي وراء حب زوجها للبنين
زهرة:- ازيك يا سعاد
سعاد:- اهلا مرات اخويا نورتينا ،فيكي الخير والله عن محمد اللي مبنشوفش وشه ولا حتي بنقابله صدفة
زهرة:- اصلاً مشاغله كتير والله وانتي عارفة يعني
سعاد: - ربنا يكون في عونه
زهرة: - اخوكي مش بيبطل ابداً قصة انه عايز ولد حتي مبيحسش بيا انا ونور
سعاد:- ولد او بنت كله ارادة ربنا يعني ( علي الرغم من انها عارفة السر اه يا لئيمة)
زهرة:- يعني مفيش سبب معين يخليه بيحب الولاد اوي كده
سعاد:- لا طبعا بس الراجل بفطرته كراجل بيحب يكونه له سند لو تعب ولو جراله حاجة
زهرة:- بس انا رحت للدكتور لاني عايزة احقق له امنيته دي فقالي ان الامل ضعيف اني اجيب طفل تاني دلوقت
سعاد: - يا حظك الاسود يا محمد
زهرة:- انا علي فكرة مش آلة يعني بتستخدموها للولادة ولما تبوظ ترموها انا انسانة زيكوا
سعاد:- ما اقصدش كده يا حبيبتي أسفة بس عايزة افرح اخويا وافرح بعياله
عادت الي منزلها وهي تعلم ان هناك سر خطير تعلمه سعاد ولكنها لم تفصح به
زهرة: - محمد قول لي عملت ايه في الارض الجديدة يارب يكون المرتب كفي
محمد:- بنيت بمرتبك كله بيت ف الارض الجديدة
زهرة:- هتكتبه باسمي ولا باسم نور
محمد: - لا باسمي انا
زهرة: - ونور!! وانا؟
محمد:- لما تجيبلها اخ الاول ولا انا متأكد ان عمرك ما هتجيبيه
زهرة: - ايه اللي انت بتقوله دا
محمد:- ليه فاكراني مش عارف ههههههه
زهرة:- طيب يا محمد
محمد:- هاقف معاكي لحد ما تتعالجي بس
زهرة: - بحبك اوي يا سندي
مرت الاحداث سريعاً وبقيت الاوضاع كما هي ،
ظلت زهرة تعالج حتي بلغت نور التانية عشر من عمرها والعلاج حتي آلان لا يجدي ومحمد لم يصبر عليها لانها مريضة وينتظر شفائها بل انتظر حتي يأخذ راتبها ليبني به بيوتا ويشتري الدنيا به
محمد:- اظن انا استحملت بما فيه الكفاية ومافيش فايدة
زهرة:-مش فاهماك
محمد:- لا انتي فاهمة كويس اوي
زهرة:- يعني عايز ايه دلوقت دا انت واخد اللي ورايا واللي قدامي
محمد:- هاتجوز
زهرة: - ههههههه اللي خدته القرعة تاخده ام الشعور
وقفت في شرفة منزلها لتستنشق الهواء وتتخيل ما السر وراء كل ذلك الهمني يارب ما السر
ارادت ان تخرج من هذه الحالة فذهبت لتتمشي في هذه القرية التي دائما تشعر فيها بالغربة ولم تستطيع ان تتعرف علي اي شخص منها
احد نساء القرية:- ازيك يا حبيبتي
زهرة: - الحمد لله هو حضرتك تعرفيني
السيدة:- ياما اشتغلت عند الحاج ابراهيم في الارض وكنت باشوفك
زهرة:- اهلا وسهلا بيكي يا حاجة
السيدة: - عاملة ايه مع العبيط ايه اللي انا باقوله دا ، عاملة ايه مع جوزك اقصد
زهرة: - انتي تعرفي عنه حاجة
السيدة :- انا عارفه عن العيلة دي كل حاجة
زهرة :- انتي نزلتيلي من السما
السيدة:- هاحكيلك من البداية خالص ....
