كانت نتيجة التحاليل تحمل الألم والامل فزهرة كانت مريضة بورم في الرحم ولكن قد يكون هذا الورم حميداً وهنا يكون الامل لأن نسبة الشفاء في هذا النوع ستكون مرتفعة جدا وقد لا تحتاج إلي تدخلات علاجية مؤذية وقد يكون خبيثاً وهنا يكون الالم لأنه عكس النوع الاخر من حيث التدخلات .
زهرة(بقلق شديد بادٍ علي ملامحها) : - ياريت يا عمر انت وبسمة متجيبوش سيرة قدام نور او ماما او حتي انس
عمر: - ان شاء الله مش هيكون في حاجة متقلقيش يا زهرة كله خير
زهرة: - ولو كان في حاجة يبقي قدر الله وما شاء فعل بس ساعتها تحط بنتي في عينك بنتي تعتبر يتيمة الاب وبكت
عمر (مهدئا لها ): - انتي وبنتك في عيني يا زهرة
كان هذا الموقف مؤثر جداً ام تخاف علي ابنتها واخ يخاف علي اخته وكلاهما يعتصر قلبه بالالم علا البكاء والنحيب بينهم ولكنهم يريدون ان يتظاهروا بالقوة حتي لا يلاحظ احد فموقفهم قد يكشف في أي لحظة بسبب الحزن والالم البادي علي وجوههم وملامحهم التي يكسوها الخوف .
خرجوا من العيادة وعلي ميعادهم القادم حتي تتم عملية الاستئصال لاخراج هذا الورم ومن هنا بدأ التخطيط للخطة الجديدة التي ستخرج بها زهرة من المنزل لاتمام العملية دون ان يعلم أحد منهم ،وكذلك لتستعيد جزء كبير من قوتها التي فقدتها في الفترة الماضية
زهرة: - طب يوم العملية هنقول لماما ونور ايه يا عمر علشان مياخدوش بالهم
عمر: - هنقول ان اللي عندك تعب نفسي والدكتور قال تروحي مكان بعيد تقعدي لوحدك وانا هاقولهم انك عند اخت بسمة في اسكندرية وهتقعدي اسبوع واهو نكون خلصنا كل حاجة في الفترة دي وترجعي بالسلامة أحسن من الاول بإذن الله .
بسمة وزهرة: - طب ونور!!
عمر: - هي بترتاح مع تيتة وهاذاكرلها المنهج بتاع اولي ثانوي وانسيها انا وانتي يا بسمة هي بتحبك وبتحب كلامك وقعدتك معاها
زهرة: - يارب الخطة تنجح ومحدش ياخد باله ،انا خايفة جدا عليهم أكتر ما انا خايفة من العملية المهببة دي
وبالفعل نجحت الخطة واستعدت زهرة للعملية وكلها أمل وإيمان وتم إستئصال الورم وارسل لعدة محافظات حتي يتم التأكد وفي تلك الفترة كانت زهرة تلح علي الله في الدعاء ليكون الورم حميد حتي تبقي مع ابنتها فترة طويلة فابنتها في حاجة ماسة إليها
دخل عمر ومعه الطبيب ليتفحص حالتها
الدكتور: - ما احنا بقينا عال اهو
زهرة: - النتيجة ظهرت يا دكتور!!
الدكتور: - بكرة بالكتير ان شاء الله هتوصل من القاهرة وان شاء الله خير
عمر: - يارب يا دكتور.... وانصرف الطبيب
زهرة: - ماما ونور عاملين ايه يا عمر ؟
عمر :- كلهم تمام متشغليش بالك انتي ،المهم صحتك يا قمر
وفي الصباح جاء الطبيب ليبلغها بنتيجة تحاليل العينة اللي اخذت منها.....
