سعاد: - متفقين علي ايه بس!!
محمد:- لا ما ينفعش نور تروح معاكي
نور :- ليه بس كده يا بابا ! ممكن اعرف ليه ؟؟ ايه السبب ؟؟
محمد: - انتي ناسية انك هتدخلي اولي ثانوي النهاردة في مدرس هيجيلك علي البيت علشان يديكي درس
نور: - طب ما ينفعش نأجله لحد بكرة حتي اكون استعديت شوية
محمد:- للأسف مينفعش هو لسة متصل عليا وقاللي انه علي وصول روحي جهزي حاجتك
#فلاش_باك
عندما كانت زهرة مريضة وذهبت لإجراء العملية تحدثت سعاد مع محمد مراراً وتكراراً حتي يذهب ليحضر زوجته وابنته او يعزي زوجته في والدها لكنه رفض وبشدة فقالت سعاد
محمد نور دي ثروة دي الاولي علي المحافظة فاهم دي هتفيدك ازاي بص للجانب الإيجابي في الموضوع دا
محمد: - لا مش فاهم قصدك ايه من دا كله !وايه الجانب الإيجابي يعني ؟
سعاد: - طب ركز معايا كده البنت نبغة في الدراسة وسابقة سنها زي ما سمعت من ناس كتير ممكن تستغلها لطرفك تعلمها انت ولما تتخرج كل اللي تجيبه يبقي ليك اهو تبقي كاسر عينها بحاجة
محمد: - تفتكري امها هترضي تسيبها او هي هتوافق تيجي من غيرها
سعاد: - لا هاتهم هما الاتنين
محمد: - انا مش عايزهم بس مادام الموضوع هيبقي كده انا هاجيب نور بس لوحدها وخليكي معايا انتي ،بس افرضي انها قالت عايزة تروح لمامتها هنجاوبها بايه انا عايز اقطع العلاقة اللي بينهم
سعاد: - انا باروح لبناتي هاعلقها في الموضوع دا وانت وعقلك وحججك بقي دا انت ابليس في الحجج طول عمرك نسيت كنت بتعمل في ابوك وامك ايه
محمد:- اللي فات مات خلينا في دلوقتي
كانت هذه خطتهم اتفقوا سوياً علي تلك المسكينة لم تعلم بكل ذلك ولكنها شعرت ان الامر ليس علي ما يرام لم تصدق ان الدراسة أو الدروس الخصوصية قد بدأت بعد في هذا الوقت المبكر للصف الاول الثانوي
اسكتت كل ما بداخلها من كلمات فهي لم تعد تشعر بنفسها وكأنها تعيش في مجتمع غريب عن الذي نشأت به لم تري ذلك المدرس بعد وعمتها قد ذهبت منذ ساعات طويلة،ستذهب لتتحدث مع والدها
نور: - مش حضرتك يا بابا قولتلي روحي جهزي حاجتك لأن في مدرس جاي دلوقتي! ؟
محمد:- ايوة جهزتي
نور: - دا كان من 4ساعات و13 دقيقة اعتقد ان المدرس مش جاي
محمد: - اه صحيح فكرتيني دا اتصل وقال انه حصل له ظروف باين عجلة العربية بتاعته فرقعت ورجع تاني
علمت انه يكذب من كثرة تناقضه في الكلام ولكنها لم تستطع التحدث او بمعني أصح لا تريد محادثته ومواجهته فهي لا تشعر بالأمان في كنفه ، قطع تفكيرها صوته
صحيح عايز اقولك ان في وحدة هتيجي تاخد معاكي درس هنا وممكن انتي تاخدي عندها درس برضو في أي يوم تاني بس الأكيد انك هتروحي تاخدي عندها واهو تغيري جو علشان متقوليش اني باحرمك من حاجة
نور: - ممكن اعرف مين دي ؟؟
___________________________________
احم احم ☺
لو في حد متابع قصتي وحاببها ياريت يعبرني يا جماعة كله بيعمل سين وقليل جداً اللي بيتفاعلوا حسسوني اني باعمل حاجة صح 😂
