وفي الصباح ذهب عمر للمستشفي كما يذهب كل يوم لزيارة اخته ولكن الزيارة اليوم مختلفة فهي ستعود معه إلي المنزل ، قام بعمل إجراءات الخروج اللازمة ودفع المصاريف المطلوبة وهم ليأخذها ويخرج من ذلك المكان الكئيب ،الذي لا يدخله أحد إلا وشعر بانقباض غريب
عمر: - حمد الله علي سلامة الجميل
زهرة: - الله يسلمك ،تفتكر حد هياخد باله
عمر: - اتعاملي معاهم بحذر شوية نور ذكية ومبيدخلش عليها اي حاجة
ذهبا سويا إلي المنزل وعادت إليها روحها مرة اخري برؤية ابنتها ووالدتها فهي لا تملك سواهما في هذه الدنيا ولكن المرض أبعدهم والله أعلم بما تخبأه الظروف والاحداث المضطربة لهم .
نور: - وحشتيني اووي يا ماما اهون عليكي دا كله
زهرة: - انا سايباكي وسط عيلتك يا قلب ماما
نور: - انني تعبانة مالك يا ماما ،شكلك مش طبيعي ومش مطمني
زهرة: - بس لا تيتة تسمعك وتيجي تقلبها سين وجيم
نور: - ردي عليا يا ماما وكلامها مختلط بالدموع..
زهرة: - هاقولك انا كان عندي الزايدة وكانت علي طول بتوجع بطني فالدكتور قرر انه يشيلها وانا مش عايزة اقلق تيتة واصدمها تاني بعد ما جدو مات
نور: - الف الف سلامة عليكي.. خالو مش حارمني من حاجة وعلي طول يعمل لي مفاجأت ربنا يخليه لأنس
زهرة: - محدش سأل عليكي ولا عليا ؟؟
نور: - بابا هو خالي عمر وانا مش عايزة غيره يا ماما ولو جم وسألوا عليا انا مش هأمشي ولا أتحرك معاهم.
نظرت إلي ابنتها وقد احست بنضوج فكرها وعقلها فهي ادركت كره والدها لها في سن مبكرة ولكن علي الام أن تعالج هذا الخلل بكلماتها التي تنير بها عقل صغيرتها.. والكلام هو السلاح الذي تستعين به زهرة في أغلب الأمور
زهرة: - يا نور دا مهما كان باباكي اللي مالوش غيرك في الدنيا يا بنتي
نور: - بابا مش بيحسسني بوجوده ولا هو حاسس بيا حضرتك اللي علي طول بتبينيه بصورة أفضل يا ماما
زهرة: - هو لما بيحب حد بيعمل كده واكيد هيحس بقيمتك والله
نور: - انا مينفعش اغضبه ولا أغضبك يا ماما وانتي ربيتيني علي كده وانا مش باكرهه ولا هاكرهه هو مهما كان والدي وهو اللي هيبقي لي
زهرة: - ما شاء الله عليكي ،ربنا يبارك فيكي يا بنتي
سمعوا ضجيج يأتي من الخارج ومن الواضح أنه صوت عمر وشخص ما
نظرت نور لتري ما الخطب وجدت خالها ووالدها في مشادة كلامية ، ارادت أن تخرج لتشارك معهما ولكن أوقفتها والدتها
دخل عليهم عمر: - نور باباكي عايز ياخدك
وكعادة زهرة عقلها لا يتوقف عن التفكير في زوجها الذي احبته بشدة ولكنه لا يبالي كل ما يريده هو كيفية اسعاد مزاجه
زهرة: - مسألش عليا ؟؟ ..
____________________________________
كل سنة وانتوا طيبين ❤
وعيد فطر سعيد 😍
