Rent A Gentleman 2 (ZIAH & AUSTIN STORY)

Chapter 6

Matapos lumabas ni Austin sa pintuan agad ko namang pinatawag si Sue para kausapin tungkol sa nangyayari. Dahan-dahan lang pumasok si Sue dahil alam niyang hindi pa kami okay. Tahimik din siyang naupo at hinintay akong magsalita. Napatingin ako sa kanya at tanging buntong hininga na lamang ang unang ginawa ko ng magkabangga ang aming mga mata. Yumuko muli si Sue para iwasan ang mga tingin ko.

Pinaliwanag naman ni Sue na ang nangyari ay hindi niya talaga alam. Hindi niya inaasahan na ma-validate ang request niya dahil biglang nawalan ng internet sa shop. Kaya hindi niya akalaing may darating na isang Austin Reyes at sasabihing siya ang rented gentleman ko. Naintindihan ko naman ang paliwanag ni Sue at kung bakit niya iyon nagawa kaya naman sinabi ko sa kanyang ayos lang ang lahat at ipagpapatuloy na lang ang nasimulan.

Pinaalala rin ni Sue ang renewal of contract ni Edison Pascual sa Myatt Hotel mamayang lunch time kaya naman nag decide akong isama na lang si Shine dahil wala rin naman siyang makakasama sa bahay pag nagkataon. Nagtungo kami sa venue ng renewal of contract ni Edison at medyo nairita ako sa di naman sobra pero saktuhang trapik sa Roxas Boulevard pero nakarating pa rin naman kami ng mas maaga pa sa call time.

Pinasamahan ko na lang muna si Shine kay Brett na maglaro na lang muna sa mall habang on going ang pirmahan ng kontrata. Ayoko din namang pagpiyestahan ng lahat si Shine at gusto ko rin itong matapos ng mapayapa. Tumambad sa akin ang mga reporters at photographers na magcocover at naghihintay sa pagdating ni Edison Pascual at masaya naman ako dahil tinatangkilik nila ang isa sa napakagaling na singer ng network.

"Good afternoon Madam Z!" bati sa'kin ng manager ni Edison at bumeso naman sa'kin itong si Edison. Masaya akong humarap at nakitungo sa kanilang dalawa, naupo ako sa kanang bahagi kung saan nakaupo di Edison. At alam naman nating lahat na bago pa man din tumuloy sa pirmahan ay magkakaroon na muna ng Q & A.

"Edison? How does it feel na this is your fourth contract to Z.A.C Network?" nakangiti naman itong sinagot ni Edison habang sumusulyap sa akin.

"Well, I feel very happy because I am in good hands. Especially with Miss Ziah," sabay turo sa akin, "nakakasigurado akong hindi nila ako pababayaan. So I am very thankful for this people who are actually supporting and giving me guidance in every path I take."

Napangiti naman ako sa mga sinabi ni Edison lalo na't alam ko kung gaano ka down to earth ang binatang ito. At sa puntong ito akala ko ay makakaiwas ako sa mga issue between me and Georgina Smith pero biglang parte ng mga trabaho nila ay kailangan din nilang bumuhay at ikasisiya ng mga taong sumusuporta sa bawat panig.

"Miss Ziah? This question is regarding with Miss Georgina Smith na lumipat kamakailan sa kabilang istasyon at ikaw ang sinisisi niya about this issue, ano po ang masasabi ninyo?"

Tumahimik ako at hinintay naman nila ang isasagot ko sa tanong na pinukol nila sa akin. Kaya minsan ayokong pumupunta ng mga ganitong gathering dahil nakakaumay minsan ang set up ng buhay kong ganito. Kung may pagkakataon lang akong pumili ng buhay na gusto ko, pipiliin kong maging isang simpleng mamamayan ng bansang ito. Pero since eto ang binigay ng panginoon at magulang ko gagamitin ko na lamang ito para makatulong sa ibang tao.

"Para naman matapos na ang issue at sakit ng ulong binigay sa akin ni Miss Smith, sasagutin ko ang tanong ninyo. Pero this is the last time na sasagutin ko ang mga ito because I don't want to ruin somebody spotlight, like edison, siya dapat ang bida ng event na ito but still you get the chance para lang maitanong ang walang kwentang bagay na iyan" tumingin ako kay Edison at ngumiti, "I didn't renew the contract of Georgina because of some important reasons, first she humiliated a person who was just asking for a signature, second? she used her popularity so that person can be fired from his work, third? she's confident that she is the main reason why Z.A.C Network is on the top and doing fine but I owe that to all hardworking employees and staffs and lastly? She provoke me from what CEO and OWNER can really do. Hindi ko gusto ang mga taong lumalaki ang ulo. So I hope I enlightened your mind about this matter, and hoping that Georgina do well on her new environment. Let's be happy and proceed to Edison's renewal of contract,"

Pumirma muli ng kontrata si Edison sa pang-apat na pagkakataon at muling nagtiwala sa ZAC Network. Nagkaroon din ng photo-op bago matapos ang signing of contract ni Edison Pascual sa Myatt Hotel. Nagpasalamat naman ako sa kanya sa tiwalang ibinigay niya sa network para alagaan siyang muli, masaya namang nakipagkamay sa akin si Edison at nagpasalamat pabalik. Matapos ang contract signing dumiretso na kami ni Sue sa lobby para antayin sila Brett at Shine.

"Madam? Ano pong balak ninyo bukas?" Anong mayroon bukas? Napatingin ako kay Sue ng matagal at inisip kung anong mayroon bukas.

"Do you want to get an appointment sa designer niyo? The next day na po ang Moonlight Magic Ball, Madam?" Yeah, the magic ball. Sumang-ayon ako kay Sue na magpa-schedule ng appointment kay Raja Mara ang aking designer na gumawa ng damit for tomorrow's magic ball.

Masayang-masaya naman kaming sinalubong ni Shine at Brett galing sa paglalaro sa mall. Niyakap agad ako ni Shine at hinila na papasok sa sasakyan. Mabuti na lamang at hindi na kami naabutan ng mga reporters para kumuha ng interview again regarding with Georgina.

"Sue, please make sure na maayos na ang magiging debut ng isang group this next friday. I didn't hear any informations and improvements ng concert dahil sa inaasal ni Matthew ngayon. I want you to contact Mr. Jose Orani the other talent manager to please check this one for me and, inform all the trustee's, VP's, manager's and other heads for tomorrow's urgent meeting."

Once in a while pinipilit kong isurprise ang mga staffs ko with my urgent meeting scene. Dahil para na rin malaman kung nagtatrabaho sila ng maayos.

Habang bumabiyahe ay bigla na lang akong napagod sa lahat ng bagay.

Hay, I want to sleep.