In The Rain | ViCo

Kabanata VII

Nakaraan...

Pilit na hinahanap pa rin ng mga mata ni Ella ang kanyang nakita kanina.

"Ella, 'wag mo nang hanapin 'yon!" bulong ni Jonel kay Ella.

Hinarap naman ni Ella si Jonel.

"Kailangan ko siyang makausap, Jonel," sagot naman ni Ella. "Kailangan kong makausap si man in the rain."

Present...

"Nakakaloka ka!!! Tumigil ka nga, Ella! Magtrabaho muna tayo," sumbat naman ni Jonel.

"Alam ko, Jonel, okay? Pero hindi tayo aalis hangga't 'di ko nakakausap 'yong lalaking 'yon," sagot naman ni Ella.

Natahimik nalang si Jonel at pinagpatuloy ang paglalakad kasama si Ella at si Elmo. Napapasulyap nalang siya kay Ella at pansin niyang patuloy pa ring hinahanap nito si man in the rain. Labis naman ang kanyang pag-aalala para sa huli ngunit, pinili nalang niyang hindi magsalita.

Samantala...

"Oh, Onyok, Makmak, eto na 'yong tubig niyo," sambit ni Cardo nang makarating siya sa classroom kung saan mag-aayos ang dalawa.

Kinuha naman ito agad nina Onyok at Makmak.

"Kuya Cardo, pwede bang 'wag niyo muna kaming tawaging Onyok at Makmak ngayon?" pabulong na tanong ni Onyok at tumingin sa mga ibang mga kandidato na nasa palibot ng kwarto. Napa-smirk at natawa naman si Cardo.

"Sige, Xymon. Ngayon lang ah?" sambit naman ni Cardo.

Napangisi nalang sina Makmak at Onyok.

"Ah, Cardo... sinundo na nga pala ni Elmo 'yong dalawang make up artist nina Makmak ay este Macky at Xymon," pagpapahayag ni Yoli.

Ngumiti lang naman si Cardo, "Sige, hintayin nalang natin."

"Cardo! Nandito na sila!"

Nang marinig ang pagtawag ni Elmo ay napalingon si Cardo. Sa paglingon na ito ay nagtama ang kanilang paningin ni Ella. 

Both were stopped. Niisa sa kanila ay walang gumalaw. Parehas lang silang nakatingin sa isa't isa. Ramdam na ramdam nila ang malakas na tibok ng puso ng isa't isa. 

Bagamat na natigilan, nilampasan na nina Lola Flora, Lolo Delfin, Macky at Onyok si Cardo. Napansin naman ni Benny ang pagkatulala ni Cardo at napatingin rin siya sa babae at napagtanto niyang si Ella ito. Nanatili siya sa likod ni Cardo at hindi gumalaw. Nagpatuloy naman sa pagpapakilala sina Jonel at ang iba pa sa isa't isa. Nadamay na rin si Ella rito kaya napaiwas siya ng tingin kay Cardo ngunit si Cardo ay hindi maalis ang paningin sa huli. 

"Chiep..." sambit ni Benny. "S-siya 'yon d-diba? S-si Ella." 

Hindi nilingon ni Cardo si Benny. Tila naestatwa na siya sa kanyang kinatatayuan at ang kanyang paningin ay tanging na kay Ella lamang. 

"Ate Ella?" pagtawag ni Xymon kay Ella. Bahagyang napatingin rito si Cardo.