PERFORMANCE BROTHERS

CHAPTER FOUR

Chapter Four

May ideya na si Ardel kung sino ang tinutukoy na bisita ni Sarah. Si Arwynn. He felt the excitement.

"Bro!" Bulalas ni Arwynn. Tama nga siya ang nakababatang kapatid ang kanyang bisita. Alam niya kasing pababalikin na ito ng ama upang humalili sa kanyang posisyon sa Metro Manila branches ng kanilang hotel para makapag-focus na muna siya sa nalalapit niyang kasal at sa magiging unang mga buwan ng buhay may asawa. Alam din niyang kapag nalaman ng kapatid ang kanyang planong pagpapakasal ay hindi ito mag-aatubiling puntahan siya. Dito niya sinabi ang kanyang naisip na wedding proposal at nakatanggap siya ng "corny" na komento.

"Sabi na eh!" Tugon niya saka tumayo upang salubungin ito. Mahigpit silang nagyakap. Ilang buwan ding hindi umuwi ang kanilang bunso kaya na-miss niya ito. Isang dahilan lang ang alam niya kung bakit hindi nito naisipang umuwi- nakabiktima na naman ito ng mga babae kahit sa probinsya at nag-enjoy.

Saka ito umalis sa pagkakayapos nila upang siya'y kamayan. "Congrats kuya!" Binalingan din nito si Sarah. "Sarah congrats ah!"

"Thanks bro!"

"Thank you Arwynn." Nagpasalamat din si Sarah.

"Pero kuya ah hindi ko inasahan na gagawin mo talaga yung naging proposal mo." Napangisi ang kanyang kapatid. Muli niyang nakita ang mapang-anas nitong mukha.

"All for love bro. Magagawa mo rin yan kapag nagmahal ka na." Saka niya tinapik ang balikat nito.

Una'y ngiti lang hanggang sa hindi na nakapagpigil pa ng tawa si Arwynn. "Kuya naman living the corny life na talaga? Noon alam kong mahal na mahal mo si Sarah but you're not that corny."

"Ganon talaga bro. Habang minamahal ko siya ng minamahal pa-corny rin ng pa-corny. Ang mahalaga kasi masaya siya at yun na rin ang magiging kasiyahan mo." Saka siya lumapit kay Sarah. Inakbayan ito at hinagkan sa mga labi. "Right my love?"

"Very right. Kaming mga babae kasi mas mahalig sa mga corny na bagay. Kapag nasakyan yon ng isang lalaki at in-enjoy niya na rin ibig sabihin mahal niya yung babae. Kasi willing na siyang gawin ang lahat para rito including those ka-corny-han." Tugon ng kanyang kasintahan. She was looking at him with so much love. Ilang saglit pa'y binaling naman ng babae ang tingin kay Arwynn. "Kaya ikaw Arwynn promise kapag na-in love ka magiging corny ka na rin. Hindi lang puro s*x ang isang relasyon. Women deserve better than that. We deserve to be loved."

Natahimik nalang ang kapatid ni Ardel. Ito na yung oras kung saan gusto niya ring ma-realize ni Arwynn na magtino na sa buhay at sa pakikipagrelasyon. Bagay na napagtanto na niya at naging masaya siya sa naging mga desisyon lalo na ngayong lalagay na siya sa tahimik katuwang ang babaeng kanyang pinakamamahal.

.....

Kinabukasan ay agad na nagsimula ang transition ng Paradise Suites mula kay Ardel patungo kay Arwynn. Medyo tinanghali si Ardel dahil hinatid na muna niya si Sarah sa wedding coordinator nila. Pagdating naman niya ng hotel nila sa may Ortigas kung saan siya nag-oopisina ay agad siyang sinalubong ni Ericson para i-dicuss ang maraming bagay tungkol sa transition.

"Nandito na ba si Arwynn? I'm late dapat siya hindi." After a couple of discussion nang makasakay sila ng elevator ay naalala niya ang kapatid.

"Late din siya pero nandito na siya. Alam ko nasa office mo na siya eh." Tugon ni Ericson.

"Good."

"Sure ka na ba sa pagpapakasal mo?" Biglang tanong nito sa kanya. Napatingin tuloy siya sa kaibigan. Kitang-kita niya ang hindi maipaliwanag na lungkot sa mga mata nito. Lubha niyang pinagtakhan ang itsura nito.

"Anong klaseng tanong yan Eric?"

"Masaya lang ako para sayo Ardel!" Biglang nagbago ang awra nito sa kanyang nakita ilang segundo palang ang nagdaan. Inakbayan pa siya nito.