Nagsimula ang lahat kay MARK ETHAN
Kahit sobrang nagtitipid ay pilit bumili
Isang kopya ng kwentong naging daan
Upang makilala ang isang magaling na manunulat
Sa unang pagkikita ay kinakabahan
Pintig ng puso sa tantya'y naging triple
Nanlalamig na mga kamay
Pagkikitang kung noon ay imposible
Naging realidad sa panahong wari'y hindi na uso
Pagka't kay dami ng naglabasang bago
Ngunit nananatiling idolo ang mga libro
Lalo na ang mga tao sa likod nito
Ng isang taong libro na lamang ang nagpapasaya
Isang umaasa na pinagbigyan ng pagkakataon
Sapagka't nasa isang probinsya lamang pala sila
Ng naitakda ang araw at oras
Hindi sinasadyang nahuli ng dating
Hindi maintindihan kung anong gagawin
Naging isang maswerteng tao
Nakilala ang lumikha kay Mark Ethan
Kasabay pang nakilala ang may likha kay Lucas
Isang sagot sa hiling ng isang tagahanga
Makilala at makasama mga taong iniidolo
Sa mundo ng mga manunulat
Na sana'y tinahak ngunit mas pinili ang pagsunod
Isang karangalan makilala mga taong parang langit
Pagka't ka'y hirap abutin
Ngunit pinatotohanan
Na may mga tao talagang kay daling abutin
Ilang beses nagpalitan ng mensahe
Nagpalitan ng mga regalo
Unti unti hindi na namalayan
Nabuksan na pala isang bahagi
Na bihirang mabuksan ng iba
Ang bahagi ng pagkatao na akala'y nalimutan na
Parang ka'y dali lang maibahagi
Ilang bagay na konti lang ang may alam
Sa ilang pagkikita at paguusap
Nandun pa rin ang paghanga
Dahil kahit maging magkalapit na magkaibigan
May parte pa rin ng isang umiidolo
Sa isang taong may akda ng isang libro
May mga ilan pang lihim na itinatago
Ngunit sa palagay ay mabuti na ang ganito
May bahagi talagang hindi na yata mabubuksan
Ngunit kung mabubuksan man ay paghahandaan na lamang
Kung anong maging resulta
Ang mahalaga ay ang ngayon
Ang ngayon na kailangang harapin
Kaysa sa mga bagay na magaganap pa sa hinaharap
Ngunit sana'y manatili
Ang pagkakaibigang nasimulan at nagpapatuloy
Sa pagdaan ng mga araw ay tanging hinihiling
Manatili ang pagkakaibigan na sa ngayo'y mahirap ng hanapin
Pagkakaibigang nagsimula kay Mark Ethan
Na nagdulot ng lungkot at saya
Sa buhay ng isang tagahanga
Tagahanga ni Ate Casper :)
-Micky 😊 dedicated kay Ate Lyn. 😊 Love you po. 😊
