Isa dalawa tatlo
Nagsimula na naman ang pagbibilang
Nagsimula na naman ang paghihintay
Nakailang beses na bang umulit?
Nakailang beses na bang bumalik?
Hindi ba't paulit ulit na lamang.
Pagkuway bibilang muli
Nagbabakasakali
Humihiling
Umaasa
Sana sa pagbibilang ay hindi na muling umulit
Sana ay hindi na umabot sa dulo
Sana sa kalagitnaan ng isa hanggang sampu
May sumabay sa pagbilang
At hindi na kailangang umulit
Isa dalawa
Wala pa rin
Tatlo apat
Tingin sa kanan
Lima anim
Tingin sa kaliwa
Pito walo
Hingang malalim
Siyam
Tungo at pikit pagkat wala ng pagasa
Sampu
May sumabay na tinig
Hingang malalim
Tingin sa harapan
May sapatos na puro putik at ilang damo
Unti unting angat ng tingin
May pantalong kinupas na ng panahon
May puting tshirt na may tatak na tribal
Hingang malalim
Leeg na kita ang paggalaw mula sa paglunok
Panga na tila kay perpekto sa paningin
Labing namumula at nakangiti
Ilong na kay tangos
Mata na kay singit
Buhok na parang bagong gising
Pawis na lumalandas sa mukha pababa
Balik tingin sa mata
Matang tila nanghihipnotismo
Matang nagsasabing masaya ito
Titig na titig
Pagkat sa tagal ng bumibilang
Ngayon lamang may sumabay
Tila pa nga siya'y hinabol
Upang makaabot sa pagbilang
Pagbilang na nais na nyang wakasan
Ngunit dahil sa dumating ay nagpatuloy ang pagbilang
Isang daan
Isang libo
Isang milyon
Nagpatuloy ng magkasabay
Magkasama
Magkahawak
Hanggang magbalik muli sa pagbilang
Isa hanggang sampu
Pagkat ang dumating ay nakisabay lamang
Nakiagos sa pagbilang
Ngunit hindi nanatili
Tulad ng ibang nakisabay ay umalis din
Lumihis ng landas
Kaya ang bilang ay umulit
Isa
Dalawa
Tatlo
Pagod na
Apat
Lima
Anim
Pito
Tama na
Walo
Siyam
Sampu
Tapos na
Tulad ng ibay naglaho na
Naging abo na
Sa buhay na may hangganan
Pagbilang ang nakagisnan
Pagbilang ang kinatapusan
Tapos na
Wala na
Nakahimlay na
Wala ng bilang
Namamahinga na
Namaalam na
Paalam na
Sabi ng abong isinasaboy
Sa dagat na kay lawak
Libingan na kanyang nais
Libingan na takda ng pagtatapos
Sa huling bilang ng sampu
Natigil na lahat
Natigil kagaya ng paghinga
Natigil na
Tumigil na
Paalam na.
-Micky :)
