"Mapapatawad mo pa ba ako?"
Mga unang salitang namutawi sa iyong bibig
Ng muling magkita makalipas ang ilang buwan
Ilang buwan na mula ng iyong iwan
Para sa pangarap na akala'y para sa ating dalawa
Ano bang nangyari?
San ba nagkamali?
May nagawa bang pagkakamali?
Mga bagay na nagpabago satin?
Iniisip kung san nga ba nagkulang
Ginawa naman ang lahat ng makakaya
Nagpupuyat para makausap
Naghihintay sa mga mensaheng sindalang ng patak ng ulan sa abril
Naghihintay
Umaasa
Ano nga bang nangyari?
Itong nararamdaman ba ay para lang laro?
Hilahan at bahala ng masaktan?
Itataboy pag nais mo ng sumuko
Ngunit hihilahin muli pag gusto ng bumitaw sayo
Tug of war ba ang gusto mo?
Yung tipong hilahan hanggang mabuwal ang nasa kabilang dulo?
Hilahan at titingnan kung sinong masusugatan
Sinong maiiwan
Sinong bibitaw
Sinong mahuhulog
Sinong masasaktan
Kung alam ko lang sana
Kung alam ko lang simula pa nung una
Ako na sana ang kusang bumitaw
Upang hindi na sana naranasan
Ang unti unting pagkawasak ng puso
Pagkawasak ng puso mula ng iniwan mo
Patungo sa pangarap na akala ko'y tayo
Ngunit sa huli
Ikaw lang at naiwan Ako.
-Micky :)
