Isang araw ay biglang nagkasama
Ng minsang mapapunta sa laguna
Hindi inaasahan
Hindi napagplanuhan
Hindi tuloy malaman
Paanong haharapin
Paanong kakausapin
Tulad ng dati'y sumisimple ng tingin
Pahapyaw na pinagmamasdan
Paminsan minsan ay ngumingiti
Kahit di malaman ang dahilan
Sa iilang beses na nagkita
Sa iilang beses na nagkasama
Di maikakaila
Ang lihim na paghanga
Tuwina'y natutulala
Hindi makatingin sa mata
Namamawis at nanlalamig na mga kamay
Ang pusong banayad ngunit panaka naka'y humihinto
Tuwing makikita ang mga ngiti mo
Pag nakakausap nama'y nanginginig
Naghuhuramentado itong dibdib
Parang kay hirap huminga
Pag nararamdaman ang iyong presensya
Tila tumitigil ang ikot ng mundo
At sa bente minutos na sandali
Wari'y bumagal ang paglakad ng oras
Bente minutos lang na sandali
Sandaling nagkatabi sa jeep pauwi
Sa palagay ay oras na ang lumipas
Ang panakanakang paguusap
Ang panakanakang ngiti
Ang pagdikit ng mga tuhod
Ang hindi mabilang na pagtahip ng dibdib
Sa bente minutos na sandali
Naging masaya ang pusong sawi
Sawi dahil sa pagasa ng tayo
Ngunit itatangi sa puso
Ang bente minutos na alaala
Ng minsang magkatabi sa byahe mula sa Laguna.
-Micky :)
