Beauty And Her Beast

Chapter 17

Nagising nalang ako na nasa kwarto ko na.

Katabi ko sila Casey, Maurice at Annalize.

Ito na naman yung sakit ng ulo ko.

Tumayo ako para magbanyo.

Pinipilit kong alalahanin yung nangyari kagabi pero wala talaga.

Naisipan ko nalang maligo baka sakaling mabawasan yung sakit ng ulo ko.

Paglabas ko ay gising na si Annalize, busy ito sa cellphone niya.

"Gosh!" Bigla nitong sigaw.

Nagising tuloy sila Maurice at Casey.

"Guys, look at this!" Tili nito.

Kahit pupungas-pungas sila Casey ay sinilip nila yung sinasabi ni Annalize.

"Wow! 20 thousand likes!" Sigaw ni Casey.

Lumapit ako sa cabinet ko para kumuha ng damit.

"Iba ka, Lillie!" Sigaw ni Maurice.

Nakatingin sila sa akin.

Lumapit ako para makita kung ano ba yung tinitignan nila.

Adam Frio Salvatore is in a relationship with Lillie Froile

"What!" Sigaw ko.

Inagaw ko yung cellphone niya.

21 thousand likes at ilang daang comment.

"Hindi ko alam to.." sabi ko.

"Anong hindi alam eh, hindi naman lalabas yan kung hindi mo inaaccept." Sabi ni Casey.

Hinanap ko kaagad yung cellphone ko.

"Shit! Ano ba tong ginawa ko? Asan na ba yung phone ko!" Sabi ko.

Tinawanan ako nila Maurice.

"Magbihis ka muna, basang basa na yung kama mo." Sabi ni Annalize.

Nagmamadali akong pumasok sa banyo para magbihis.

Pagkalabas ko ay sila Maurice naman ang pumasok sa banyo.

Hinanap ko pa din yung phone ko pero hindi ko talaga ito makita.

"Hindi ka naman nawawalan ng phone kahit gaano ka kalasing, Lillie." Sabi sa akin ni Maurice. Nakikitulong na din sila sa pag-hahanap.

"Lillie!" Napatalon kaming apat sa katok ni kuya Liam.

Kinabahan kaagad ako.

Lumapit ako para pagbuksan siya. Kita kaagad kung gaano siya kagalit.

Nakita niya sila Maurice kaya hinila niya ako palabas.

"What is this?" Tanong niya sa akin at pinakita yung relationship status namin ni Adam.

"Nababaliw ka na ba?" Tanong niya sa akin.

"K-Kuya, let me explain.."

"Explain what!" Sigaw nito.

Napapikit ako.

Ito ang unang beses na sigawan ako ni kuya.

Mabilis akong napahikbi.