بصدري وجع كنت احسبه نام يا صدري

7

بريطانيا ..

أبوها بحده : وش قلتي ؟!

رتيل بهدوء أعصاب: اللي سمعته منيب جاية ..

أبوها عصب : رتيل لاتقولين بأنك برى والله إني اجيبك لفيذا ..

رتيل: يبه ممكن تهدى لاجل اقدر اتناقش معك ..لان كذا ماراح اقدر اتكلم ..

أبوها : لاحول ولاقوة الا بالله .. أخوانك رجال لحاهم بوجيهم ماعصوني بأمر وأنتي يارتيل تعاندين بكل الامور..

رتيل بهدوء: يببه بليز اسمعني ممكن ..

سكت أبوها لسماعها ..

رتيل راسها مصدع من هالقرار المجنون :أنا موافقة بس مايصير الحين ولاشي الا لما أخلص دراستي ..

أبوها ارتاح نسبيا: اجل ليه تقولين موب موافقة ؟!

رتيل: ماتركتني أكمل كلامي ..

أبوها : لكن تعالي الحين لاجل نتمم الملكة ..

رتيل تنرفزت وهي تمشي بهدوء ب الساحة الخارجية للجامعة : يبه الحكي واضح اللي قلته موب جاية الا لما أخلص دراستي .. بس أتزوج وادرس لا أنا ضد هالمبدأ في مرحلة البكالوريوس ..

أبوها : رتيل أنا اتفقت مع أعمامك ..

رتيل بعصيبه : بحريقة تحرق هالكلمة ,, يبه لاتقول عصيت وعقيت جيه قبل ماتخلص دراستي منيب جاية .. تفاهم مع أعمامي بطريقتك الخاصة خلاص باقي أقل من سمستر والحين اشتغل على بحث التخرج كيف تبيني أجي ..!

أبوها تعوذ من ابليس : رتيل اسبوع مهوب ضار ..

رتيل : وحتى العرس لو تأجل مهوب ضار ..

أبوها : ملكة مهوب عرس ..

رتيل جلست :عرس ملكة خطوبة كلها عندكم وحده وبعدين أنا م ضمن كلمة أي رجل منكم ..

أبوها لنبره التهديد : أجل مافيه عرس وزفة ..

ضحكت ب سخرية واضحه : معليش شوف المعرس وتالي قولي مافيه زفه ..

أبوها : رتيل احترمي رجلك ..

ضحكت أكثر بجنون : بليز يبه احترمني كيف رجلي أنا مابعد تزوجته ف بليز لاتقرن أسامينا ببعض .. هالزواج وعد مني يبه ولكل أعمامي ماراح يطول ف لاتطلب مهر كبير ولاتسون عرس ..

أبوها وصل منها : رتيييل رتييل ..

رتيل ببرود : يبه اهدئ أنا أبلغك باللي راح يصير , يعني لاتنصدم لما يصير عندك بنت مطلقة وهالشي بعرفكم عيب ..

أبوها سكت لفترة وهو يتعوذ من إبليس ..

رتيل سكتت وهي تتنظر رأي أبوها ..

أبوها: اسمعيني كان وافق ولد عمك كان بها وإن ماوافق فتجين للسعودية..

رتيل بحزم: منيب جاية قبل ماخلص دراستي آخر الحكي عندي .. وولد أخوك وافق أو ماوافق بحريقة تحرقه ..!