أبها
بيت أبو طارق ..
نزل لابه جنبه :مين قال ؟ ووشلون عرفتي ؟ وليه تزوجت ؟
أم فهد شافت يدينه ترجف وخافت :طارق شفيك ؟
قامت نوت ومسكت يدينه: اسم الله عليك ..
طارق فك يدين اخته ووقف : ليه تزوجت وهي وعدتني ماتتزوج ..لالا قالت راح تتزوج بس محال برضاها ..
دموع عشقها لها مارضت تنحبس بعيونه وتساقطت : تزوجت ..!
مش دموعه بقهر : الله يلعن حظي وحظها وظروفنا واهلنا اللي فرقونا ..
سحب نفسه وطلع لغرفته بسرعة ..
نوت تناظر : لاحول ولاقوة الا بالله ..
زوجة أبوها: ماخلت أخوكم بعقله ..!
أم فهد جلست: ي ليتني سكت ..!
غرفته ..
سكر شنطته اللي باقي ب أغراضها وأخذ شماغة ونزل ..
نوت وقفت : طارق وين ؟
سحب لابه : بسافر ..
بكت نوت: لا ماتسافر وأنت متضايق..
لم أخته وتالي ناظرها : مخنوق مخنوق مالي قدره بالجلسة هنا..
أخذ لابه وطلع وحتى ماسلم على الباقين ..
حرك سيارته وهو مخنوق ركب نظارته الشمسية ومسك خط الشرقية ..
ضرب على الدركسون بقوة : لييه جيت من الشرقية لييه ..!
.
.
.
الرياض ..
بيت سلطانة ..
دانية :ماششاء الله تبارك الله طالعه تهبلين ..
سلطانة: لالاع ..
ضحكت دانية: خلاص صرتي متزوجة لازم تحطين مكياج وتكشخين ..بطلي ي بت..
ضحكت سلطانة ..
دانية : تدرين أخوك محظوظ فيني صابره عليه وعلى عياله شوفي هالعلة شلون وسخ بذلته ..
ضحكت سلطانه : خليه علي وروحي البسي ..
دانية : آوككي ..
دخل سعود : جيعان ..
فتحت عيونها دانية : لالاع الحين أنا بقولها لالاع ..سعود روح المطبخ خلاص جننتي أنت وعيالك ..
سلطانة: خلاص روحي البسي وبشوف أكل ل سعود ..
نادات الشغالة ولبست سلطان وسلطانة ..وهي نزلت مع أخوها تحضر له أكل ..
سعود هو جالس على الطاولة : سبحان الله قبل ثمان سنين كنت أاكلك والحين كبرتي وصرتي تسوين كل شي..
لفت وناظرته : ثمان سنين خلتني اعتمد على نفسي وفعلاً اعتمدت ونسيت بأن لي أحد الا أنت ماقدرت ..
رجعت لفت وهي تتماسك نفسها لاجل ماتبكي ..
تردد : راح أقولك عن أسباب هالغيبة ..
ماتحملت ودمعت مسحت دمعتها ولفت وهي تعطيه الساندوش : في تسأولات كثيرة ببالي بس مابي أحكي سعود هالوقت .. ودي استوعب أنك عدت لي بالسلامة ..وعقبها لي جلسة طويلة جداَ ..
فتحت الثلاجة وهي تبي تتناسى حطت العصير في كأس
نزلت الكوب قدامه:الليلة وين راح تروح ؟
وهو يأكل :بطلع مع مصعب ..
سلطانة : آوها ..
سعود : راح يمرني لاتخافين منيب سايق..
ابتسمت وكان جالس وهي واقفة باست راسه :لاني خايفة عليك خايفة ياسعود ..
دمعت وطلعت من المطبخ ..
نزل الساندوش وضاق ..
قام وشافها شايله ولده اللي بدأ يتعلق فيها ,حاول يبتسم وهو يناظرهم وخاصة ولده وهو يمسك خدود عمته ..
سلطانه شافته : كملت أكلك ؟
ابتسم : بس شبعت ..
سلطانة بنظره : ماأكلت ..!
ابتسم : لا أكلت ..
مشت للمطبخ ..وشافت الساندوش وكل شي بنفس حاله من تركته ..
ناظرت ولد أخوها : شوف بابا ماأكل ..
ضحكت وهي تشوف ولد أخوها مسوي عصبي على أبوه ..ناظرت وهو يروح وتالي رجع ومعاه أبوه ماسكه بيده ..ضحكت وسعود يضحك : جاي الاخ متحمس ومسك يدي ويقول عيب عيب ..
ضحكت : تعال اجلس وكمل أكلك ..
سعود : بس شبعت ..
سلطانة مسك يده وجلسته مع سلطان : تتعب سلطان وماتأكل ..
ضحك وجلس وأخته تعطيه الساندوش وسوت لولد أخوها وأكلته هي لاجل مايوسخ ملابسه..
سلطانة الصغيرة دخلت : عمه جوالك ..
أخذت جوالها وكانت كادي سولفت معاها وتالي قالت راح يشوفون بعض في القاعة..
صكت منها وعطت بنت أخوها تكمل لعب ..
.
.
.
العشا ..
بيت أبو الجوهرة ..
أمها : لا يابنتي ريان يقول راح يمر ..
الجوهرة عقدت حواجبها : أنا قايله له راح نطلع للملكة ..بدق عليه كملي يمه واجهزي..
امها: لاتحرجينا مع الرجال ..
الجوهرة :لا ماعليك يمه .. جيبي عبايتك يمه خلي نطلع..
مسكت جوالها وراحت للصالة الثانية ..
:اسمعني توك واصل رح نام أو سوي أي مصيبة من مصابيك اللية لاتجي لان ورانا ملكه وراح نطلع ..
ريان دعس السيجارة برجله بعصبية: بجي فاهمه والا لا ..
الجوهرة : تعال بس راح تلاقي الشغالة والخدم مافيه أحد في البيت ..وبعدين مابي أشوفك ..
بعصبية : مهوب كيفك أنا زوجك وبجي اصلاً اخذك خلي عمتي تروح , اجهزي..
الجوهرة ضحكت غصب: مشكلة الثقة اللي فيك .. نصيحة روح نام ..
صكت الجوال بوجهه ولبست عبايتها ونادات خواتها وطلعوا ..
دق على جوالها وتفتح وترجع تصك بوجهه ..وهي تضحك قدرت ترفع ضغطه تعرفه عصبي..
رائد : جوهير ريان يقول ردي ..
الجوهرة : آذا دق برد ..
رائد :جوهير راح تروحين معاه ؟
الجوهرة : لا تونا ..
امها : لاتزعلينه ..
الجوهرة : عادي يمه تنفاهم بهالسالفة ..
رائد : جوهير لاتروحين باقي ماطلعنا ..
امه: رائد وراه ماتنثبر ..
رائد : طيب جوهير لاترديني خهخهخهخه
الجوهرة :خهخهخهخه لاتوصي..
امهم ضحكت : الحمدلله على العقل الله يعوضني في تعبي خير..
.
.
.
بيت مساعد ..
لمار :خلاص عزام برى راح يمرني واروح مع امي واختي ..
مساعد : لا أنا بوصلك ..
لمار شوي وتجن : أخوي تحت ..
أنت تقرأ
بصدري وجع كنت احسبه نام يا صدري
Romanceالكاتبه : وحيدة و اهلي كثيرين الرواية راح تحكي عن نفسها بس أبطالنا تربطهم علاقات من إسمى العلاقات الانسانية وهي الصداقة وإن لم يكونون معاً بالأجساد ولكن الاهم بأن القلوب تكون على اتصال دائم , تحس بنبضها الاخر بألمه ووجعه وضحكاته وآدق تفاصيل حياته ..
