بصدري وجع كنت احسبه نام يا صدري

45

المستشفى ..
: اول مين قال لك بإنك عقيم ؟
شي تسرب لنفسها يوحي بخبر جميل : يعني أنا مب عقيم ..!
ابتسمت الدكتوره : كل الفحوصات والتحاليل والاشعه تبشر بـ عدم العقم ..
تسربت هالمره دموعها : بس شلت الرحم ..
: لا ياماما كل شي بخير ..
: مستحيل سويت عمليه والرحم تمت آزالته لاجل النزيف عقب الاجهاض ..!
الدكتورة وهي تقوم من مكتبها وتهديها : ماما الجوري آهدئي ..هالخبر مفروض يكون مفرح بالنسبه لك ..
جابت لها الممرضه ماء عطتها الدكتوره إلين هدأت نسبياً : أبي كل شي يعاد من ثاني ..
الدكتورة : نعيد الاشاعه ونتأكد بكره بأذن الله تعالى ..
وهي تمسح دموعها : الحين أبيها بليز ..
: الحين راح آكلم وآشوف ..
قامت الدكتورة ودقت ..ابتسمت للجوري : تعالي ..
لفت الجوري الشيله وهي تحط الغطا ..عدلت عبايتها على راسها وهي تأخذ شنطتها وتطلع مع الدكتورة .. لحظات عصيبه مرت عليها من دخلت للاشاعه كل عيونها مغرقه دموع قرأت آيات من كتاب الله ..
قامت وهي تناظر الممرضه والدكتورة : ها دكتوره ..
: موجود الرحم ي الجوري ..
: طيب يمكن أجزاء منه آزليت ؟
: لالا ..عنق الرحم موجود وكذلك عدة أجزاءه ..الجوري لو تمت أزالة الرحم تماماً كانت صارلك آشياء كثيرة .. حتى كانت حياتك الخاصة كـ آنثى تغيرت تماماً..!
إلم آعتصر قلبها : دكتورة يعني الحين مب عقيم ؟
: لا يالجوري أذا كان عدم الحمل فيك هو كذبه آستئصال الرحم فالرحم عندك كامل ومن كل الفحوصات تدل بإنك بخير من ناحيه الانجاب ..
لحظات والصدمة رجعت لها آفكار كثيره جات لها ببالها وهي تفكر شلون وليه قال لها هالحكي ..!
.
.
.
بيت آم فهد (أخت طارق )
مانامت زين من قهرها على أخوها .. دقت عليه : طيب أنا الحين عندي كم شغله أبي آخلصها متعلقه ب السفر وراح آكلمك ..
: يعني بعد كم ؟
: ربع ساعه ..
: لاتبطي ..
: آشغلتي بالي عسى م أحد فيه شي ؟
: لا الكل بخير الموضوع يخصك ..
: خلاص آخلص وآدق عليك ..
صكت من أخوها ودقت على نوت ( أختهم) ..
نوت : شفيه صوتك ؟
: نوت البارح رحت لبيت حماتي أم عساف وشفت هناك رتيل ..
بصدمة : طليقه طارق ؟
: آيييه .. آخخ لو تشوفينها مستانسه وفرحانه بحياتها والحين حامل وأخونا دافن عمره على ذكراها ..
: وش تسوي الحين طريقها من طريق رجلها ..
آنقهرت من برود أختها : لكن شوفي أخوك ..!
: شوفي مايقدر يعالج نفسه بالزواج وهو للحين مانساها ..
: لا بيقدر .. الحين بكلمة ولايسافر والا وهو متزوج وبعزمها على زواجه..
: لالا منيب معك بهالحكي .. الدنيا مهيب كذا ..
: شلون مهيب كذا وهي متهنيه بحياتها وعايشه أحسن عيشه لو تشوفين يانوت حماتي والكل طايرين فيها وفي حملها .. وذا دافن شبابه ..
: ي عمري على أخوي ..
: شوي وبيدق علي ولازم يشوف حاله ويتزوج .. مهيب شينه الحلايا مستانسه بعمرها وهو لا ..
: مهوب طايعك ..
تنهدت : من البارح مانمت زين كله من التفكير .. أجل أخوي يجلس على ذكرى وحده ولايتزوج ويضيع شبابه ..
نوت : ويتزوج ويضيع بنت الناس ويطلقها ..
: بندور له بنت جميله وش كثر البنات الجميلات وأجمل من رتيل ..
: يختي ترى العبره مهيب بجمال الشكل لا القلب طارق حبها وانتهى كل شي بالنسبه له بفراقها ..
: لاغلطان ..وبكلمه عن هالموضوع .. ولو ماطاع بكلم أبوي يقنعه وبخطب له اللي تسوى رتيل وأهلها كلها ..
: الله يعين .. طيب متى راح يسافر ؟
: أكيد قربت سفرته لان خلص كل أوراقه .. الله يرحم أمي لو عينها تشوف آصغر عيالها كيف لعبت فيه رتيل وحرم على نفسه الحريم من عقبها..
: الله يرحمها ..
: آميين .. آسمعي بسكر الحين لاجل مايدق طارق ويلاقيه مشغول..
: طمنيني بعدين ..
: إن شاء الله ..
صكت منها وقامت لاجل تشوف عيالها وينامون إلين العصر وعقبها يذاكرون.. رجعت وهي تشوف مكالمه لاخوها دقت عليه : هلا طارق كنت آنوم العيال ..
: هلا ب الغاليه .. وش السالفه شغلتي بالي ؟
: متى راح تتزوج ؟
ضحك : قولي إنها السالفه المهمه ؟
: آيييه مههمه ومهمه ..
: الظاهر تم النقاش بهالسالفه ..
: آيييه تم لكن طريقتك غلط أجلس راح تجلس طول عمرك بلا حريم لييه إن شاء الله ..
: يالغاليه وش فتح السالفه قبل حزة السفر ؟!
: آمس شفتها وتنكدت ....
: رتيل ؟
ماتحرك بسيارته من قبال السفارة ..
: آيييه آخخ ي ختك لو تشوفها مرتاحه وسعيده مع رجلها ..
ساكت ويسمع بصدمه ..
: قهرتني البارح تضحك وتسولف ولا خايفه على حملها ..
بهمس : حامل ؟!
: آيييه ومتشفقه للضنا ..
: لحظه رتيل متأكده مرتاحه بزواجها ؟ والحين حامل (قالها بغصه كبيره) حامل متأكده ؟
: آيييه حامل وتوها بالشهر الاول .. ومرتاحه بزواجها كل شوي يناديها وميت عليها وهي أكثر ..
تنهد بإلم عقب لحظات وآخته تحكي قاطعها وهو متألم للحكي : الله يوفقها ..
: وأنت بعد دور لك بنت سنعه ..
: الله يعافيك مليت من النقاش بهالموضوع راح آسافر أدرس والزواج لاحقين عليه ..