Reveries & Wonders

Sino nga ba ang nagkamali?

Sino nga bang nagkamali?
Made By: AnimeAddict04

Sino nga ba ang nagkamali?
Ikaw na kusang lumapit,
kinausap ako't kinaibigan,
o ako na buong puso kang tinanggap?

Sino nga bang nagkamali?
Ikaw na sige sa pagsambit ng mga matatamis na salita,
gamit ang malamyos mong tinig na musika sa aking tenga,
O ako na inisipan lang ang mga 'yon nang malisya?

Sino nga bang nagkamali?
Ikaw na paglisan ang pinili,
lumayo sa akin nang basta-basta't walang manlang sinabi
O ako na tinanong ka kung bakit nangyari sa'tin 'to?

Sino nga bang nagkamali?
Ikaw na umakto na parang wala lang ako sa'yo,
ni isang sulyap ay hindi mo manlang ako mapaunlakan
O ako na nagsisi sa bagay kahit alam kong 'di ako ang may sala?

Sino nga bang nagkamali?
Ikaw na nagpakalunod sa kasiyahan,
hindi na sa akin kundi sa piling ng iba,
O ako na hanggang ngayon, umaasa parin?

Sino nga bang nagkamali?
Ikaw na kinalimutan at binalewala lang ako,
hindi pinahalagahan ang pagkakaibigan,
o ako na nagpumilit ayusin ang gusto nating dalawa?

Sino nga bang nagkamali?
Ikaw na kinausap ako muli na parang walang nangyari,
akala mo walang naging alitan sa pagitan natin,
O ako na ang nagpapamahal ay napalitan na ng galit?

Sino nga bang nagkamali?
Ikaw na akala mo okay lang lahat,
na akala mo kahit anong gawin mo'y pagpapasensyahan pa kita,
O ako na habang tumatagal, nagsasawa na sa'yo?

Sino nga bang nagkamali?
Ikaw na hindi manlang ako inisip noon,
na sa mga oras na ito ay gusto mong kausapin,
O ako na wala nang magawa dahil pagod na?

Sino nga bang nagkamali?
Ikaw na gustong ibalik ang dati,
gusto mo kong makasama at makatawanan muli,
O ako na hindi ka na nakikitang kaibigan?

Sino nga bang nagkamali?
Ikaw na nagpahirap sa akin at hinayaan akong magdusa,
napapaisip tuwing gabi kung anong ginawa kong mali,
O ako na hindi ka na kayang patawarin?

Sino nga bang nagkamali?
Ikaw nga ba o ako?
Dapat ba hindi na tayo pinagtagpo?
Tadhana'y sadya nga namang mapaglaro.

- Lol. :3