Atik-Atik (Bisaya Rom-Com Novel)

Prologo

ATIK-ATIK

BISAYA NGA NOBELA
GISULAT NI JOEYJMAKATHANGISIP

PROLOGO

"Dakpanay, bisong sa anay! Tuslukon, mudugo dayon! Hahaha! Si Joy ang bahaw!"

Para sa akoa, ang gugma, mura ug dula nga dakpanay.

Duha ang tao nga involve diri;

Ang bisong ug ang anay.

Pero siyempre, joke ra. Ang bisong, part mana sa lawas 'di ba? Ug ang anay, manok mana 'di ba? Lain pud kaayo ug higugmaon sa manok iyang bisong 'di ba? Murag yabag!

Pero seriously, ang duha ka tao nga involve sa GUGMA kay mao ang DAKPONUNON ug ang BAHAW.

Ang BAHAW, mao ni ang tao nga nahigugma kaayo sa DAKPUNUNON.

Pirmi siya magkugod niini bisan 'pag kapoy na kaayo.

Pero bisag kapoy, iyaha gihapong gukuron ang dakpununon bisan pa'g ang gikugod niya kay naa po'y laing gigukod. Agay!

On the other hand, ang DAKUPUNON, mao ni ang tao nga manhid kay BAHAW. Gusto kaayo ni siya nga gukod-gukuron siya. Tapos 'pag nadakpan na siya ni BAHAW, paasahon dayon ni niya. Agay!

Janu Levi Teo. Mao na ang pangalan sa lalaki nga crush nako since Grade 5. Guwapo siya. Tangkad. Humot. Nindot mu-smile. Moreno. Limpyo. Hawud mu-drawing. Joker.

Admit it or not! Tanan man siguro ta 'di ba, in-ani ta nga mga grade una nagka-crush? Ayee! Kinsa kaya 'to imoha reader? I-share daw bi?!

Uhm, so Janu Levi Teo iyang name. Okay na unta siya mao lagi dili lang jud siya gentleman. Plus wala jud siya'y buot ay.

Naka-remember pa ako atong first grading namo. Grade 5 mi ato. Section Sun, nagdakpanay mi ato atong lunch. Ako ang bahaw ato.

Siyempre, kay bahaw man ko, ako siyang dakpon right? So mao 'to, ako na siyang gikugod. Hala! Paspas ug dagan bisag babae, bisan pa'g katagakon na ang panty, dagan gihapon.

So katong nadakpan na nako siya, wala jud ko kabantay nga na-hug diay nako siya.

Amawa lagi!

Nag-blush jud akong bulingit nga nawung ato nga time ay.

Bale ang porma namo ato nga time kay murag naka-back hug ko sa iyaha. So 'di ba? Awkward kaayo?

"DAK...PAN..." Naglurat akong mata atong giingon nako 'to nga word. Layo kaayo dapat sa energetic nga "DAKPAN!"

After ato, wala ko kasabot sa akong self ato kay bisag nadakpan na nako siya kay wala gihapon ko ningbuhi sa iyaha.

Naa mi sa oval ato ha! Init kaayo pero mas ning-init pa ang palibot namong duha atong nadakpan nako si Janu.

Kuan mang gud ba. Dili lang man gud 'to simple nga pagdakop. Nagunitan man gud nako iyang...

"Bastusa nimu Joy uy!" pagsiyagit niya sabay tanggal sa akong kamot sa iyang lawas.

"Huy! Buang! Wala nako 'to gituyo ba!" depensa na'ko while namula'g maayo akong bulingit nga nawong.

Kuan man gud ba, nagunitan nako iyahang lagay. Pero promise! Wala jud nako 'to gituyo! Siyempre mas taas siya sa akoa so ang nahitabo, pag-hug nako sa iya atong gidakop nako siya, ning landing akong kamot didto sa iyahang lagay!

"Dili jud! Bastos jud ka Joy! Babae biya ka! Isumbong jud tikang Ma'am duts!" ingon niya in a way nga mura ko niya'g gihulga ug gisungog.

"Paghilum Janu! Mura pu'g tuli na ka uy! Jusko! Kana na lang akong gunitan?"

So ni-walk out ko ato. Pula kaayo akong bulingit nga nawung ato nga oras. Unya sugod ato, mura jud siya'g buang kay taga-adlaw na lang ko niya ginasungog nga gigunitan daw nako iyang lagay. Maka-bwesit jud kaayo ay!

Pero sa tinuod lang, tungod atong mga sugog niya mas nilalom akong gibati sa iyaha.

Mas lalom pa sa bisong sa anay.

Wala ko kasabot sa akong kaugalingon pero naa ju'y mga time nga makahilak ko maghuna-huna sa iyaha.

Labaw ba 'tong nag-third year high school nami unya nagka-uyab sila ni May.

Sakit jud kaayo, purya gaba! Mura'g gilansang akong kasing-kasing ato!

Nihilak jud ko ug taman-taman. Bestfriend raman unta mi ni Janu pero nganong in-ato man akong na-feel sa iyaha? Pero seriously, ang paglantaw nako kay Janu, mas labaw pa jud sa bestfriend.

Unta muabot ang time no nga si Janu na pud ang bahaw unya ako na pud iyang gukuron?

Dili kay ako ra sige'g gukod.

Sige na lang biya ko'g kadagma.

Sakit na kaayo.

Unta muabot ang time nga mahimong kami na pud ni Janu. Bisag kadiyot lang gud. Bisag atik-atik ra. Musugot na ko.

"Joy!"

"Unsa naman pud?" pangutana nako niya atong pauli na ako. Nakasiyagit ko ato kay asta jung kapoya. Cleaners ko ato mga time, natagbaw ko'g floorwax sa among classroom.

"Joy! Kadali lang ba!"

"Unsa naman pud Janu? Magpahimu na pud ka'g assignment? Magpahimu na pud ka'g project? Magpahimu na pud ka'g essaay? Unsa naman pud! Tubag!" Wala na nako napugngan akong kaugalingon, nakahilak na jud ko sa iyang atubangan. Dili lang kay gikapoy ko'g floorwax, pero gikapoy na jud ko sa akong gibati niya.

"Joy..." gisampit niya akong pangalan unya natingala na lang ko kanilakit ra siya'g gakos sa akoa. Parahes atong paggakos nako sa iyaha atong nagdakpanay mi.

"Naunsa ka?"

"Joy, bulag na mi ni May. Puwede tika himuog rebound sa iyaha?"

Kusog kaayo ang paglagubo sa akong kasing-kasing after 'to gisulti ni Janu. Wala ko kasabot sa akong gibati. Mura ko'g nakoryentehan.

"S-sige..."

Ug mao na 'to ang sugod.

Sugod sa among love story ni Janu nga atik-atik ra.

Sakit kay dili tinuod pero atleast 'di ba?

Dili nako mugukod niya?

* * *
This story will only consist 10-15 chapters. I wrote this since wala pa ko kita'g bisaya nga novel. So this is it, pansit! Rom-com ni siya so ayaw kaayo seryosoha, parehas sa wala niya pagseryoso sa imuha. Haha. Pero seriously, kung highschool pa ka karon, maka-relate ka ani na story. Pero kung dili na ka highschool, maka-relate gihapon ka. Basta! Kilig ni! Haha! Ug unta, tungod ani na novel, ma-realize nato nga nindot pud ang bisaya nga dialect 'di ba? So mao ra? See you sa next chapter! --JoeyJMakathangIsip.

Official Hashtag: #AtikAtik