#Wallpaper
"S-sige." Wala ko kasabot sa akong self kung nganong nisugot ko sa giingon ni Janu sa akoa. Nga himuon daw ko niya ug rebound kay May. Kay May? Kay May pa gyud nga astang gwapaha? Tangos kaayo'g ilong, hamis kaayong kutis! Unya mother majorette pa gyud! Unya ako, unsa man ko? Estudyante nga tig-floorwax sa room? Wa siya kilati?
"Janu, kadali ra gud." Akong gitulak si Janu gikan sa pag-hug sa ako. Ngit-ngit na ang palibot namu pero tungod sa mga streetlamp na naa mga kanto, kita gihapon nako ang ka-guwapo ni Janu.
"Unsa man Joy?" Diretso ang tan-aw niya sa ako. Na-offend ko kadiyot. How come kaya nga si Janu 'pag mututok siya akoa, mura ra'g wala. Pero kung ako ang mututok sa iya, mura gyu'g maglagubo akong kasing-kasing. Unfair!
"Kuan," mao 'to ang una nako nasulti. Niyuko gamay para muiwas sa iyang tan-aw sa ako. Wala man gud ko naanad nga serysoso kaayo siya ba. Kargado man gud na siya ug gara-gara.
"Ambi na imong bag Joy bi, basig nabug-atan na ka," seryoso niya nga ingon. Mura ko'g gikilatan sa dihang iyang gikuha akong minion ng shoulder bag unya gisaklay dayon niya sa iyang abaga.
"Ako ra Janu uy, mura mang ka'g yabag!" Kuahon na unta nako akoang minion shoulder bag pero nataranta ko'g pina-live sa dihang gigunitan niya akong kamot.
"Since kita naman Joy, okay ra man siguro nga gunitan nako imong kamot 'di ba?"
Wala na ko kapalag. Mura ko'g na-estatwa sa dihang nagsugod namig lakaw daplin sa dalan, naka-holding hands unya akong bag kay naa sa iyaha. Nemels kaayo 'di ba?
While naglakaw mi, gihikap nako ang akong aping. Hapit ko mapaso! Pirting inita. Nemels!
"Nganong nagbuwag man mo ni May?" mao na akong napangutana sa iya kadtong nagsugod nami'g lakaw. Pinahinhin lang akoang pagsuliti ato nga pangutana pero maryusip! Mura na ko'g kasyagiton tungod sa kakilig! Animal!
"Dili ko sure pero ingon siya, gikapoy na daw siya sa akoa," seryoso nga tubag ni Janu. Gilingi nako siya gamay ug nakitan nako ang pag-guwapo sa iyang nawung nga naka-side view. Smooth kaayo iyang buhok tas naka-clean cut, unya 'pag mangahinan ka'y mabungkag kadiyot pero nindot gihapon tan-awan. Iyang dalunggan, naay ariyos, itom ang color. Straight kaayo ang bridge sa iyang ilong. Tapos iyang mata kay piercing kaayo. Iyang kilay kay pulido kaayo. Tapos iyaha pong jawline kay well chiselled kaayo. Why Janu? Why?
Daan na jud na siya guwapo atong grade 5 pa mi pero wala ko kabalo na mas mu-guwapo pa diay ang animal.
Samtang ako, uhm, hinuon, cute man ko atong bata pa ako. Pero 'pag abot nako'g high school, medyo nangitom ko tapos akong height, panabangi! Taga-dughan ra intawun ko ni Janu! Unya akong nawung, dili ko sure pero ana akong bestfriend nga si Charlita, 'pag mutan-aw daw siya sa ako, mura daw siya ug kaigiton! Animal kaayo!
"So, unsa man Joy? Okay ra jud sa imuha?"
Nakalit mi'g hunong sa among paglakaw. Wala ko kabantay nga nasa waiting shed na diay mi.
"Okay ra nga?" ingon ko.
Nikalit siya katawa. "Samuka uy!"
Cute kaayo ang pagkatawa ni Janu kay nilihok iyang adams apple! Naunsa naman ko uy! Panabangi bi!
"Unsa bitaw Janu? Naa ra man gud ko'y gihuna-huna ba," ingon ko. Niundang siya'g katawa.
"Kato ba?"
"Ahh!" Nikatawa ko. "Oo, okay ra man nga himuon ko nimu'g rebound! Basta tudlui lang jud ko'g Algebra."
"Wa'y problema Joy! Kana pa!" Hawud na siya sa Algebra pero tapulan lang jud kaayo na siya muhimo ug mga project ig assignment sa uban subjects, dili kaayo siya naga-study pero mupasar gihapon. Samtang ako, halos kaunon na nako ang libro, 'di gihapon ko maka-gets, labaw nag-Algebra. 'Pag mag-Algebra na tawun, dili jud ko makapugong nga maglatagaw akong huna-huna. Ang teacher namu nga si Sir Boompa, naglaway-laway na ang baba ug tinudlo samtang ako, purya gaba, akong huna-huna, naa sa Milky Way Galaxy! Nemels!
"Tapos..."
"Tapos?"
"Ayaw'g ka-inlove sa akoa Janu ha? Atik-atik ra man kaha ni atong buhaton? Basin matangila na lang ko, mag-I love you ra ka'g kalit. Musuka jud ko'g pink ng biko!" ingon nako sa iyaha. Gibuy-an na niya akong kamot.
"Lagi, ay'g kabalaka. Best friends ra ta 'di ba?"
Soft kaayo ang pag-ingon ni Janu ato nga pangutana. Lalaki kaayo iyang tingog. Murag gigitik akong dalunggan.
"Best friends ka dira! Best enemy uy!" ingon nako sa iyaha unya nikatawa lang siya. Sa pagkatawa niya, nihangin ug gamay ang. Nanglupad ug pina-live akong split ends. Nemels.
"So bitaw, as your girlfriend kuno, unsa man pud akong buhaton?" pangutana nako sa iyaha. Gigunitan niya iyang chin nga naay baby bungots nga gamay kaayo tas nag-huna-huna siya kadiyot.
"Basta! Mu-chat ra ko sa imo unya!" ingon ni Janu.
"K. Fine!" Mao ra to akong naingon unya pagkataod-taod kay naanay niaabot nga bus.
"Pag-amping ha? Damhag biya ka," pag-joke niya.
Oo damhag jud kay nahiguma ko nimu. Nemels ka! -ingon nako sa akong huna-huna.
"Paghilum Janu! Unsa'y pagtuo nimu sa'koa? Bata nga palaigit nga walay buot?"
Nikatawa lang siya sa akong giingon unya nisulod nako sa bus kay driver perti nang yawyaw.
"Bye babes!" ingon niya sa gawas sa bus while naka-smile with waving hand gestures.
Gipikitan lang nako siya unya pagkataod-taod, nilarga na ang bus.
Nilingi ko sa may window unya nakit-an nako si Janu nga naa gihapon didto sa waiting shed. Ni-smile ko nga naay dala nga kasakit.
Kaya kaya nako ni?
Kaya kaya nako nga makipag-relasyon kay Janu nga atik-atik ra?
Niginhawa ko'g lalum unya gi-unlock nako akong cellphone nga Cheery Mobile.
Ni-smile ko'g usab sa dihang nakit-an nako ang nawung ni Janu sa screen sa akong phone.
Oo siya.
Siya ang wallpaper sa akong cellphone.
Mag-11 months na.
__
To be continued.
YOU ARE READING
Atik-Atik (Bisaya Rom-Com Novel)
ChickLit"Ang guma, murag dula nga dakpanay. Naay bahaw, na po'y dakpununon." The certified "bulingit girl" Joy "Charity" Fortalejo admires Janu Levi Teo so much. Grade five pa lang sila, crush na kaayo ni Joy si Janu. Mag-best friend sila ug isa na sa mga h...
