Atik-Atik (Bisaya Rom-Com Novel)

C H A P T E R 4

#OISHI

"UPWARD! SIDEWARD! UP! DOWN! UP! DOWN! INHALE! EXHALE!"

Typical Tuesday morning. Pagkahuman ug panatang makabayan, exercise dayon. Luoy intawun ang mga estudyante. Mura'g uto-uto. Kay kung dili kasabay sa exercise, i-announce sa microphone.

I wonder what college feels like. Sa may unahan sa amoang balay, naa didto ang University of Mindanano. Dako kaayo ilang eskwelahan tapos may make-up na ang mga babae unya ang mga lalaki kay porma na kaayo.

Layo ra kaayo 'pag high school, fresh kaayo ang mga nawung inig kabuntag, baby face kaayo pero 'pag abot ug hapon, bulingit na kaayo.

"Saint Cecilia! Sabay ug exercise!" syagit sa isa ka-maestra. Ang mga Grade 7 intawun nga mga bata, nisabay pud intawun.

I'm still Grade 10 right now pero 17 na ko. Kasagaran sa akong mga classmates is nasa 15 pa. Pero bisag mas tigulang ko'g two years, dili gihapon mahalata tungod sa'kong height.

Karon gani kay ikapito ko nga nasa unahan nga line. Nuon, dili ako ang pinakamubo sa among klase pero mubo gihapon uy. Unlike kay May, guwapa na, tangkad pa, majorette pa! Ako? Bulingit pa! Putot pa! Floorwax girl pa!

"Agay!" Hapit nangudngud akong simud sa balas sa dihang gitulak ko ni Rosemarie atong nag-forward na ang mga kamot.

Gamit akong kamot, nitindog ko'g balik. Sumbagon unta nako ang ngabil ni Rosemarie kaso wala na nako nabuhat sa dihang ni-syagit ra'g "Hala! Ma'am oh! Si Joy! Sumbagon ko!"

"Joy? Unsa mana?"

Si Rosemarie, Roseburg ug Rosebery kay sila ni ang mga alepores ni May. Si May, dili pud na siya basta-basta kay bukod pa sa mother majorette siya ug SSG Vice President pa, anak pud siya sa prinicipal! Nemal kaayo no?

Katong nahuman na ug exercise, nag-food for thought pa kadali ang nag-lead sa flag ceremony nga teacher.

Gitan-aw nako ang ulahi nga line sa boys kay naa didto ang mga tangkad pero wala nako nakit-an si Janu didto. Late siya? Or absent?

"Hala Ma'am oh! Si Joy! Sige'g lingi-lingi sa likod, gipangita si Janu!"

Sa pagsiyagit ni Rosenburg ato, nilingi sa ako tanan ang akong classmate pati na ang uban section.

Niyuko ko ug hapit nakapamalikas! Animal!

Nagkatawa lang si Rosenburg, Rosebery ug Rosemarie pagkahuman sa flag ceremony. Unya katong pasulod na pud ming tanan sa among room, naulahi ming duha ni May.

"Sige ikaw na una'g sulod," hinhin ug pino kaayo niya nga ingon sa akoa. Naka-smile siya 'pag ingon niya ato sa akoa. Naay siyay headband nga pink rabbit unya bag-o kaayo iyang uniform samtang akoa, aglagum intawun sige'g suot.

Medyo na-insecure pud ko kay May kay porselana kaayo iyang kutis, samtang ako, well, morena is beautiful pero bisa'g bale-balehon pa ang kalibutan, ang una jud permi mapansin kay ang mga puti.

Aminado ko nga na-insercure ko'g maayo. How I wish na puti pud ko. How I wish na wala pud ko'y pimples. Pero okay lang. Naa naman pud sa akoa si Janu.

"Thank you," ingon nako sa iya unya gibutang na nako akoang school shoes sa shoe rack nga naa sa kilid sa pultahan.

In-ani jud among patakaran diri sa school, kay public man mi ug wala po'y janitor, hubo jud mi'g sapatos bago musulod. Ang dili mutuman, naa fine nga piso.

My seat was located nearby the window kung asa pud makita ra dayon ang gate sa school. So in anycase na muabot si Janu, dali ra nako siya makit-an.

"Hoy buang!"

Nilingi ko unya nakit-an nako akong bestfriend nga si Charlita. Late. Bag-o ra naabot.