Atik-Atik (Bisaya Rom-Com Novel)

C H A P T E R 22

ATIK-ATIK

BISAYA NGA NOBELA
GISULAT NI JOEYJMAKATHANGISIP

#Chapter22

#Friends

Kadtong gabii nga niabot ko sa balay nga pasado alas-onse na sa gabii, gisab-an ko'g maayo nila Mama ug Papa. Pero bisag gikasab-an ko nila, nalipay gihapon ko simply because I was able to prove na concern gihapon sila sa akoa. Nangayo ko'g sorry sa ilaha tapos giingon nako sa ilaha ang tinuod nga nanglaag mi ni Janu sa park. Pero wala nako sa ila gi-ingon nga kami na ni Janu kay basig makulatahan ko nila, 'di pa ko ready bun-og. Maybe unya na nako iingon ila Mama ug kanang sure-sure na gyud mi ni Janu? Or unsa ba? Iingon na ba nako sa ilaha? 'Di man gud ko mahimutang ba ug nako'y ginatago ila Mama'g Papa. Murag ko'g mayabag nga dili mapakali.

Dominggo na karon. Ugma, klase na pud. Magkita na pud mi'ng Janu. Nemels.

Kagahapon, wala kaayo mi nagtext-text ni Janu kay medyo busy silang duha sa iyahang Mama. Nangadto man gud daw sila ug Maragusan (Compostella Valle)--ang Baguio version ng Mindanao. I saw him posted a selfie with his Mom sa may Haven's peak. Naka-sweater sila tungod sa kabugnaw. There were also wide smiles on their faces. Ug kadto pud nga trip, libre 'to ni Janu sa iyahang Mama. 'Di ba? Maka-inlove kaayo?

Tungod ato nga picture, medyo naibog ko gamay sa gibuhat nila Janu ug sa iyang Mama. Akoang Mama ug Papa man gud, kung dili palengke, balay ra gyud sila gapundo. Ni-biskan kas-a sa akoang memory gikan pagkabata, wala gyud ko kahinumdom nga nilaag mi magpamilya. Bisan man la'g Jollibee. Mao gani atong first time ko naka-Jobee kauban si Charlita, mura gyud ko'g naigno sa jolly spaghetti. Akoa gyudng gikinamot. Nemels kaayo 'di ba?

Pero bitaw uy, unta one day, maglaag pud mi sa akoang Mama'g Papa. Gusto ko mamakita'g bag-o nga lugar, bag-o nga mga tao together with them. Gusto ko nga bag-o ko mahuman ug high school, mag-create memories sa mga lugar lugar.

While galantaw ko sa Sunset diri sa may rooftop sa usa ka fifteen floor nga building diri sa amoang dapit, naminaw ko sa kanta ni Ed Sheeran nga ang title kay 'Friends.'

Ingon sa kanta,

🎶Friends just sleep in another bed,
And friends don't treat me like you do.
Well I know that there's a limit to everything,
But my friends won't love me like you.
No, my friends won't love me like you..🎶

It made think nga dili na lang gyud mi friend ni Janu. We're more than that. Nahikapan nako niya. Na-kiss-san nako niya. Tapos sweet na kaayo siya sa akoa.

I'm making hypothesis right now kay kay dili pa ko gusto nga mudiritso sa conclusion nga kami na gyud ni Janu. Oo mura na'g kami pero gusto nako nga madunggan na sa iyaha. Gusto ko nga siya mismo ang mag-ingon.

Nilantaw ko sa view sa akoang atobangan, ang syudad sa Davao. The view right now is just one of the view of the most peaceful days here in our city. Sa mga kalsada, naglaray ang mga sakyanan. Ang mga buildings, tag-as na kaayo, tapos naa pa gyu'y mga wala pa nahuman. Tapos sa panganod, sige ra'g tuyok-tuyok ang mga eroplanyo kay dili pa ka baba kay busy pa ang runway sa Banggoy Airport. Tapos sa medyo dili kalayuan, kita ang kaayo na'ko ang blue kaayo nga dagat sa Davao Gulf nga gipatungaan sa nindo't kaayo nga Island Garden City of Samal.

Island Garden City of Samal reminded me of Janu. Guwapo pero medyo layo. Pero how come nga in an instant, naging kami na? I mean, layo ra gyud ni sa akoang gina-expect ba.

Feeling nako naay mali kay dali ra kaayo naging kami. Nag-confess lang ko sa iyaha, nagkahilakanay ming duha unya nag-kiss tapos kami na?

Nabalaka ko tungod sa kadali nga panahon nga naging kami, kay basig dali ra pud mi magbulag.