Atik-Atik (Bisaya Rom-Com Novel)

C H A P T E R 23

#DavaoGulf

Pagkahuman nako'g memorize ug table of elements didto sa rooftop sa building, ningnaog na ko ug nibalik na sa amoang balay para mag-lung-ag ug kan-on. Medyo natagbaw ko ug huyop kay medyo basa gamay ang mga sugnod nga kahoy. Gusto ko mag-luto sa butane pero basig kasab-an ko ni Mama so nagkahoy na lang ko bisag medyo hilaw-hilaw ang output sa kan-on.

Pagkahuman nako'g lung-ag, naligo nako unya nag-ilis unya pagkahuman, niadto na'g simabahan para mu-attend ug misa. Alas siyete na sa gabii nag-start ang misa unya timing pa gyud kaayo kay halos wala na'y bakante nga lingkuranan didito. May gani, sa may likod, naa sila Rosemarie, Rosenberg ug Rosebery didto so nilingkod ko tapad sa ilaha.

"OMG! Naa na pud ang kwaknit!" ingon ni Rosenberg atong naminaw ko sa ebanghelo.

"Gani, tan-awa ra gud oh! Napa'y pa-braid braid ug buhok ang kwaknit mura ra ba'g gwapa! Feeling guro niya si Marimar siya ay! Muta ra gyud biya siya'g si polgoso," ingon ni Rosemarie. Nagpa-ilob ko'g maayo to the point nga napapiyong na lang ko sa akoang mga mata. I should not make a scandal kay una, nag-misa ug ikaduha, balay ni sa Ginoo among gisudlan karon.

"Paghilum ra gud mo Roseberg ug Rosemarie. Wala na gyud mo'y kaulaw ba!" sita ni Rosenbery sa iyang mga ig-agaw. Napa-smile ko sa gibuhat ni Rosenbery. I know nga sa ilahang tulo, siya gyud ang pinakabuotan pero nadala lang gyud siya sa kademonyita ni Rosenberg ug Rosemarie. Pero I know na bisag demonyita si Rosenberg ug Rosemarie, kabalo ko nga naa gihapoy good side sa ilaha. I know na nagdemonyita-demonyita lang sila tungod kay dili sila gusto madaog-daog sa lain tao, so ang nahitabo, sila na lang ang nangdaog-daog.

Gisumay-sumay ra ni Rosemarie ug Rosenberg si Rosenbery unya nangayo na lang siya'g pasensya sa akoa. "Sorry Joy ah! I know nga nag-demonyita pud ko sa imoa sa mga niagi nga tuig pero promise wala sa isa sa mga time ato nga nag-enjoy ko nga patiron imong tiil, nga imudmud imong simod ug ngabil sa kanal. Sorry Joy ah! Kabalo man gyud ka sa amoang experience 'di ba? Permi mi nimu makit-an nga kulatahon sa amoang ante? Sorry Joy ah!" gi-hug ko'g kalit ni Rosenbery. Medyo nakahilak ko gamay sa gi-confess ni Rosenbery. Timing man pud gud kaayo nga nag-peace na ang mga nanimba so nakipag-peace na lang pud ko sa iyaha.

Pagkahuman ug simba, gikuyugan ko ni Rosenbery sa gilid sa simabahan para mupalit ug bingka nga humot kaayo ug dako kaayo ang buak. Kuyog pud namo si Rosemarie ug Rosenberg pero sige ra ko nila'g sipatan nga maoy hinungdan para mgatangtang ilang contact lenses.

"Rosemarie! Rosenberg! Palit na mo oh!" ingon nako sa ila sabay tudlo sa namaligya'g bingka. Enjoy na kaayo mi'g kaon ni Rosenbery (kay gilibre nako siya) unya silang duha kay sige ra'g sipat sa amoa.

Niduol sa akoa si Rosenbery. "Joy, kuan man gud, wala man gud sila'y kwarta."

Nakuratan ko sa giingon ni Rosenbery. "'Di ba namaligya man mo'g tahong sa palengke, how come na wala na mo or wala na sila'y kwarta?"

"Gikuha man gud ni Ante ilang kuwarta Joy," pag-amin ni Rosenbery.

Gilantaw nako si Rosemarie ug Rosenberg. Isog kaayo ilang mga nawung pero ilahang mga mata, kita kaayo nako ang kamingaw. I know kay ako, susama nila, naa po'y lalum nga kamingaw akong mga mata.

"Duha ka bingka te with cheese sa ibabaw unya duha pud ka icetea," ingon nako sa tindera. Ning-smile siya sa akoa tapos gihatag dayon niya akong order.

Lingaw na kaayo ang gawas sa simbahan. Naa nay mga christmas three sa atubangan unya naa na po'y nagkutap-kutap nga mga chistmas lights sa palibot. Lami kaayo mag-selfie.

"Psst!" Akoang gisitsit si Rosenberg ug Rosemarie. Gilingi ko nila.

"Eww? What's that?" ingon nila. Sabay.