Atik-Atik (Bisaya Rom-Com Novel)

C H A P T E R 5

JOY'S POV

"Excuse me Ma'am, kalibangon ko."

"Hahahahaha!"

Nangatawa akoang mga classmate sa dihang nag-excuse ko kay Ma'am. Actually, dili jud tinuod nga kalibangon ko pero para naa ko'y valid reason para masundan si Janu ug May, akoa na lang 'tong giingon.

Weird lang ko nga gitan-aw ni Ma'am unya katong ni-senyas na siya sa akoa nga okay na, nigawas na ko.

Mura ko'g tubol nga nagdagan-dagan sa corridors sa mga classrooms. I want to hear Janu and May's conversation.

Pag-abot nako sa may CR, nakit-an nako si Janu ug May sa may kilid. Nitago ko gamay sa usa pa ka kilid.

"You're just using Joy right?" naghilak nga ingon ni May. Nakuratan ko. Ako diay ilang topic. Nemel.

"No May, seryso ko kay Joy. After you break up with me with me with no clear reasons at all, mas nagustuhan nako si Joy. I know that Joy has feelings for me pero wala lang nako gina-mind tungod kay sa imo ko permi nagtan-aw, but now that you let go of me, I decided to hold Joy's hand. Kay dili parehas nimu, kabalo ko nga si Joy, dili ko niya buhian."

Natulala ko sa giingon ni Janu kay May. Kabalo siya nga naa ko'y feeling sa iyaha? Was I too obvious before o atik-atik lang 'to iyang giingon kay May?

"Wait." Nihilak si May. "What if iingon nako sa imuha ang tinuod nga reason nganong nakipagbuwag ko sa imo Janu? Kaya ba nimu buhian si Joy?"

Nakuratan ko sa giingon ni May. Nakulbaan ko'g maayo.

"Nganu May? 'Pag iingon nimu sa akoa ang tinuod nga rason, magbalik ba tang duha?" pangutana ni Janu.

Mas nihilak ug samot si May. Wala na siya'y giingon kay Janu unya nidagan na siya pabalik sa classroom.

Nitago ko'g maayo sa kilid sa CR para dili ko makit-an ni Janu pero ulahi na ang tanan kay pag-agi niya didto, nakit-an ko niya nga mura'g iro nga nagkitoy-kitoy didto.

"Let's go," ingon ni Janu unya gikuha dayon niya akong kamot

"Omo!" Napa-korean ko'g ahat sa dihang nabati nako ang kakusog sa iyang pagbira sa akoa. Feeling nako mura ko'g mangudngud sa yuta pero pagkahuman sa pila ka lakaang, naabot na mi sa classroom.

Pagka-abot namu, nanglurat akong mga mata sa dihang nagkagubot among classmate tungod sa pag-hilak ni May. Nakulbaan ko kay anak biya siya sa principal, unsaon na la'g musumbong! Ginoo!

"I'm just okay guys, I'm just okay. Don't mind me," arte kaayo nga ingon ni May while wiping her tears with some tissue.

Nilingkod na mi ni Janu sa among designated chairs. Weird kaayo ang tinan-awan sa among mga classmates sa amoa.

"What's happening?" pangutana sa amoang teacher nga nagsuwat gihapon sa blackboard.

"None Ma'am!" synchronized ug with choreography nga tubag namong tanan kay Ma'am.

Nagsuwat nako'g balik. Gusto ko mag-focus sa akoang gibuhat pero bisan unsaon nako'g suwat ug tarong, mahuna-hunaan gihapon nako ang giingon ni Janu kay May ganina... "I know that Joy has feelings for me pero wala lang nako gina-mind tungod kay sa imo ko permi nagtan-aw, but now that you let go of me, I decided to hold Joy's hand. Kay dili parehas nimu, kabalo ko nga si Joy, dili ko buhian."...

"Okay guys, put your assignments muna sa table. Magkuha sa ko'g chalk sa faculty."

"Yes Ma'am."

"Ahh, Ma'am! Ako na po ang mag-collect for them!" pag-volunteer ni May.

Nisulirap among mga mata sa bestfriend nako nga si Charlita. Bisag walay words nga gi-istorya, pareho mi nga nairita ni Charlita since nanimaho napo'g tahong este nanimaho napo'g pasipsip si May.

"Your paper please?" naka-smile nga ingon ni May sa akoa though visble pa gihapon sa iyang mata nga naghilak siya ganina.

"Here," gihatag nako akong reflection paper sa iyaha.

"Ooops!" ingon ni May sa dihang gigisi niya akong papel.

Nakuratan ko at first sa iyang gihimo pero 'pagkataod-taod kay nakahilak ko. Nagpulaw ko para mahimo lang 'to nga reflection unya iya rang gigisi? Animal!

Ako unta siyang singkahan pero wala na nako nabuhat sa dihang nilabot si Janu sa kilid ni May.

"Where's your paper May? Give it to me."

Wala katingog si May.

Paghuman sa pila ka-seconds, gikuha ni Janu ang mga papel sa kamot ni May unya gipangita ang relfection paper ni May. Ug katong nakit-an na niya, iyaha dayon 'tong gilaksi sa atubangan ni May.

Nakuratan ang tanan sa gihimu ni Janu pero mas nakuratan ko sa dihang naa siya'y gisulti kay May, "Dare to make harm with Joy ug dili ko magduha-duha nga buhaton ang imong kung unsa man ang buhaton nimu kay Joy. Remember that May."

Isog kaayo ang mga mata ni Janu atong gisulti 'to niya to the point nga nangurog si May.

Namula ug natulala ko while gitan-aw si Janu nga in-ato ang tan-awan sa iyang ex nga si May.
*   *   *