ود بلدي💔

2

رديت.ايوة انا نورس،قال كيفك يانورس مااكون ازعجتك وفصلتك من مزاكرتك.انا لالالا كنت بكتب وانتهيت كيفك انت..انا الحمدلله،اتصالي ليك يانورس مابعني اني انسان فارغ وعندي عقاب رصيد او اي كلام.انا بتكلم معاكي بصراحه،انتي غيرتي فيني افكاري عن واقع البنات الانا شفتو.انتي بت بلد خايفه ربك وخايفه عرضك وماشه صح وعايزك تفضلي كدة..وانا عامله كدة😓😱..انا يانورس عندي اخت وحدة وبخاف عليها ومابحب العب بالبنات او استرجل بيهم.لو وافقتي بعلاقتي العفيفه بيك حتكوني اول بت في حياتي ..ومواصل في الكلام وانا قاااعدة في خيال موسيقي كمان بعزف بهدوء ..انا سكت مساااافه وهو سكت مسااافه..بعدها رد وقال اخليك تفكري وتعرفي عني اكتر.تصبحي علي خير ..
رجعت غرفتي وانا تايهه وخايفه من المصير.وسلفا انا معجبه بيهو جدا..لانو انسان نضيف من جواهو وده بيان بالعمل لتصرفاتو مع الحوليهو..انسان شغال ونفس الوقت بدرس.مابهتم للامور الدنيويه .اهتمامو كتابو وصلاتو وكلام بهدوء.بختار الكلام قبل يبداهو.حتي في طريقة لبسو ولحيتو الكثيفه..مهذب فيهو فهم انو الدنيا دي مابتستاهل تضيعا في الفارغا..كنت جعانه ودفعت شيرنغ لصلطه بكسرة .رقدت وضميت. رجولي علي وانا برجف من الخوف والفرح..اعمل شنو اقول شنو ..نادوني البنات للعشا ولاتنادي لمن حياتي😳(لاحياة لمن تنادي)قمت اتوضيت وصليت وقلت استخير.استخرت وجهزت عبايتي وطرحتي الورديه ومصروفي ليوم بكرة.ورقدت وانا مبسوطه.
مشيت الجامعه دخلت محاضرتي وانا بحاول اني مااشغل نفسي.تلاته يوم في الجامعه مااتقابلنا انا وسلطان.
وانا طالعه ماشه الداخليه دخلت المكتبه بصور شيتات وابيع الرصيد حولو ابوي لي مصاريف جا داخل المكتبه سلطان .رد السلام واتجه حاسب البت للشيت.قلت ليهو سلطان انا معاي قروش.رد:بت بلدي تدفع وانا واقف.كلها خمسه جنيه يانورس امشي داخليتك بدري قالا بصرامه انا خفت من لهجتو..قلت شكرا وشلت الشيت وماشه جا وراي قال نورس.وقت تكوني فاضيه اديني مسكول.هزيت براسي خير..
وانا داخله الداخليه..جو بت وولد مارين وحركاتم استفزتني وظاهر عليها مرتاحه البت.اظهرت من وشي اني مااتقبلت وضعهم.قالت لي مالك بتعايني كدة.رد الولد اديها البارد ده نفسها فيهو..عاينت ليهو بغضب.ردت البت ردي ياقرويه يامتخلفه انتو اكتر ناس بتتهجمو بالعاصمة وبتخربوها.فما تستغربي وتعايني لينا خليكي في حالك.جاتني شجاعه اني ارد الصاع صاعين..رديت انا تخلفي البتتكلمي عنو ثقافه دينيه ياناقصة.لوفاكرة لبسك وتصرفك ده كمال وثقافه يبقي انتي جاهله.نحن اهلنا بوصونا من اشكالكم دي ويقينا اقوي من انو نكون ظاهرين بمنظر مغرور.حسي انتي حضرتي محاضراتك ولا بتين صليتي.ظاهر من اضافريك ومنكيرك دة ماهبشك وضوء.وخليتا ودخلتا الداخليه..قعدت في طرف سرير وانا بفك دبوس الطرحه اتصلت امي.وصلك الرصيد يانورس .ايوة ياامي.انتو كيفكم.الحمدلله يانورس بكرة عقد بت مدينة وبجو الخرتوم يتمو ابقي امشيلم.حاضر ياامي بكلم ودعمتي يوديني.ولسه الخط فاتح جات المشرفه نورس مبارك تعالي غرفة الاشراف.استاذنت من امي ومشيت.لقيت نفس البت قاعدة وبتبكي.المشرفه انسانه ظالمه وماحبت تسمع مني سمعت من طرف واحد.وهددتني بانزار لو اتعرضت للبت.وانا احتفظت بالموقف عشان مااتسبب بفصل البت.قلت احتمال ماعندها مكان واكون سبب ليها.اتلفت وقلت ليها اسفه وطلعت .
جبت رقم سلطان في تلفوني واترددت اتصل وبعاين مسافه في شاشه التلفون.اتصل سلطان.شلت التلفون وطلعت...
يتبع