ود بلدي💔

13

يانورس .انا وكيلي الله..واكيد ازمة وتعدي..بس خليكي جمبي معاي..خليكي مطمناني انو في خير في الدنيا..
طيب ياسلطان احتمال في زول عمل نسخة من المفاتيح..
لالا يانورس المفاتيح معاي يامع زوج خالتي وماحصل اهملنا فيها..
واحتمال تاني ياسلطان في طريقة بفتحو بيها الطبله وبترجع تتقفل ..
لا يانورس لانو تاني الطبله مابتفتح بمفتاحا لو دخلتا آله تانيه للفتح..
طيب والعمل ياسلطان.كلها مقفله..سلطان انا ماقادرة اعيش وانت في الحاله دي ..قوم ياسلطان استحمي وصلي وادعي ربنا يحلها..
حاضر يانورس..
سلطان طالع لقي زوج خالتو سلطان رجع وهو مدنقر.
زوج خالتو:سلطان تعال...
سلطان:ايوة ياخال..
انت شاكي في ثقتي فيك..
سلطان عندك الحق في يقينك وثقتك..بس والله العظيم ماعندي ايد فيها..
عايزني امد ايدي عليك ياسلطان لاول مرة واضربك..معقول ياسلطان انا اشك فيك..انا ماختيت فيك شك ولا1%
لانك ربايتي ورباية خالتك..ليه بتعمل فرق بيني وبين ابوك..
امشي ياسلطان شوف وشك في مرايه بقي كيف..اكل واستحمي وتعال لي انا راجيك في الصالون...
مشي سلطان بعد خلص ع الصالون وقعد.مع زوج خالتو..
اها ياسلطان..عندك اعداء في السوق دة?
انا ياخال ماعايز اشك في زول واشيل زنبو ..
ياسلطان لازم تفكر وتلحق تطفي الموضوع..
كل يوم الناس في السوق بتبدل الكلام للاسوء.
ايوااا ياخال قبل يوم السرقه بالمسا قبل نقفل الدكان بكم ساعه لاحظت في شخص واقف بعيد ومراقب بس شكيت انو خيال واستغفرت الله .والخلاني اطنش الوضع لقيتو ماف ماظاهر..
طيب ياسلطان معناها في زول سرق الدكان دة بطريقه احترافيه ابتدأ بالمراقبه..بس كيف نعرفو..
حلنا الوحيد كلاب الشرطه....
اتجهو سلطان وزوج خالتو وبدو في التقصي والتحقيق..وسالو كم واحد في السوق .لانو الزول الكان مراقب الدكان كان واقف جمبهم .بس ماف زول عرفو..
سلطان نورس ادتو طاقه وشجاعه واطمئنان بانها متفائله كل الخير..
جابو كلاب الشرطة وبعد اخدت حاسة الشم من الباب والاقفال .اتجهت كلاب الشرطه بكم اتجاه وكل السوق بتفرج ومنبهر.وسلطان يستغفر في سرو ويناجي الله..
اتجهت كلاب الشرطة الي الخط التالت من دكاكين السوق.واتجهت فورا الي محل شيشه ملان بالشباب ووقفت في شخص جالس ومخلف رجولو وبشرب الشيشه..
سلطان زحزح الناس ودخل وعاين لقي الموقف وعرف الشخص من حركات عيونو وبدأ يهلهل في سرو ويتحسبن الله اكثر واكثر..اتجه علي يمينو لقي عوض مخلوع وواقف يتفرج وجسمو كلو عرق...
سلطان فهم الموقف واتاكد انو عوض عندو ايد في الحصل بس كيف..
الشرطة كبلت ايد المتهم وقبل تسوقو المتهم عاين لعوض وحاول يتكلم.عوض اختفي وسط الجماهير من سكات..

سلطان بقي جاااري عايز يخش المسجد..يطلع من عربيه ويتصدم بالمارين ونفسو قايم..وجسمو يتصبب عرق..دخل المسجد اتوضا ودخل صلي ركعتين شكر لله وبكي وهو ساجد..حمد ربنا انو طلع بريئ جمب ناس السوق كلهم..
طلع من المسجد وشرب مويه واتصل علي نورس..
📲📲📲📲📲📲📲
الخط فتح...
نورس يانورس ..ربنا قال لانصرنكم ولو بعد حين ..انا بريئ يانورس.
لقي ماف رد.
نورس..
انا مانورس انا امها .ماعندك كرامة تبعد.بكرة تعمل شنو تاني تبيع مخدرات.البسرق بعمل اي شي.بتي لو غبيه بعرف بعقلا..بس اهون من تبقي مرة حرامي..
وطق قفلت الخط..

نورس وين...ياربي .مش قالت ماحتخليني..
وبقي يتكلم مع نفسو وماشي..وكل السوق مبروك ياسلطان..مبروك ياسلطان🎊🎇🎆وسلطان مدنقر وماشي كانو مهموم سنين.
وصل الدكان لقاهو مقفول .اتجه علي المركز ووقف برة عشان يعرفو الحاصل..وفكرو كلو شارد في نورس..
بعد ساعه وسلطان جسد بلاروح.جاهو اتصال من رقم.طنش مارد مرة مرتين جاتو رساله من نفس الرقم..انا نورس..
سلطان قام من الارض وكان قاعد.مربع رجلو الشمال وباسط اليمين..طلع بسرعه واتصل علي الرقم...📲📲📲📲
نورس نورس نورس😵😵
سلطان اصبر روق بفهمك..بس وريني حصل شنو
انا بريئ يانورس..بس انتي في شنو
امي ياسلطان شالت تلفوني وضربتني وحلفت تحميني الجامعه..مامهم يايلطان..المهم انك بقيت عند الناس برئي وحقك ماتخليه..والله ياسلطان تقول عفيت ليهو..ماعندي معاك ايام تاني..
لالا يانورس ربنا غفور رحيم نحن شنو يانورس نحن بشر عادين..
ايوة فعلا ياسلطان بس الساكت عن الحق شيطان..
انا بعد اتاكد بوريك الحاصل كلو ..بس دة رقم منو..
دة رقم نسيبه..
طيب كيف ارجع ليكي ..
تمام بخلي نسيبه تجيني بعد ساعه كدة وبتصل عليك..
سلام حبيبي
نورس روحي..نفسي اليلا اقعد ابكي معاك وافرغ كل الحذن الفيني دة..دة امتحان ولازم نصبر يانورس..
حاضر حبيبي...
رجع سلطان لزوج خالتو ولقاهو متحير وبصفق في ايدو...
حكا ليهو زوج خالتو الحاصل كاالأتي:_

الشخص موكل من عوض بمبلغ قدرو 500ج
جا راقب الدكان وشاف الاقفال تمام... واشترا نفس الاقفال الصورة ،والهيكل ،واللون، وعمل اقفالو نفس صورة اقفالنا عشان تظهر قديمة ومانعرفا..ووكل اتنين وسط زحمة الذباين علقو الاقفال الخاصه بيهو بطريقة احترافيه وسحبو اقفالنا الاساسيه...ووقف راقب الدكان من بعيد عشان يطمن علي الوضع والاقفال..نحن قفلنا الدكان باطمئنان ومشينا..رجع المتهم باليل وفتح اقفالو الخلاها في الدكان بمفاتيحا المعاهو.بكل بساطه ودخل سرق وجوط الدكان .ولما طلع رجع اقفالنا الاساسيه وقفل الدكان بيها.لماجينا الصباح فتحنا عادي بيها ولاكانو حصل شي..ضللنا بس وقع..
سلطان خت يديهو في راسو وقعد في الارض..
في ناس كدة بتفكر للحرام اي سبيل.طيب يمشو وين من عقاب الله....
يتبع