ود بلدي💔

22

سلطان قعد في السرير وأيديهو في راسو..نورس تبكي بهدوء مواجهة سلطان..اطلع من حياتي ياسلطان انا انا انا ماقادرة اعيش معاك ماقادرة اتحمل اكتر من كدة..

نسيبه وعبود واقفين في الحوش وماعارفين يتصرفو ويعالجو الموقف..
نسيبه:نورس أهدئ وتعالي معاي تعالي يانورس ..وساقت نورس ودخلتا في الغرفه وقعدت معاها..
نسيبه:نورس البتعملي فيهو دة شنو..الجاك شنو قولي كلميني..
نورس:يانسيبه انا ماناقصاك خليني كدة بس ..
جا داخل سلطان ومعاهو عبود..
وبدأ يصرخ في نورس انا لو ماعاجبك من الاول عشمتيني ليه..خليتيني اغرق لحد وضعي دة ليه ليه لييييييه..ليه انتي دمرتيني وتجي تقولي بالساهل اطلع من حياتي ليه رد قولي ليييه لييييه ليه يانورس..وبدأ يضرب نورس بأيديه الاتنين...سلطان منفعل شديد ونورس مدنقرة وتبكي بكاها المعتاد.بهدوء..عبود مسك سلطان وطلعو برة وسلطان يحاول يجي عشان يضرب نورس وهو منفعل..
عبود ساق سلطان وطلعو بالعربيه ..

نسيبه:ياناس الحاصل شنو ليه انتو فقدتو وعيكم للدرجه دي..
نورس:انا بكرهو يانورس بكرهو شديد..ومن الان انا وسلطان افترقنا..شفتي يانسيبه اهي دي حقيقتو..مدة يدو وضربني.ولسه بحاول يضربني.انا بكرهو بكرهو بكرهو وبكت بحرقه..
نسيبه ضمت نورس عليها..وقالت يانورس لو سلطان غلطان عليكي بشئ كلميني وانا بديكي رأي..بس اظن سلطان ماغلطان معاك..لكن انتي خربك دلع سلطان ليك.
نورس:انا تعبانه يانسيبه ماتزيدي علي..انا ماشه يانسيبه اعفي لي..بجيكي في وقت احسن..معليش تعبتك معايا..
نسيبه:لا يانورس ماتطلعي اصبري عبود يجي
نورس:لالا انا ماشه.وطلعت نورس ومشت ركبت المواصلات..
وصلت الداخليه ورقدت تبكي لحد مانامت...
رجع سلطان مع عبود بعد ماهدأ ودخلو غرفة الضيوف..جات نسيبه وقالت :سلطان معليش نورس بس كانت تعبانه شويه..
سلطان:حسي بقت كيف
نسيبه:😖😖😖😖طلعت مشت
سلطان:قام واتنفض ..شنو طلعت..طلعت كيف براها ?
نسيبه:أبت تنتظري وتنتظركم وطلعت..وضعها ماعاجبني..نورس مابتتأثر بكلام الناس ..نورس الفيها عايز تفسير..

طلع سلطان ومشي السوق وكان ماطبيعي أتصل علي عبود وطلب يكلم نسيبه.. وسال نسيبه :يانسيبه لو عارفه حاجه عن تغير نورس ريحيني ووريني..
نسيبه:انا زيك ياسلطان مافاهمه شي
سلطان:امها وابوها ماراضين وامكن.....وقبل يتم كلامو قاطعتو نسيبه..
نسيبه:لالا أأكد ليك نورس مااتكلمو معاها ابوها وامها ..بس اصبر ياسلطان الامور بتتصلح..
سلطان:طيب ماعارفه ليك رقم في  الداخليه يوصلني ليها
نسيبه:ماعندي والله..امكن براها تتصل عليك من اي رقم..

سلطان مهموم ومنتظر تلفون من نورس..ويتكلم مع نفسو..لالا نورس انا ضربتها تاني ماحترجع لي...نورس حتكون متضايقه مني..انا ليه عملت كدة..
سلطان يوم ويومين ماعندو اي خبر عن نورس..وأمور سلطان بقت تسوء وبقي مامركز في شغلو وجامعتو..
سلطان العصر فاض بيهو وقام ركب المواصلات ومشي علي الداخليه..

وصل جمب الداخليه لقي مجموعه من بنات الداخليه بعرفم سلطان معاهو في الجامعه..سلم علي وحدة وسألا:: نورس موجودة جوة ..ردت ليهو أيوة قاعدة.

دخل سلطان الرسبشن وطلب من المشرفه تنادي ليهو نورس..
دخلت المشرفه وقالت لنورس عندك زائر برة اسمو سلطان تعالي..
نورس:ارجوكي تمشي تقولي ليهو نورس ماف انا ماعايزة اقابلو لالالا وغطت عيونا بكفوفا وقعدت تبكي..
المشرفه:ليه لكن السبب شنو ..بضايقك في شي..
نورس:لا بس ماعايزة اشوفو امشي كلميهو..

طلعت المشرفه ومشت كلمت سلطان انو نورس ماموجودة..
سلطان:كيف ماموجودة نورس قاعدة جوة وانا متاكد ..نادي لي نورس ارجوكي.لو سمحتي ناديها ..وسلطان متوتر...
المشرفه دخلت وهي مزهوله من سلطان..
سلطان واقف وايدو الشمال مسنودة علي الحيطة وباليمين ماسك التلفون ومتوتر..

جات شلة البنات داخله ومن ضمنهم البت السألا سلطان في الشارع..
سلطان وقف البت وقال ليها:لوسمحتي انتي مش قلتي نورس موجودة جوة.
البت:ايوة موجودة وطلبت مني اجيب ليها معاي حبوب بندول للصداع ..
سلطان:وكيف ماموجودة جوة طيب..
في اثناء توتر سلطان جات المشرفه وقالت تاني نورس ماموجودة..
سلطان اتجه علي باب الرسبشن وقال امشي قولي ليها انا بجيها بسكين اريحا وارتاح منها وطلع وهو منفعل وعيونو شرار...

مشت البت والمشرفه لنورس وكلموها .نورس صرخت ووقعت من السرير الفوق دبل بد..وبقت تبكي وترجف ..المشرفه قالت ليها تعالي معاي.كل الفي الغرفه خايف علي وضع نورس ومتوترين..
نورس مشت مع المشرفه غرفتا وطمنتا المشرفه انو ماتخاف وماف شي ...

جا سلطان راجع للمشرفه وطلب منها تنادي نورس..
المشرفه:لوسمحت نورس طلعت..نورس خافت منك بعد سمعت تهديدك وطلعت باقصي سرعه ..واطلع امشي لوسمحت
سلطان:لا نورس جوة..ان ماناديتيها حاخش واجيبا .حاخش اجيبا انا حأخش اجيبا..وبتكلم برجفه وانفعال وبأشر بايديه علي مدخل الداخليه..
المشرفة:طلعت نادت لسلطان رجل الامن
جا لسلطان وطلب منو يطلع بهدوء وآلا حيحاسبو..
سلطان طلع ومشي علي الظلط ووقف..
طلع تلفونو واتصل علي عبود .عبود قال انو شغال في السوق..
سلطان:عبود اديني رقم نسيبه عشان اشوف نورس لو بتصل ليها
عبود اداهو الرقم وقفل..
سلطان اتصل علي نسيبه وكلما لو نورس وصلت تكلمو..
سلطان مشي بيت خالتو ومنتظر تلفون من نسيبه...
سلطان بعد حالتو الوصل ليها لابمش سوق ولاجامعه بس بمشي البيت وبطلع علي الشارع..

بعد ساعتين رجع سلطان واتصل بنسيبه باستعجال..
سلطان:اها يانسيبه نورس معاكي
نسيبه:ماجاتني ياسلطان والله.
سلطان:صرخ بصوت عالي ..مشت وين يعني لا موجودة في الداخليه ولا موجودة عندك
نسيبه:مابعرف والله نورس مامن عوايدا تطلع ساي
سلطان:عندها منو هنا من اهلها ممكن تمشي ليهم..
نسيبه:مابتمشي نورس لزول ابدا ومابتعرف تتحرك بدونك هنا ..نورس وانا عارفاها..
سلطان اعتزر من نسيبه وقفل فكر انو يرجع الداخليه بس الدنيا ضلمت وماحيقدر يتصرف .لانو الداخليه فيها قوانين..
سلطان بقي داخل وطالع ويتصل لعبود ويتكلم ويفكر نورس باليل دة حتكون وين...

يتبع...