ود بلدي💔

18

دخل ابو نورس الجامع وماكان منتبه لسلطان..
سلطان كان لابس جلابيه ..لما شاف ابو نورس اتشجع ومشي عليهو ..وقف قدامو وابو نورس مامنتبه..مدا يدو ليهو ..ابو نورس عاين لسلطان ومتردد انو دة سلطان ولا شبيه ليهو..
سلطان:ايوة ياعم مبارك انا سلطان زاتي
كيفك ياعم مبارك ..ان شاءالله الصحه تمام..
ابو نورس:😨😨😨😨مرحب بيك ..وبقي يتلفت وأيدو في ايد سلطان..
سلطان أحاط ابو نورس بأيدو الشمال وهو مسلم عليه باليمين..ساقو خطوتين بعيدة من الناس..وقال:ياعمي ماتحتار انا جيت هنا ليه انا جاي مع صحبي العريس ...عمي انا بقيت انسان سيئ في نظرك .....وقبل يتم كلامو عم مبارك فك أيدو ووقف قصاد سلطان..ياولدي الموضوع دة منتهي  وارجوك ماتتكلم فيه....انت ضيفنا مرحب حبابك اتفضل العقد شغال ..سلطان قلبو اتقصف نصفين كان عندو أمل بسيط انو الامر يتعالج...
سلطان:حاضر ياعمي ..اتفضل
عم مبارك خلي سلطان واقف أدار ضهرو وخلاهوومشي علي العقد...
سلطان رجع قعد في كرسيهو مخنوق بس اتزكر انو عندو نورس..ابتهج ودنقر .ختا ايديهو علي الكرسي القدامو ورقد براسو علي أيديه..سلطان دموعو جرت شديد وقال خليكي معاي يانورس خليكي معاي يانورس خليكي معاي..
سلطان مارفع راسو برغم ضرب السلاح واصواتا العاليه في السما..مارفع راسو برغم اصوات التبريكات والتباشير..
جاهو عبود شايل السيف وختا ايدو في كتف سلطان.وقال ابشر ياسلطان المرة الجايا عليك..سلطان رفع راسو بعد مامسح دموعو بالخفيه..قام وحضن عبود وبارك ليهو ومشو علي بيت نسيبه عشان يقعد مع العروس..

دخل سلطان والعريس والاهل بيت نسيبه بزغاريد الاهل وغنا البنات ..قعدو عبود ونسيبه في كرسي جلوس..والبنات يغنو والبخور ورش الريحه والزغاريد سلطان بعد عدة نظرات بجاي وجاي لقا نورس شايله المبخر وواقفه تزغرد لنسيبه..
وام نورس تنزل التوب وتلفحو تاني ..وماقادرة تصل نورس بالزحمة تجي بجاي تسد الطريق بنيه..وتمش كدة تدوس طرف زول ترجع بجاي تلقي زحمة زيادة..وقفت مكانا وبقت تهز جسمها متضايقة من وجود سلطان بس اتصبرت انو ماف زول هنا بعرف سلطان....

سلطان عشان يلفت انتباه نورس ليهو..جا علي عبود..وقال.بصوت عالي..أبشررر ياعريييييس أبشر..عبود فهمو وقام قال بصوت عالي أبشر أبشر ياسلطان...
هنا نورس اتلفتت بسرعه وتعابير وشها مبسوووطه وتضحك..شالت المبخر وزحت لور الكرسي ووقفت خجلانه..

سلطان
..قطعة ملبن في بقلاوة..
كيف يانورس منك أشفي..
انا من ايدك عايز اتداوا..
صوت زغرودتك حرك قلبي...
صوت من قلبك كلو هداوة..
لفي علي يانورس توبك..
شان من طرفك القي طراوة..

نورس..
وانا شايله المبخر ومنتظراك..
شان الناس العينا حصايه..
نظر الناس بشوفتك سته...
انا حصنتك في نجوايا..
ماخليت في روحك حته..
زح ياشر برات وبعيد..
ماشاء الله يارايق انت..

رويدة تعاين لنورس وتعاين لسلطان وعايزة تتاكد من الحاصل والشمار حارقا شديد .زحفت زحفت  وصلت جمب نورس ضربتا بكتفها..نورس اتلفت وعاينت لرويدة..
رويدة دة ياهو سلطان صح?
نورس:بالضبط كدة
رويدة:اهاااا الناقصه تمت اطورتو من محل تلفونات لمحل مقابلات...
نورس:لالا فاهمه غلط سلطان صاحب العريس..
رويدة:وانتي صاحبة العروس.😏
نورس:صوتك سمح بتعرفي تزغردي .عليك الله زغردي شان الفرح يزيد وانا بزغرد معاك..
وبقو يزغردو..بس كل زغروده مختلفه..زغرودة نورس كلها فرح وحنان ومحبه..وزغرودة رويدة كلها حقد وشمارات وغضب..

سلطان كل مانورس تزغرد يعاين ليها ويبتسم ويغمز ليها😉😉ونورس تضحك بخجل وتعاين لسلطان..وام نورس تاكل في اصابعا بالزعل..وتتكلم في نفسها(اليلا عاد يانورس خليتيني زي الشايله تيمان وبتوجع..يوم ولادتك ماصنقرتي بي كدي..)..

ام العريس واخت العريس وعمة العريس وباقي الاهل بعد الزغاريد والغنا ..طلعو علي الخيمه في الحوش وقعدو يتونسو مع حريم الفريق..
ام نورس طلعت لقت ام العريس قاعدة في الخيمة وكان عمة نورس من ضمن حريم الفريق قاعدة..
ام نورس اسرعت بخطواتا علي تجاه الخيمه.وقالت اليلا ووووب علي ام العريس حسي حتطرشق الكلام  والنار تولع في الخيمه..قومي ياخيتي تعالي انتو ضيوف الجو هنا سخانه شغلنا ليكم مكيف الغرفه.والله تقومن لالا لازم تقومني النبي فيكن تقومن ..
عمة العريس قالت وهي مكشرة..عبود دا جايبنا من شندي لي هنا في الحر دة ..من قلة بنات البلد ولا من قلتن..
ام نورس بدون تحس اتلفتت علي ام العريس..وقالت ليها انتو كمان عندكن عقارب في بلدكن زينا(قصدها عمة العريس)
ام العريس فهمت وضحكت شديد...هههههههههههههههههههه..
ام نورس سرعه صلحت كلاما عشان الناس ماتفهم ...وحات الله عقارب السموم الفي الهجير دي مامضمونه مع الحر دة تجي جاي ولا جاي ..ارح ادخلن المكيف ونجيب ليكن عصير جاهز والله..

بهناك سلطان قعد في كرسي جمب العريس صاحبو..ونورس قاعدة جمب نسيبه  والناس تتفرج في العروس والعريس وصاحب العريس(سلطان)....

سلطان اتلفت علي العروسه والعريس قال وهو قاصد نورس..ياجماعه عطشان والله عايز مووويه بااااردة وهو عينو في نورس..
نسيبه قرصت نورس وقالت ليها قومي ياثقيله الكلام ليكي..قومي سريع..
نورس طلعت ومشت لقت امها بتعمل في العصير..
أمها:آحيييييي منك يانورس اليلا خليتني في العقد دة انا زي ام العروس الفلسانه..
نورس:يمة والله ماف شي كل زول في حدو
امها:اصبري لي يانورس أدبك عندي ..انا خايفه من عمتك وبناتا وانتي ولاهاميك تزغردي زي جرس الحصة الاولي..آحييييي منك انا...😡😡
نورس ضحكت وشالت جك المويه والكبابي ومشت دنقرت تكب في الطربيزة جمب سلطان والعريس..
سلطان:بصوت خاااافي براااحه وبهمس بسيط...نورس.. نورس.. نورس

نورس ضحكت براااحه وابت ترفع راسا ...

سلطان:يابت نورس ...
ياخي كفاي قلبي الاتجرس...
ارفعي راسك بس لثواني..
خليني اشوف عينيك بالدس..
خليني ثواني معاك اتونس
يانور في نور وجمال من حور
وجواري الكنس..
نورس:
ياخ سلطان ماتقعد ساي..
ماكفايه الشوق كاتلني بجاي..
ياروح الروح وغلاوة الروح
ياسيد الشان وسداد الراااي..
انا جبت المويه عشان تبرد..
ماتخليني افوت واجيبلك شاي..

يتبع....