ود بلدي💔

4

استمرت الايام وانا كل يوم بعرف حاجات جديدة صح..سلطان بوصيني اعملي كدة وسوي كدة .بقي بقبض مصروفو وبشتري لي حاجات بجيبا لي عشان الداخليه علبة لبن عسل صابون عصير..بقول لي ابوكي بكون حملو تقيل ارجوكي ماتطلبي العندي بقضيك والبرسلو احتفظي بيهو لما ترجعي ليهم شيلي هدايا..بقينا اكتر من انو نكون احباب.بنحافظ علي بعض.
زوج خالتو بلقاهو بتكلم معاي بقول ليهو ماتجرح قلبك بكرة بدوها ود عمها وانت تموت حسرة..
يكون في احتفال في الرابطه او جلسه بنتفق مانمشي ونقعد نراجع لبعض ..
حس بينا مسؤل الرابطه انو بنغيب مع بعض من الرابطه وبنجي الرابطه باتفاق.ففي اجتماع طعنا بكلام.قال ياجماعه العلاقات ماعندها دخل بالرابطه تغيبو تختفو تجو.عاينا لبعض انا وسلطان .واتفقنا انو مانخلي زول يدخل في حياتنا..
مسؤل الرابطه بعرف ود عمتي في سوق ام درمان انو من منطقتنا وصل ليهو فتنه اني انا وسلطان بنحوم في السوق العربي وبنطلع حدايق وووو.اتصل علي ودعمتي وقال بجيني الصباح يوم الجمعه.ومن هناك مشي لسلطان في دكان راجل خالتو بالوصف وضربو وشتمو بس سلطان اتعامل معاهو باحترام خوفا من انو الناس تفهم النقاش غلط وتزيد غيهو وينتشر في البلد اتماشي مع الموقف وسكت..اتصل علي وماقال لي العملو معاهو ود عمتي ووصاني نبعد من الرابطه بحجة الامتحانات قربت.
جا يوم الجمعه وجاني ودعمتي في الرسبشن اول مادخلت مديت يدي اسلم اداني كف.خفت شديد وبقيت ابكي.قال لي الظاهر انك بقيتي رخيصه ووضع ابوك ماعاجبك.بكرة برجعك البلد قبل ماتبقي لينا عار..كفايه انك في رقبتي ..وهو ماحصل يوم سالني باتصال ناقصك شنو..وزولك الحايمة معاهو في العربي كسرة عضمو عشان يعرف يتربي اتلمي يابت مبارك المزارع واقعدي في واطاتك..😨😨😨😱😱وطلع وخلاني ببكي..جريت اتصلت ع سلطان رفض المكالمه ورجع لي..صوتو تعبان الو..سلطان ليه ماقلت لي الحاصل..حصل خير يانورس وماف شي .جاني ياسلطان وضربني وسمعني كلام صعب.سلطان هاج واتنفض وقال لي اقفلي الخط سرعه.
سلطان قام مشي ليهو .وفتش مالقاهو شال رقمو من الناس واتصل عرف انو قاعد في محل شيشه مشي عليهو .ووقال ليهو لو هي بتهمك مابتتعامل مع الموقف كدة ونورس دي والله ارجل منك .انا مااتكلمت معاك جمب الناس عشان عرضها وكلام الناس وانت استرجلت وعليت صوتك ووصلت ليها.وبحزرك تاني لو اتعرضت ليها..واظن ده شبهك المكان البتتماطل فيهو دة وطلع خلاهو..ومشي اشتري لي شريحة وجابا.ومشي فتش لي داخليه تانية وسجل لي فيها وانسحبنا من الرابطه وبقينا من المكتبه للمحاضرات للمسجد للداخليه وهو بمشي السوق...
بقي مراقبنا مسول الرابطه وبقي عندو غيرة من سلطان..
يتبع...