ود بلدي💔

6

بجانبي انا متوترة سلطان بعمل في شنو...
وقاعدة اقلب في شنطتي وماعارفه بقلب فيها ليه اطلع الدفتر وارجعو الشنطة.رميت الشنطة في السرير وشلت تلفوني اتصلت علي سلطان..الرقم الذي طلبته مشغول بمكالمه اخري...وانا اتوترت زيادة..
بجانب سلطان...سلطان اتصل علي ودعمتي.
الو معاك سلطان..مرحب خير..
سلطان:عارف البشبهوك بدوك الخبر اول باول بس الخبر الماادوهو ليك او بالاصح مابعرفوه اني اتقدمت لنورس عند ابوها..
عوض:😨😡😠
سلطان:وقول للعوازل يستفيدو من رصيدم في الخير عسي ولعل يشيل الناس من راسو ويكسب زمنو في شي افضل وطق قفل الخط..
رجع لي سلطان ونفسو قايم في الخط
انا:سسسلطان ايوة...
سلطان:يااااانورس الله يجعل الفيها الخير زاكري واجتهدي وماتشيلي هم لشي...
انا:قفلت اتصلت امي
📲📲📲📲📲📲📲📲📲
وانا⏳قلبي نزل زي الساعه الرمليه.رديت ايوة ماما
امي:يابت مشيتي تقري ولاتحبي😠ماوريتني ليه
انا:يامي حبيبتي انا جاياك واوريك الحصل..وبس خايفه من كلامك دة..
امي:هاك ابوك عايزك..
انا اترجفت واتعترت وانحشرت جوه هدومي..ايوة ابوي
ابوي:كيفك نورس .واثق منك يابتي وسلطان راجل وجاني دغري وانا بشوفو لمايجي..بس يابتي شوفي قرايتك تمام.اناراجيك تساعديني يابتي وتبقي استاذة كبيرة.انايابتي ربيتك بلفضيله وعارفك مابتخذليني...
انا بكيت وقشيت دموعي وطمنت ابوي
امي شالت التلفون وقالت لي حسابك معاي لماتجي ..واوعي تكوني بتقابلي الولد دة
انا:ياامي انا بتك المابتفارق طرف توبك بتك النسخة منك وبتعرف الصح والغلط..
طمنتها وقفلت الخط ..واثناء مابتكلم مع ناس بيتنا سلطان دخل انتظار كم مرة..
بس قفلت رجع وقال لي من الظروف ماتشيلي هم بكرة الزمن ليك ببتسم🌸🌸سمعت الكلمات دي وارتحت ووراني انو وقف عوض المتخلف في حدودو وريح اي زول بتكلم باول خطوة عملا..
قال لي نتفق نشوف البخلص المادة المحددنها فينا منو..وانا وهو عملنا جدول مزاكرة بموادي وموادو وختينا لكل مادة زمن ..قال لي نقرا كتير ونجتهد قدامنا صعب..
بديت ازاكر واطمنو برساله ويرد رسالتي ..
(نورس صليتي العشا ..نورس جهزي عبايتك.نورس نومي..نورس قومي الساعه اربعه وصحيني معاكي..)
انا جهزت عبايتي وكان وقفنا محاضرات عشان الامتحانات قربت..ونحن نظام دراستنا سنه كامله ماسمسترات..مشيت علي الوضايات واتوضيت وجيت صليت العشا وجو الغرفه كريمات وخلطات رائحه تفوح ورائحه تلوح واشكال والوان واسماء تتنافس.كورلايت ديفا..وووو..وانا عندي قزازة جرسلين بموية ورد جابا لي سلطان من سوق ام درمان..
رقدت ولقيت رساله من سلطان تصبحي علي خير ..واصوات الونسه والخلط واجراس التلفونات تطاقش في الغرفه والحوش...

الصباح جهزت وطالعه الجامعه البنات معاي في الغرفه اصرو علي بس اعمل كحل خفيف ولو لمرة بالتحنيس اتكحلت ووحدة معاي في الغرفه اصرت اني البس اسكيرت وبلوزة قماش .قلت اعملا مفاجاءه لسلطان بمنظر تاني..
لبست والبنات يصفقو ومنبهرين بالتغير وانا بقيت نوووورس تانيه...
والكحل غير من منظر وشي نهااائي..
طلعت وانا لابسه اسكيرت جنز ازرق وبلوزة قماش ورديه وطرحه مشكله وردي بكحلي.وشبشب رباط اسود..وانا في المواصلات اتصل سلطان قلت ليهو قربت اوصل.
نزلت جمب الجامعه وانا اتلفت في الحوليني خجلانه من اللبسه شفت وحدة لابسه عبايه غرت شديد انا ليه لبست كدة.العبايه اجمل منها ماف...
دخلت الجامعه سلطان قال هو في المكتبه.مشيت المكتبه دخلت عاينت لسلطان هو معاين لاتجاه الباب منتظر دخولي اول مادخلت نزل عيونو علي الكتاب ماعرفني انا نورس.وتاني رفع عينو بسرعه وعاين بهجمه وواستغراب😨😨😨.وانا👰😳قام بسرعه وجا مااااشي علي وأشر لي براسو(اطلعي برة)طلعت وراهو لحد الشارع اتلفت علي وهو مكهرب 😤😤😤وبنهره جيبي شنطتك دي اديتا ليهو فتش مالقي اي مكياج .يانورس😠😠يانورس يااااانوووورس😫رديت ايوة
ارجعي سرعه الداخليه غيري هدومك وتعالي.اداني الشنطه شلتها وماشه ..قال تعالي😠رجعت..امشي غسلي وشك ده من الفيهو وحزراك القاك موسخاهو تاني امشششي..سلطان اتقلب زول تاني.مشيت غسلت وشي في غضب وجيت لقيتو واقف منتظرني خليتو ومشيت وماشي وراي نورس نورس اقيفي😡اقيفي نورس مااشتغلت بيهو ولقيت الحافله ركبت وخليتو واقف..دفع للكمساري ووقف زهجان بعاين لي وانا مسهيه منو وعيوني مدمعه..الحافله اتحركت والداخليه قريبه بس مواصلات وحدة..اتصل علي كم مرة كنسلتها.وانا مخنوقه.عايزة افاجئو حرجني ليه..
دخلت الغرفه رقدت ببكي اتغطيت يتصل يتصل📲📲📲📲📲📲📲فتحت الخط.
سلطان:نورس مابخليك فرجه واعجاب لغيري.انتي بتهميني انا بس انا ولعت نار لما شفتك كدة لالا يانورس لالا مابخليك فاهمه يعني شنو انا ارضي بمنظرك دة واسكت انا معناها انسان بليد وبعاين لاي بت كدة.
وانا ساكته مارديت وببكي
سلطان:بتبكي يانورس ..ردي يانورس علي حرام عليك نورس انابحبك ماتبهدليني كدة نورس ماتبكي انا اسف وبقي يبكي معاي ببحة حنينه وهاديه..
سكتنا نحن الاتنين وقال لي مع السلامه يانورس وقفلت..
بعد عشرة دقايق جات رساله(انا رجل اخاف الله بك..نامي وانتي قريرة القلب..انتي مجمل احلامي..)
هديت شويه وسرقتني قفوة خفيفة...رجع سلطان تاني نفس الوقت قررت ماارد بس اتزكرت انو يتيم وممكن اي شي مني يجرحو..رديت طوالي.
يانوور عيوني ونورسي..من غيرتي ماتتحسسي..هندامك الخلاني نار قطع شهيقي تنفسي..خليك عبايتك والنضار توبك وقارك البسي..

ابتسمت بس راجعت واتزكرت نهرتو ديك😳😠
بتنهرني ليه وتجوط علي..
رد
ماكنت حاسي انا بالعلي...
انا:بالله دة كلو بدون تحس..
رد..
فيك غيرتي ابدا مابدس..
انا:😓😓😓😓😓
لازم تجي حسي الجامعه يانورس ولو ماجيتي مابقدر اقرا مابقدر اركز مابقدر افطر ..قومي يانورس تعالي عليك الله يانورعيوني يانورسي..
قلت طيب
هو:طيب وعارف قلبك طيب ولو ماطيب مابتلبسي عبايه
اعتبرو حكم يعني
اي اعتبريهو حكم راجلك😠😠😡
ضحكنا وقمت استعديت امشي الجامعه..
يتبععع...