ود بلدي💔

26(END)

نورس تم زواجا لود عم ابوها بدون علم سلطان..
سلطان كل يوم يتصل علي نسيبه ويسال عن نورس..بس نسيبه ماجابت ليهو سيرة عرس نورس.لان ام نورس وابوها قطعوها مع نسيبه بسبب وجود سلطان في بيتا..
نسيبه بتطمن سلطان وتكذب عليهو انو نورس كويسه وانها اتحسنت وانها وانها...

سلطان حاسس بشي ماطبيعي ..بس قال من كترة المشاكل اوهامي كترت..
سلطان مابقدر يتصل علي ام نورس لانها شتمتو اخر مرة ..
سلطان بقا مزعزع البال ومنزوع القلب..
نورس جات الخرطوم مع زوجها عشان يعمل ليها اجراءت السفر معاهو...

سلطان قاعد في الدكان وشكلو اتغير .بقي ظاهر عليهو العيا...
جا عوض ود عمة نورس ووقف وسلم علي زوج خالة سلطان ..وقف وهو قاصد يطاعن سلطان بالكلام

سلطان مااشتغل بوجود عوض ..وكان مشغول بترتيب رفوف الدكان..
عوض:كيفكم اها الاسعار كيف
يرد زوج خالة سلطان:ماشين تمام ماف عوجه..
عوض:ايوا..لاني سافرت البلد وماعارف الحاصل في السوق..كنت في زواج نورس بت خالي...
سلطان وقعت من يدو اكياس واتلفت علي عوض وبهز براسو ماقادر يستوعب الخبر..

وعوض مواصل في الكلام..نورس ادوها لواحد مغترب اصلا ده كان مراد امها ومناها..اتزوجا وحسي جو الخرطوم علي سفر واجراءت ...بتكلم وهو بعاين بطرف عينو لسلطان وبنضف سنونو بسنة عود...

سلطان انتابو شعور اقرب للزوال او النصف الحي والنصف الميت..شعور وكأنو العالم ضاق بيهو في شبر واحد..جسد بلا روح..اتصدم بباب الدكان وطلع وفضل ماااشي لحد ماوصل في فسحة ملانة اوساخ ومياه مجاري(بطبيعة الحال)
وقف والدنيا دايرة حواليهو ..لحقو زوج خالتو.ومسكو من كتوفو وبدا يتكلم معاهو ويهز فيهو...سلطان اثبت الراجل راجل والقوة مابتتهز بالسهوله..اثبت وقول بسم الله ..فوق وشوف وضعك الانت فيهو دة..ماعايز ازيدك نار..بس زمان قلت ليك ماتتعب البت بدوها ود عمها...نزل سلطان جاثيا علي ركبتيه وهو ببكي بانفعال وتحسف...ختا يديهو في راسو وبدا يتلفت جاي وجاي ..وكأنو بفتش في فجوة تصحيهو من حلم..بس كان حقيقه ماحلم..
سلطان لقي نفسو في مستشفي ودرب موصل..صحي وبدا يفوق رويدا رويدا..لكن الحذن بدا من جديد يطفو.. واتاكد انو ماحلمان...رجع يبكي ويسترجع ايامو مع نورس...وبقي يتاسف علي انها الان ملك لزول تاني..
بنود عهدك علي ياروحي ليه اتشطبت...
وليه حبك صبح جوايا زكري اتحسبت...
بعد ماكنتي لسلطان حبيبتو وامو..
نورس زوجه لزول تاني روح واتكتبت...

سلطان طلع علي بيت خالتو ومعاهو عبود..عبود الزمو انو يمشي معاهو البيت عشان يطمن عليهو..
ركبو العربيه ومتجهين علي الحتانه طول الطريق سلطان يتلفت يمين وشمال..

ياريت لو أشوفك في الشوارع ماره..
أوكل عيني في كل الشوارع جوبي
علي استعداد اكوسك في الدول والقارة..
بس أرمق رؤاك واشفي المآسي الجوة..
وجعك يسري زي سم الدوابي الضارة..
ياعيب قدرتي السلبوها يوم شالوكي..
بس كيف أقوي والديك وأنتي اصلك بارة...
ماكان العشم يوم قلتي ماتفوتيني..
أعلن فيك حدادي وبالدموع الحارة...