ود بلدي💔

8

جات امي وقعدت جمبي في السرير..
قالت لي نورس..عارفه عمتك عملت شنو.واناموقفي شنو مع حروم الفريق .دة منو يانورس ..
ياامي انتي واثقه فيني قدر شنو
كتير يابتي..
ياامي عشان رضاك انتي وابوي فيني ربنا اداني سلطان دة هديه..انسان محترم.وهادي..ومصلي.وماحصل شرب سجاير او اي مكيفات تانيه..
يابتي دة طالب مابلحقك.تقعدي ترجيهو لحد مايشتغل ويبني بيت ويتزوجك تكوني قطرك فات.وهنا البت من تفوت 20سنة بتبقي بايرة
ياامي دة زمن تعليم وفهم مازمن قالو وفهمو..
يانورس ابعدي وشوفي قرايتك.نحن دايرين ليك البغير فقرك شويه مش يزيدو
عايزة عماتك واهلك يشمتو فينا ماكفايه السنين العشناها هم ووجع منهم..
نفسي اتسدت بكلام امي.امي معناها ملانه فل من كلام اهلي وانها ممكن ماتقبل بسلطان...
طلعت برة لقيت اخوي الصعب اسمو العاقب.قاعد يصلح في عجلتو..معناها مابقدر اتكلم مع سلطان..
لبست توبي وقلت اطلع اسلم علي رفيقاتي الفي الفريق.والاقي نسيبه صحبتي.واحكي ليها ..
مشيت علي نسيبة..سلمت عليها وقالت لي اتغيرتي وشحمتي بقيتي ناااعمة متل بنات الخرتوم..ضحكنا واتونسنا شويه.
نسيبة..انا جاياك في سر تقدري تساعديني فيه
قولي يانورس..اصلا انا عارفه بداية السر😉
اصلا عمتك الحوامة ديك ماخلتو يبقي سر.عاد يانورس اهل ابوك ديل مايلقو فيكم صغرة.اصلي مابدورم..انتي بت اخوها كيف تحكي بيك كدي..نقول شنو.انتي احلي من بناتا الشكالات ديك ورايقه منهم.مايهمك.كلو حسد وغيرة
رديت..انابس بتهمني امي يانسيبه امي بتتاثر بعمايلم شديد وبتخاف من جورم.
نسيبه:امك مسكينة يانورس وبتحبك
انا:بس ماقدرت تفهمني
نسيبه:كدي احكي لي عن زولك دة
انا:اااااه سلطان والله اشتقت ليهو وراجي تلفوني بس ماف طريقه
نسيبه:اخر مرة اتكلمتي معاه بتين
انا:قبل ساعه كدة وكلمتين وبالخوف قفلت الخط..
نسيبه:ها بت ها..ساعه بس .وحات الله يومين مابكلم سليمان.شغال في الدهب وقت يلقي شبكة يرجع لي صوتو مقطع متل الواقع في مويه..
هههههههه ضحكت وسكت مساافه
ماشفتي سلطان يانسيبه طوييييل واخدراني .وجاهتو بريئة.عيونو حنيييييينه..اقل شي ببكي شدة مابريدني..
نسيبة:هي مالك عايزاني افك سليمان.عاد ماشفتي اخر مرة جا من الدهب شكلو عطشان ليهو سنة مادخل جسمو مويه..
اقعدي هنا واتصلي ليهو وانا امش اجيب قهوتنا ديييك يانورس ياحليلك مشتاقه ليك شديد..
طلعت نسيبة ورجعت لسلطان.قفل رجع لي..
نورس كيفك.انا طالع وداخل راجي تلفونك دة.كيفك وكيف الوضع
انا:سرححححت واتكلمت كويسه ياسلطان.انت كيف..
انا ماتمام عايز اتكلم معاك ناقص يومي كدة دونك..
خلاص ياسلطان باليل بعد اتاكد الجو رايق بخش اوضتي واتكلم معاك.واتونسنا مسافه
جات نسيبه
نسيبه دي بت طيبه وكتومة اسراري..بت وحيدة امهاوابوها.ابوها مع ابوي مزارع.هي خلت المدرسه من تامن..
قلت ليها عندي هدوم سلطان عايزة اغسلم واتورطت كيف اتصرف..
قالت لي بكرة ناس امي وامك عندهم واجب كدي للفريق الغادي..جيبيهم وتعالي نتصرف فيهم..اتفقت معاها وحكيت ليها يلطان جاي لابوي..
مشيت البيت لقيت ابوي ناداني..
يانورس انا زول فاااهم وبتعامل مع اي موضوع بالتأني.بس يانورس ....
قول ياابوي...
يانورس انا داير ليك الخير ..
حاضر ياابوي..
دخلت غرفتي وانا قلبي متخبط بجاي وجاي..
سويت العشا لاخواني وكل شويه اخش الدولاب ارسل رساله والقي رساله.
جهزت ملابس مدارسم.الا اخوي العاقب دة ابا المدرسه وشغال مع ابوي..
فرشت سريري بغادي ورقدت..
لقيت الجو هدأ اتسحبت بررراحه للغرفه .ورجعت لسلطان.بالسماعه عشان الصوت مايظهر.اتونست لحد ماالفجر اذن.صليت الصبح ورقدت..صحيت بجوطة امي بقيتي نوامه خربتك الداخليه..قومي الساعه تمنيه جات ..
نضفت البيت..وغسلت ملابس ابوي..
ورجعت لسلطان.وانا في الغرفه..
سمعت العاقب بنادي من برة.ختيت التلفون تحت المخدة.وبقيت اقصف في اضافري.
جا العاقب داخل الغرفة.
ها بت مالك مخلعه كدي..
مالي😨😏بري بس اتخلعت من عراقيك المكرفس دة..
قومي جيبي لي الحبل الكان في البرندة.عارفك بتطفشي اي شي كنا مرتاحين منك
.لما نضفت لقيتك انت وابوي عاملين البرندة مخزن .امشي شيلو من المخزن..
ها بت ها ماتطفشي الحاجات دي بعيد.ماني فاضي افتشن بجاي وجاي.
ودة كلو والخط فاتح😁😁
سنعت صوت الباب قفل.جريت عاينت انو طلع رجعت لقيت سلطان ميت بالضحك..قلت ليهو دة اصغر مني وحاكمني..قال لي وكيفن يكون راجل لو ماكدة..
اتونست امي جات من الزريبه وقالت ماشه هي وسعاد ام نسيبه لفريق------عشان مناسبه..جيهتها توب وخمار وشبشب.قفلت البيت وشلت شنطة سلطان وجري علي نسيبه وانا ماشه لقيت امي وسعاد جاين ادسيت ورا الشجرة بشنطتي ورجيتم لما كملو اللفه..ودخلت علي نسيبه..ارح ارح يابت نخلص سرعه..جبنا الطشاته.وقعدنا سرعه سرعه غسلناهم نضيييف.اربعه جلاليب.وتلاته عراريق.وبنطلونين بقمصانم..وترينقات بفنايل كورة..
شريناهم في الحوش الورا عملنا حبل جديد عشان لو جا زول داخل..
وقعدت اتونس معاهو..
نورسي..مشتاق ليك بس نعمل شنو..في برنامج اسمو فيس بوك تنشطي نت ونتكلم بيهو انا بجيب ليكي تلفون اشتريتو من صحبي .انا بجي لابوك بعد بكرة عشان حاسافر طوالي.
لميت هدوم سلطان ورجعنا انا ونسيبه بيتنا وقفلتهم في الدولاب..قعدنا نتونس واحكي ليها عن الداخليه..
في المسا اتصل سلطان في تلفون امي وانا بصلي العصر...
الو..كيفك ياخاله معاك سلطان..
اهلين سلطان مرحب
ياخاله ممكن اكلم عمي مبارك.
مبارك يامبارك هاك سلطان..
انا كملت تسبيح وجريت بعباية الصلا تجاه باب الغرفه وفتحت الباب كم سنت واشوف واسمع وخايفه..
ابوي:مرحب ولدي حبابك
سلطان..........📞📞
ابوي:تشرف ياولدي.باكر العصر انا موجود.
رجعت سريري واتغطيت جاتني حمي،،
رقدت مساافه وسامعه نقاش امي مع ابوي..
بدل علي انها ماموافقه...
يتبع...