ود بلدي💔

5

بقي مراقبنا مسؤل الرابطه وبقي عندو غيرة من سلطان...
سلطان بقي بعيد من كل العيون الممكن تعرف البينا.بتصل علي في كل دقيقه..بوريني تفاصيلو وكل يوم بعرفو انو انسان طيب لابعد الحدود وطفل بريئ.بحب يشوفني مبسوطه ومرتاحة..بتصل ويوريني هو متحرك علي العربي متحرك ع السوق هو في المواصلات.هو في بيت خالتو.هو بغسل في ملابسو.او ماشي تمرين للكورة.بحول لي رصيد نواصل باقي المكالمة رسايل..والله انسان محترم لدرجة انو مابغلط كلمة حرام معاي.كل يوم هو معاي اكبر واجمل..
يوم في الجامعه انا وسلطان واقفين جمب المكتبه لانو الامتحانات الاسبوع الجاي..سلطان كليتو قانون وانا اداب.واقفين عشان كان في بوادر مظاهرات.وهو خايف علي وعايز يرجعني الداخليه.جا مسؤل الرابطه ووقف بعيد وبعاين فينا وبدون مايسلم علينا ..لاحظنا ليهو انو طلع تلفونو وبدا يتكلم وهو بنظر لينا نظرات حقد ووعيد..سلطان قال لي ارح سرعه من هنا انا فهمت انو في شي ماطبيعي .مشينا علي خط المواصلات مشي سلطان علي الكفتريا اشتري لي اكل وبارد.وركبني المواصلات.وقال لي مسكلي لي لما تخشي الداخليه..وانا في المواصلات جاني رصيد بعشرة جنيه.عرفتو دة سلطان .وصلت الداخليه وكانت الداخليه الجديدة نفس وضع القديمة مستويات وبنات طيوبات وبنات منعزلات وبنات شكلجيات..مشيت علي سريري وقعدت افكر في المصير الحيحصل.ومااطمنت للمسؤل من الرابطه واسمو كان محمد.قعدت افكر وخايفه من كلام النشرات.فكرت اني اصارح امي.امي اصلا صحبتي.بس خايفاها ماتتقبل.قطع فكري اتصال من سلطان رديت قالي فكي صرة وشك وقومي اكلي اول شي.سلطان انا نفسي مسدودة.يابت معاك راجل ماتخافي.قووومي اتغدي😠حاضر سلطان.ومسكلي لي لما تخلصي الاكل كلو وتحلي .حاضر.قفلت ومشيت غيرت ملابسي وجيت اكلت ومسكلت لسلطان رجع لي .قال لي انا حاعمل شي وربنا معاي.ابوك اديني رقمو يانورس .😓😨😨سلطان دة شنو البتقولو..اي يانورس انا بوقف كل شي في حدو..ياسلطان ابوي مابشيل تلفون في يدو امي العندها تلفون ربيكا.قال لي ابوك بكون موجود الساعه كم في.البيت وريتو.قال لي لو بتحبيني وباقيه علي اديني الرقم وانتظري..
مليتو الرقم........012
قفلت منو وبقيت ماشه وجايه وماحاسه بي نفسي ونسة البنات وزحمة الغرفه بقت لي زي السوق..ورجع لي سلطان نفس الوقت قال نورس.قلت نعم قال نووومي عارفك مقلقه..حاضر سلطان..
صحيت علي صوت تلفوني ولقيتو سلطان قومي لو نايمة المغرب قرب. .وادعي لي اتوفق..

بجانب هناك في بيتنا..
ابوي قاعد في الحوش مع اخواني وبتحضر لصلاة المغرب جات امي ..
يامبارك قبيل عوض اتصل ولقاك ماف قال برجع ليك..عوض الهو ود عمتي..
ابوي طلع صلي وجا راجع قعد يشرب شاي المغرب .جا اتصال في تلفون امي من رقم ردت امي..
السلام عليكم امي..
عليكم السلام منو معاي
معاك سلطان ياامي..
ماعرفتك منو?
انا من القريه ال.....تبعد عن قريتنا بمسافة ساعه ونص..
ممكن اكلم الحاج مبارك
امي ادت التفون لابوي وبعد السلام
سلطان:ممكن ياحاج تديني من وقتك
ابوي:اتفضل ياولدي
سلطان :بعد تردد وخوف ويقين وتوكل عل الله.
ياحاج مبارك.والله انا عايزك لموضوع المفروض يكون بالمواجهه بس الظروف والجامعه.انا ياحاج بجيك دغري وعايز رضاك ورضا الله.انت ربيت صح ياحاج والله وعايزك تكون لي اب ووالد وممنون ليك انك سمعتني..انا طالب يد بتك نورس.حتسالني عرفتها كيف وشفتها كيف.بس انا حاجيك بالباب في اقرب اجازة
انا طالب بدرس ..بس حاعمل المستحيل وونفذ مطالبك.نورس بت طالبه ممتازة وماحالقي زيها.
ابوي.:ياولدي ماعرفتني عليك مين ومن وين
سلطان:وهو متوتر ومشي مسافه لحد ماطلع علي فسحة فاضية .بتوتر.انا سلطان محمود الجعفري.من قرية----بدرس قانون_____امكن بتعرف عائلتي من الاسم
ابوي:ايوة سامع بيهم
سلطان:معليش ياحاج انا جيتك بطريقة بتطلب مؤهلاتي .ايوة انا طالب بس باذن الله ارضيك بكل وسعي ..
ابوي :ياولدي الله كريم بس ....
سلطان:ياحاج ليك الحق في كل مايقال.بس اسال عننا وبراحتك .واول يوم من الاجازة حاجيك ان شاءالله.
وقفلو علي السلام والوعود..
يتبع....