ود بلدي💔

15

عواطف :في القريه الفلانيه في شيخ بعالج بالمحايات نمش نحكي ليهو الحاصل وبحل ليك موضوع نورس دة تب..بس خلي العيد يخلص ونلقي فرصه وناجر عربيه ونمش
ام نورس:تكوني خدمتيني لو الامر دة تم ياعواطف..

العيد قرب ..وسلطان جهز حالو للسفر ..
يانورس اجيب ليكي شنو معاي غير العبايه الاشتريتا بطقمها..
سلطان مليتني عبايات..كفايه عايزة سلامتك بس.
يانورس انا بمشي علي سوق بحري اشتري لنفسي ولاخواني حاجات بسيطة وبرجع ليك..

نورس ونسيبه شغالين نضافه للعيد وخبيز ..
امها جات وقالت ليها هاك دي قروش ابوك قال نمش علي السوق وناخد لاخوانك حاجات العيد
نورس:يمة انا مادايرة اي شي اشتري لاخواني الصغار وخلاص..
يانورس انتي اتغيرتي كتير..زمان كنتي تستعجلي زي الاطفال لملابس العيد مالك تاني
نسيبه غمزت لنورس وشالت القروش من ام نورس وقالت انا بمش معاها ياخالتي انا زاتي عايزه اشتري..
ام نورس مشت ...نسيبه شاكلت نورس..اها يانورس لما سلطان يجيب ليكي هداياك حتقولي شنو..
نورس:ماحألبسن ماعندي نفس لاي شي..
نسيبه:يانورس زول عندو سلطان ونفسو مسدودة..
سلطان مشي السوق مع صحبو وهم بتونسو..صحبو اسمو عبود من اولاد المتمه شغال في سوق  ام درمان عندو دكان كريمات وعطور مستقل..
عبود:لازم بعد العيد اتزوج لاني تعبت من عيشة العذابه وغسيل ومكوة وسوق..
سلطان:الله يتم ليك مرادك ويهنيك بحبيبتك
عبود:ماعندي اي حبيبيه بس عاوز لي بت حلال ماعندها مشاكل وطيبه ومؤدبه.
سلطان:بس بس طلبك عندي والله واكتر مما تتصور..
عبود:قبل تقول هي منو انا موافق..ثقه ياصاحبي ..البجي من طرفك كلو اصيل..
سلطان:اسمها نسيبة صحبة نورس حبيبتي..ماحاعرف اوصف ليك البت دي شنو ..الكمال لله.ادب وحشمة ومصونة.وكاتمة اسراري انا ونورس..نص مشاكلي انا ونورس علي رقبتا ..
عبود:يازول انا معيد معاك في البلد .اهلي يلحقوني هناك..
سلطان:ابشر والله ابشر..
اتصل علي سلطان وقال عايز نسيبه سريع..
كنت انا ونسيبه شغالين مكوة وستاير وزحمة..اديتو نسيبة.
سلطان:العيد جاك آآآنسيبه
نسيبة:ها سلطان حتي باقي المخ الفي ابت تخلي نورس
سلطان:قطرك صفر آآآنسيبه
نسيبة:😨😨😨في شنو ياود نورس..
سلطان:جاك عريس من طرف سلطان مجيه تب
نسيبه:طلعت بنعلاتا في فرشة المكوة..أحلف ياسلطان😁😁😓😓😨قول الجد ..اصلو الارنبة نامت في الحفرة..(قصدها سليمان البتعرفو الكان في الدهب)
سلطان:حفرة شنو يانسيبه?
نسيبه:لالا ماف شي..😉
سلطان:جاين باكر البلد وبنلقاكي قبال نمش فريقنا وبنفهمك كل شي..

نسيبه ونورس بقن يتراقصن ويغنن بالفرح . سلطان جاب العيد..سلطان جاب العيد..

نسيبه..اديني عبايه حلوة يانورس وجزمة باكر الله يجعل الفيها الخير..

تاني يوم الضهر وكان 27رمضان ..نورس قاعدة مع نسيبه في بيتا ..اتصل عليها سلطان انو وصل المحطة واتفقو يتقابلو كيف من بعيد لبعيد..
طلعت نورس مع نسيبه بعد كلمو ناس البيت انهم ماشين السوق لحاجات بسيطة...
غمزة نسيبه  لنورس جات لصالح نسيبه ونورس..
دخلو السوق ..ودخلو في بوتيك كبييير ووقفو كل الزباين ملخوومة بالعيد واتاكدو من انو ماف زول فيهم بعرفم..
جاهم سلطان وصاحبو عبود..وقف سلطان جم نورس .وكان مناهو وقدرتو يخطفا ومايرجع بيها...

سلطان::
آآآه يالشوق البشتن قلبي وعقلي الودر...
واااهين يالمر الفي جواي انزاح بشوفة السكر..
خليني اقيف هنا لي باكر..
بتراب واطاتك اتنكر..
خليتي الدم في وريدي يسيل
نيرانك تحمي وتتقطر..
ياروقة طفت جواي اوجاع
في بعدك جوايا معكر..

نورس:
ياسيد وسيد كل الدوكر...
ابدا من حبك مابفتر..
مش لو الفو فيك كلام
وزادوهو خبر..
انا ياني وراك شقيق ماتفوت
ببراك ياغالي أتر بأتر..
يكفيك ياحب جواي ثقة..
ماهم العالم ابدا فيك
ان كيف ماسوي ان كيف ماضر..
هاك المنديل قشقش ياغالي الحر الحر!!!

نورس ارجعي سرعه البيت عشان الحر والناس وعيونم..
وخايف عليك
وبهناك عبود ونسيبه خجلانين ويتخاطفو النظرات..بجاي وجاي..وشكلهم سلكو..
اداني سلطان هدايه لي ولنسيبه رجعنا سرعه انا ونسيبه

ااااخ خليتا وراي روحي سلطان..
وصلنا البيت وعطشانين ومسخنين..كل وحدة رقدت في سريرة سرحانه في وش التانيه ..وسوا فكينا الضحكة...

يوم العيد..سلطان  رجع من الصلاه وعيد علي واتونس معاي وقال لي عبود اهلو بجو علينا بعد بكرة يخطبو نسيبه
سرعه نسيبه خطفت قلب عبود.لانها تستاهل كل الخير...
نسيبه كلمت امها وفهمتها انو لاقتو في السوق...
وبدينا انا ونسيبه نجهز لبعد باكر بكل طاقتنا.
.
يتبع...