ود بلدي💔

12

بقيت بصبح بسلطان بمسي بسلطان.نتناقش ونهظر ونضحك..

خليت تلفوني في الدولاب وبقيت اغسل في الملابس وجات خالتي مقيله معانا بااطفالا..واتزحمت بالخدمة والونسه.دخلت الغرفه فتحت الدولاب لقيت سلطان قالب التلفون..اتصل
الو سلطان
ايوة يانورس😔
كيفك
كويس يانورس😔
سلطان مالك مسيخ كدة

مالي😔
خلاص مع السلامة ياسلطان
طيب تمام يانورس..
..
رجع لي نفس الوقت
رديت الو الو
الخط فاتح وسلطان ساكت
سلطان في شنو ماتقلق بي
سمعت صوتو ببحه حنييينة ببكي
سلطااااان😨😨😨
سلطان حبيبي في شنو..
رد علي سلطان.
وبقيت ابكي معاهو
بعد طلاع روح سلطان رد وقال انتي مطنشاني اليلا ليه مالك يانورس..

سلطان😠وقعت قلبي دة كلام ليك تقولو.انا كنت عندي غسيل وضيوف

الضيوف اهم مني يانورس عرفنا الغسيل?

سلطان حبيبي والله ماناسياك بس خلاص ماحاكررا..
خلاص اوكي يانورس انا ماشي التمرين وبرجع ليكي عاوزك في موضوع مهم..
حاضر حبيبي سلام..
سلام..

بجانب عوض في السوق..
جاهو خبر مجيئ سلطان لابوي واتفاقو..وكل التفاصيل اول باول البين ابوي وعمتي..

عوض:ان ماوريتك ياسلطان ماابقي عوض .حرم ماتمسك يدها ياسلطان.تقوي خالي وبتو علينا عشانك ياالفقران..
طلع تلفونو واتصل علي زول .ودار الحوار الاتي..
الو..معاك عوض عايزك في مهمه ضروريه..تعال لي في سوق ام درمان جمب.....وبنتفاهم..
عوض قابل الزول واتفق معاهو علي شي ودفع ليهو قروش..انو عايز يخرب سمعة سلطان بين اهلو..
....
سلطان رجع لنورس وطلب منها تفتح الفيس(نورس مابتخش الفيس الا سلطان يطلب منها تخش..تخش معاهو وتطلع معاهو..)
قال ليها في صور افتحيها ..
فتحتا نورس واتفاجئت بيهم اربعه سراير من التك الاصلي..
دة شنو ياسلطان..😱😱😍😍
ده ليك يالغاليه..ولسه قدامنا تلاته سنه اجهز اكتر واكتر..ولو تميت جهاز قبل السنين دي بتزوجك ونواصل دراسه..
سلطان..بس قروشم كيف..
ساااهله يابت ..عرفت انو في واحد اتنقل لولايه لظروف الشغل.وقال عايز يبيعم بالكسر..مشيت شفتهم لقيتم بيستاهلو ..شلت سلفيه من صحبي عبود..لو طلبت سلفيه  من زوج خالتي.حيديني قروش وماحيشيلا لما ارجعا..
اتبسطت شديد..وقلت
حبه حبه وماتشيل الهم بعاتقك...
مافي ايدي حيله اشيل واساعدك..
ربي يديك من نعيمو..
الله بالخيرات مواعدك...

...
سلطان رجع الدكان ووقف شغال ولاحظ انو في شخص من بعيد.وشو ملفوف بشال اسود مراقبو..
قال يمكن بتخيل لي ..لكن كل مرة عينو تقع عليهو.الشخص يتلفت ويعمل نفسو مشغول في شي...
الساعة اتناشر باليل جات وسلطان بتكلم معاي وكانو بقفلو الدكان وبلملو الحاجات..
وصل البيت واتصل علي يوعدني بالاجمل والاجمل ويخطط لمستقبلو.وانو ماحيخلي شي ناقص..سلطان هميم شديد.لدرجة انو بحسب كل شي بوقت وبعملو..قلت ليهو سلطان انا مامستعجله علي شي اصبر وماتخش في ديون واقصاد وهموم.شويه شويه اعمل العايزو.ماكفايه كل يومين محول لي رصيد لحد مابقيت بطه باكل الشوكلاته...
قال لي لو دايرة روحي فداك يانورس.
نورس انتي غيرتي حياتي واسعدتيني وخليتني اكون فرحان وسعيد وعندي هدف..انا في الدكان بحاسب الزباين وبالي معاك..متين القي منك مسكول وارجع ليك واتونس معاكي..نورس حبيبيتي بتحبيني قدر شنو..
كتيييير ياسلطان .لو بتقدر تحسب خلوق الدنيا دي حبي اكبر منهم..
سلطان شااال نفس طوييييل وقال وانا لو زول حاول يقول نورس بس بقطع لسانو..
نورس..
ايوة سلطان..
حزراك وثم حزراك تطلعي من غير اذني
حزاراك تطلعي الحوش وفي ضيوف مع ابوك
اوعك تسوي ليهم قهوتك الحلوة ديك يسمهم غيري البشربوها..
....
😍😍😍😍😍😍
قفلنا ونمنا..
الصباح...سلطان وزوج خالتو مشو علي سوق ام درمان.فتحو الدكان لقو الدكان جايط ومسروق..اتصلو ل999جات وحققت الموقف.لقو ماف فتحه ولاكسرة ممكن يخش بيها حرامي الدكان..
والدكان مقفل باقفالو زي ماكان طيب الحصل شنو ياالله?
اتصل سلطان وحكا لي الموقف انو في شي ماتمام ..
الشرطة مااتقصت في الموضوع كتير .وادلت بانو بكون شخص معاكم في الدكان..وماف غير سلطان وزوج خالتو والمفاتيح معاهم..
كل السوق بقي يتكلم بانو سلطان العمل كدة..لانو عايز يتزوج باي طريقه..
بقت الاقاويل تصل سلطان بجاي وجاي ..ووصلت فريق نورس.بوساطة عمتا وبناتا...
والكلام وصل لام نورس كالصاعقه.وانفجرت في نورس..
دة القلتيهو عندوة قرة صلاه .امشي شوفيه سرق الاعانو عشان يكون نفسو..
وبقت امي مابتتكلم معاي نهائي وابوي اتصل علي سلطان وقال ليهو خير ياسلطان الكلام السمعتو ان شاءالله يكون اشاعه وماتخيب ظني فيك..
سلطان:ياعمي والله مظلوم..
ابوي:ياولدي لو انت مظلوم.ردد حسبي الله ولو في شي حاصل مابتحمل اشوف بتي عايشه في الحرام..نورس كل يوم بتطمني انك قعد تجهز وعملت وسويت..بس ياولدي انا خلاص مابديك رجا مني...الله يديك بت الحلال ويهديك..
سلطان جاهو الكلام زي الشلل الساري في كل اعضاءالجسم..لقي الدنيا كلها قفلت في وشو.
متهم بسرقه..ونورس حتضيع منو..
مين العمل كدة ومستفيد بشنو..
سلطان اتصل لنورس لقاها بتبكي..
يانورس انا ماكدة والله.والجبتو ده كلو بحلالي وتعبي..صدقيني يانورس انا نضيف وبريئ.
سلطان انت مجنون..انا ممكن مااثق في روحي واثق فيك..سلطان انت روحي التانيه انا فاهماك اكتر من نفسك..
نورس انتي بتقولي كدة عشان تطمنيني وتمشيني لحد ماتنسيني وتخليني صح وبدا يبكي بس المرة  دي بكا بنحيب وحرقه .بكا خلا سلطان يبكي بقولة اااه ياالله اااه ياامي...ااه يانورس..نورس انا تعبان انا عايز اموت يانورس..
سلطان ماتعمل كدة في روحك حرام عليك.والله مصدقاك وواثقه فيك انت اطهر وانقي ومستحيل اخليك..روق ياسلطان وادعي ربنا ينصرك..دة ماحل انك تبكي وتضيع حقك بالسكات.شوف مصدر الموضوع دة وين
يانورس الا يكون الدكان مسكون..نحن قفلناه وجينا فتحنا نفس القفل ..ماف كسرة ولا فتحه في الدكان .طيب كيف..
....يتبع