ود بلدي💔

14

سلطان وزوج خالتو رجعو البيت بعد ماتم حجز المتهم.واستدعاء عوض..

بجانب نورس..
نورس بقت تطلع وتعمل خدمة البيت وترجع الغرفه..وكل ماتلقي في حريم مع امها في البيت بتضايق وبتخليهم تخش الغرفه.وكانت معاهم نسيبه..بقت معاملة امها ليها صعبه..
وامها خلاص اصر عليها تبعد عنو..
سلطان حكا ليها انو عوض هو السبب في المشكله دي..
ياسلطان نعمل شنو مع عوض كل مانقفل مشكله يفتح باب مشكله تانيه..هو بهناك وامو واخواتو بجاي..
يانورس ماعليك بكل شي بس خليك جوة البيت ومع نسيبه واي كلام يجيك استقبليهو ببرود..
نورس شالت تلفونا من امها بحجة انو ترجعو لسلطان..وبقت تتكلم بس وقت النوم او في بيت نسيبه..

بوادر القضيه بقت كلها علي عاتق عوض بتهمة التحريض واشانة السمعه..واتحبس عوض..واخد جزاهو..
وصل الكلام لام عوض انو محبوس بسبب سلطان..
العمة وصلت بيت اخوها مبارك بكواريك وسكليب..
وهي في طول الطريق لحد ماوصلت بيت اخوها:
وووووووب علي يا ود امي ..الربيتك بايدي وزوجت ليك بشقاي..اليلا عوض راح فيها بسببك وسبب بتك.(وكل الفريق طلع يسمع في العمه)
دخلت البيت ووقعت في الارض تشيل التراب وتكبو في توبا وراسا:
اليلا ووووب علي ياولدي اليلا وووب علي ياناس الحقو عوض راح فيها . ..وتوصف وتمنح وتصفق بأيدا فوق للسما
نورس جات مارقه من الغرفه مزهوله.لقت كل البيت ملان بالفريق حريم ورجال..
وقفت وختت ايديها في وشها😱

العمه:قامت واشرت علي نورس...كل منك يانورس ..زولك الغريب رقد ولدي في الحراسه بسببك...زولك الحرامي عايز من ولدي شنو..ولا عايز يلهي الناس منو بولدي..هوووي يانورس ماعندنا بت عملت عمايلك دي..دي اخرة قندفتك ومشيك الخرتوم..😵😵😵😵😵

كل الناس واقفه تسمع ..ام نورس جرت نورس وبقت تكفت فيها يمين وشمال ودفرتا علي الغرفه وسدت الباب...وجرت علي العمه...
دة كلام شنو ياام عوض نورس شن دخلا بحبس عوض.ولشنو عوض اتحبس..
وكل الواقفين بقو يتكلمو اتنين اتنين بالهمس واللمز (ويل لكل همزة لمزة)
جا ابو نورس جاري ومعاهو العاقب وراهو..

في شنو ياناس جوة بيتي الحاصل شنو..وهو مخلوع وجاري ومتعتر برجلو الشمال..عندو قضروف..

ابو نورس فهم الحاصل وقعد في طرف العنقريب..وقال لام عوض اقعدي اقعدي واهدي ..وكل الناس بدت تمشي وكل واحد مصور في مخيلتو حاجه غلط..
بعد مناقشات مع ابو نورس وعمة نورس..
ابو نورس قرر انو نورس ماتمش الجامعه تاني..
ودة كان نجاح لمخطط عوض وامو..لانو اخوات عوض ماقاريات...
نورس جاها الامر احر من الجمر..وامها أيدت الموضوع بقبول شديد..

نورس:سلطان انا اتمنعت من الجامعه خلاص..
سلطان:كلام شنو يانورس 😠
دة قرار ابوي  وامي ياسلطان
نورس لالالالالالالا مابخليهم انا وماتساليني عايز اعمل شنو خليها علي الله..لو بريح امك وابوك انا بسافر بخلي البلد دي وتواصلي انتي قرايتك بس والله مابخليك تقعدي بسببي..
مابسببك ياسلطان بسبب عوض وامو وحقدهم..

جا شهر رمضان ونورس كئيبه وفاضل للجامعه شهر وتفتح ..تفتح بعد العيد باسبوع..
نورس:يانسيبه الحاصل لي دة شنو انا وسلطان تعبنا ولسه مابدينا حياتنا..
نسيبه:الله ينتقم من الكان السبب ..انا حاساعدك شديد يانورس وماحاخليكي كدة اتصلي لي علي سلطان واديني ليهو..
📲📲📲📲📲📲
نورس روحي 😭😭😭
نسيبه:ها ولد قول يالطيف..انا نسيبه..
سلطان:😖حبابك نسيبه نورس مالا ..امها ضربتا تاني ..ابوها اتكلم معاها. في شنو???
سلطان ابرد ابرد نورس بتقول عنك سيد الرجال..نورس نصييييحه ياها دي قاعدة جمبي..انا عايزة اساعدك لله انا بقنع ابو نورس وامها برجوعا الجامعه..

تكوني يانسيبه رديتي لي روحي المعذبه واكون ممنون ليك طول عمري..
طيب بس اصبر شويه ياسلطان..
..
كل يوم سلطان ونورس بتعذبو اكتر بالمضايقات من ام نورس وابوها..

نسيبه بجانبا اغنعت ابوها يكون واسطة خير وفهمتو انو في خساسه من عمتا وبناتا في الموضوع..
ابو نسيبه اتجه لمبارك ابو نورس:

ابو نسيبه:جيتك يامبارك لخير.ارح نصلي التراويح ونجي نقعد في بيتي عازمك قهوة

رجعو بعد الصلاة للبيت ونسيبه داخله ومارقه تدعي وتفرك ايديها ببعض ..يارب تريح قلب نورس وسلطان..وتلين راس عم مبارك وخالتي..

ابو نسيبه:يامبارك ارجوك لاتقاطعني ولا تصدني برفض انت زول صديقي ومابثق الا فيك اكلنا واتربينا سوا زرعنا سوا وعارفين حال بعض..ليه يامبارك تخلي اختك وولدا زي السوس ينخرو في حياتك..ديل بعد احترامي ليك مادايرين ليك الخير والله..لو دايرين الخير مابخلوكم فرجه للفريق كل يوم..نورس زنبها شنو من عمايل عوض ..انت ان مامقتنع ببراءة الولد واديتو كلمة رفض ..القرايه دخلها شنو..نورس شاطرة وطموحه ماتدمرا شان ترضي حقد اختك ..نورس يامبارك لازم ترجع الجامعه.
مبارك دنقر في الارض وقال:لكن شن اسوي يااخوي انا تعبت من قوالات الفريق

ابو نسيبه:انا وانت وكل زول بخاف الله عارف الحقيقه وين..الحقيقه انو ام عوض سبب كل شي ولازم كل شي يتصلح..

وافق ابو نورس برجوع نورس الجامعه .بس اصر انو مايرجع من كلمتو تجاه سلطان..لانو كل المعلومات جاتو غلط..ونورس مستحيه انها تدافع عن سلطان امام ابوها ...

جرت نسيبه علي بيت نورس ودخلت وحضنت نورس وقعدو يبكو الاتنين ..فرحت نورس وسرعه اتصلت علي سلطان وفرحتو..

سلطان:الله اكبر يانورس .الله الحق يانورس..ماف زول حيقدر يفرقنا...اديني نسيبه سريع...يانسيبه ..انتي نعم الصديقه وربنا يكتر امثالك ..
سلطان رسل رصيد لنورس وقال ليها بيعيه واشتري هديه العيد لنسيبة هدية معتبرة...

ام نورس:اسوي شنو انا اعمل شنو يا عواطف بتي دي لازم اطلعا من الولد دة...الولد دة ملا ليها راسا و ماعايزة تخليهو ..بعد السمعتو عنو لسه متمسكه بيهو..
عواطف:بتك غشيمة كان مالا ومال واحد حرامي .دي زاتا سمعه ليكم..
ام نورس: ولازم تقرا لانها شاطرة بس لازم اخليها تنسا سلطان السجم دة من راسا..
عواطف:بخدمك انا فيها واخليها تنسي سلطان ومجايبو...
يتبع...