ود بلدي💔

20

ام نورس كل يوم بقت تعمل عصير للبيت كلو بس كباية نورس مختلفه. ....🐲🐾🐾🍸🍺لحد اخر ورقه وقالت ليهم العصير كمل ..وبجيكم سكري كفاكم..😠😠

سلطان سافر مع صحبو عبود طوالي بعد العقد واتفق مع نورس انو يلاقيها في البص في الخرطوم....

نورس طلعت تودع الفرريق عشان صابح هي مسافره للجامعه...وكل ماتخش بيت تودعم يقولو ليها كلام جارح عن سلطان وانو كان في العقد وووو..
نورس بطبيعتا استحملت وقالت: كل شاة معلقه من عرقوبها مخيرين هم مع ربهم..يقولو ويألفو والله وحده اعلم بخفايا القلوب...
نورس دخلت بيت عمتا ولقت عمتا قالت ليها:اها ياعمة اديني رضاك باكر ماشه الخرطوم...وسلمت عليها بالحضن..وبقت تتلفت وتفتش بنات عمتا ...وين بناتك ياعمتي عشان اودعم...واثناء ماهي بتسال ..صوت باب الغرفه ضرب شديد بصوت القفله..اتلفتت نورس عاينت تجاه الغرفه ولقت الباب في زول بسدو من جوة..عرفت ديل بنات عمتا ماعايزين يقابلوها..سكتت نورس ودنقرت  والعبرة خانقاهاوقالت:اها ياعمتي😖ودعتك الله والعفو والعافيه وربنا يطول عمرك يخليك لينا..
العمة حست بضيق من تصرف بناتا..قالت اقيفي يانورس..ودخلت جوة وجات شايله قروش في يدها...هاك دي يانورس اتصرفي بيها في الداخليه..ولايهمك ديل بنات قليلات ادب..
نورس:ياعمة عشان خاطرك كلو يههون..تسلمي ياعمة..وشكرا ليك...وودعتا وفاتت..
قضت نورس ليلتا بين نسيبه وبيتم..
نسيبه جات باتت مع نورس والصباح مشت معاها المحطة ودعتا واتفقو انهم حيجتمعو هناك..

نورس سافرت الخرطوم...وبهناك سلطان منتظرا ع احر من الجمر..مشي السوق اشتري ليها هديه ..وكان شايل معاهو مواد غذائيه من السوق عشان تشيلا نورس للداخليه...

وصلت نورس الخرطوم ولاقت سلطان وركبو امجاد ماشين علي الداخليه..نورس اتونست مع سلطان واتكلمو في تجهيزات عرس نسيبه وعبود...لحد الان نورس كويسه مع سلطان ومابدأ مفعول السحر جواها...

وصلت نورس الداخليه ورتبت حالا وجهزت للجامعه..وكل يوم تمش الجامعه وتجي ..

بعد اسبوع نورس بدت تحس باعراض بتجيها وجع بطن واستفراغ..ووجع معدة..نورس بقت تزهج كتير وتسرح كتير ومكتئبة ومابتاكل...بقت تغيب من الجامعه يوم وتمش يوم...

وصلت نسيبه الخرطوم مع عبود واستقرت في بيتا في الحتانه ام درمان...
نورس متواصله بالتلفون مع نسيبه واتفقت انو تمش ليها يوم الجمعه...

سلطان بقي حاسس بتغير نورس وبقي مهموم..اتصل سلطان ع نورس..

سلطان:الو نورس مالك ماجيتي الجامعه حسي الساعه تسعه ومحاضرتك الاولي فاتت..
نورس:تعبانه شويه وصحيت متاخرة ..
سلطان:نورس مالك انتي حاسه بشنو لو عيانه اجيك نمش نفحص..
نورس:لالا بس صداع وراح
سلطان:خلاص تعالي الجامعه
نورس:قلت ليك تعباااانه مابقدر أجي😠
سلطان:نورس ليه صوتك علا علي
نورس:اسمع ياسلطان انا ماعليت صوتي..وانا تعبانه المفروض تحس بي وتقفل ..طيب انا بريحك اها وتوت توت توت قفلت الخط...

نورس بدت تمسح جبهتا باطراف اصابعا ورمت التلفون في السرير بقت تتصبب عرق ومخنوقه...
نورس:أوف اوف اوف مخنوقه انا وسلطان عايز يخنقني بتصرفاتو..ليه وليه وتعالي وووو..
سلطان يتصل 📲📲📲📲📲📲📲ونورس ترفض لحد ماقفلت التلفون ورقدت ناااااامت ..صحت العصر وقالت:يابنات الضهر اذن..
ردت وحدة :يابت العصر اذن وفات وقتو..قومي حصلي صلي
نورس:😨ااااخ جسمي كلو واجعني .رجعت نورس رقدت واتزكرت تلفونا مقفول.فتحت نورس تلفونا طوااالي سلطان📲📲📲📲📲📲ردت نورس وبصوت متعب:الو سلطان
سلطان:نوووووررررس😵😵تلفونك مقفول وانا قافله معاي...لانافع فيني شراب قهوة ولاحتي الشاي...اطلع بهناك ادخل بجاي...قلقان ياحبي عليك انا... فاقدك وموجوع في الكون دة براي...الروح في بعدك   مطموسه والقلب يفرفر زي الياااي ...ااه يانورس من شوقك..البهدل زاتي انا منك اأأأأي😡😡...
نورس:
سلطان اقفل ماعندي نفس...
عيانه انا كيفن ماتحس...
انا اقفل باب قلبي المخنوق
وانت تدق في الباب وتلز...
خليني اروق الحمي النار..
والرجفه تقطع فيني تهز...

سلطان:
سلامتك روحي بعيد الشر...
الله يشفيك من كل ضرر...
ياريت لو جاني وتسلمي انتي..
بتحمل شانك وبتكفر...
بقفل وبعدين اديني رساله تطمني.
من خوفي عليك شان اتحرر...
توت توت توت نورس قفلت الخط...

سلطان زح التلفون وعاين لقي الخط قفل..خت يديهو في راسو وهو بفكر وقلقان ع نورس. اتصل عليهو عبود...
عبود:كيفك صحبي ان شاءالله تمام
سلطان:الحمدلله 😢😢
عبود:اها الجمعه فاطر عندي ولاكيف😉😉
سلطان:ان شاءالله ان شاءالله
عبود:اها نعمل صينيتين ولاصينيه وحدة😉😉
سلطان:يازول مرتك بتخجل امكن ...البريحك وبريح نسيبه..
عبود:😉😉اهاااا يعني نورس ونسيبه نخليهم ع راحتم بالله كدة اضاني في اضانك عايز تفطر معاي براااي ?
سلطان:نورس?نورس كيف يعني..نورس جاياكم الجمعه..?
عبود:ياسلطان ماتسيب الاستهبال والتخجل ياخ اطلب عادي عادي انا صديقك..
سلطان:😥😥😥طيب طيب ان شاء الله ياعبود...وقفل الخط...
سلطان طلع طوالي ومشي السوق ..ووقف في الدكان مشغوووول الافكار يقولو ليهو ملح يجيب سكر يدوهو خمسه  يرجع عشرين..زوج خالتو لاحظ ليهو وقال ليهو:سلطان قول بسم الله مامن عوايدك تبقي ملخبط كدي روق روق ...
سلطان بدا يرجف وطلع قعد تحت شجرة وطلع تلفونو  ع اعتقاد انو يلقي مكالمة من نورس او رساله توريهو انها ماشه لنسيبه...
اتصل سلطان بنورس وبعد تلات مرات نورس فتحت الخط.....
نورس:ايوة سلطان
سلطان:كككيفك بقيتي كيف...
نورس:كويسه
سلطان:نورس في شنو
نورس:زهجانه بس
سلطان:من شنو مني انا?
نورس:بعد مساااافه...لا
سلطان:ماوريتيني ماشه لنسيبه!!!
نورس:اي ماشه الجمعه
سلطان:اتنفض وبصوت عالي لشنو ماتوريني يانورس اخر من يعلم انا...
نورس: مامن حقك تجوط فيني وانا امشي محل مادايرة مامن اختصاصك..
سلطان:بصوت خفي حزين...نورس مالك في شنو روحي..روحي مالك ياخ انا عملت ليك شنو ..قبل شويه كوركتي فيني وماسألتك..وحسي مامتحمله كلامي معاك..
نورس:ياخ سلطان روحي شنو..ياخ طلعت روحي ..اقفل خليني ارتاح انا ..انا متضايقه من صوتك دة توت توووووت

وقلب سلطان اتسحب وكانو سحبوهو بحقنة..قام سلطان وضرب الشجرة برجلو لحد ما رجلو اتجرحت..

نورس بدت تبكي بصوت مخنوق وطلعت مشت قعدت في حوش الداخليه...

يتبع...