ود بلدي💔

24

هدئت نورس ونامت وسلطان قاعد متحير وايديه ساندة وجهو ..ونسيبه بدت تجهز عشان يمشو للمركز..وعبود جاي في السكه..

سلطان:قام طلع وقعد في مصطبة في الشارع ومدنقر راسو قريب للارض..وبتكلم مع نفسو..(انا بكرة بسافر اي مكان واشتغل واجهز حالي وابقي قدر كلامي ليك يانورس..بس كيف انتي تديني خاطرك وتبقي كويسه...جا عبود وضرب بوري كم مرة لسلطان ..سلطان رفع راسو وعاين لعبود..عبود نزل وفتح باب العربيه وبقي يأشر لسلطان (في شنو)وهو مستعجل في خطوات مشيهو..
سلطان قام :انا ماعارف ياعبود الحاصل شنو نورس تاني عايزاني اضربا بتصرفاتا ..نورس مدت يدها علي وقالت لي بكرهك وصرخت لحد مااغمي عليها...
عبود:طلع تلفونو واتصل علي زول وسالو من اي مركز للتداوي بالقران..
الزول التبع عبود وصف ليهو مكان وقال ليهو يمشي حسي وانو حيكلم ليهو المسؤل من المركز..
دخلو عبود وسلطان وكانت نورس في حالة نوم متعب ومقطع..اتكلمو معاها وفهموها انو لازم يمشو عشان تتعالج ..نورس مامجمعه كل كلمة بتجيها بس قامت عشان تمشي وطلعت قدامهم ومشت علي العربيه واتكت براسا ويديها علي العربيه وبدت تترنح كأنها متضايقه من شي..لحقتا نسيبه وقالت:نورس قولي بسم الله اقعدي ارتاحي وفتحت ليها باب العربيه وركبو ومشو وفي الطريق نورس تتكلم:انا عايزة امشي لابوي وامي لو بتحبو لي الشفا خلوني اصل امي وانا ببقي كويسه..

ملحوظه...
(((أعلم رحمك الله أنك أنت الأقوى بإذن الله تعالي من كل شيطان معتدي . ولا تحتاج في الرقية لأحد يرقيك بل أنت في استطاعتك أن ترقي نفسك وذويك . إلا أن هذا الكلام لا يعني أن الأمر هين لا ينظر له بعين الجدية . بل يجب عليك قبل أن تبدأ في رقية نفسك أو ذويك أن تتعلم كيفية إدارة جلسة الرقية الشرعية بالكامل حتى تستطيع أن تتعامل مع كل موقف يمكن أن يواجهك من قبل الجلسة وفي أثنائها وبعدها .))))

وصلو مقر المركز وطوالي دخلو بيها للمداوي وطلب منهم يزكرو اعراضا والحاصل..
سلطان بدا يحكي كل الحاصل..وكانت نورس متكيه علي كتف نسيبه وعيونا تفتح تعاين الحوليها وترجع تغمض وتاني تصحي وتقوم من كتف نسيبه.ونسيبه ترجعا وتتطبطب عليها..
طلب المداوي يرقدوها علي الارض ..
و قال انا حاقرأ عليها قرآن واذا في شي بظهر ..
بداأ المداوي يقرأ(((بسم الله الرحمن الرحيم..الحمدلله رب العالمين...ألخ)))
(((آلم ذلك الكتاب لاريب فيه ...آلخ)))
((واتبعو ماتتلي الشياطين علي ملك سليمان...آلخ)))
ويقرأ المداوي بصوت جهوش مرتفع..
نورس بدأت تنتفض وتنازع وتصرخ وتتصبب عرق وتنفسا متسارع..
بدأت تصرخ صرخات كاالويل ..تصرخ وتتكلم انا بكره سلطان انا بكره سلطان انا بكره سلطان...وكلمات متداخله في بعض..نزل سلطان ونسيبه وبدأو يثبتو نورس علي الارض..
نورس تتنهد وتبكي بحرقه والمداوي يحوم حوليها ويقرأ ويذيد في علو الصوت ..
وسلطان يبكي وخايف علي نورس ويثبت فيها ويقرأ مع المداوي بصوت هزيل..
نسيبة بدأت ترجف وتبكي وتتلفت علي المداوي وتعاين لنورس..

قرأ المداوي القران عليها لمدة نصف ساعه ونورس ماذالت تنتفض وتصرخ..لحد ما أغمي عليها ..سلطان رفع راس نورس بايديه عشان يصحيها..بدت نورس تستفرغ في سلطان ..استفرغت نورس كل المويه الفي بطنها وبدأت تسعل بشدة وترجف وعيونا مغمضه..
سلطان ملابسو كلها اتملت بدموع واستفراغ نورس.بس كان ببكي بحنيه علي نورس وبدأ يمسح وجه نورس من الدموع وهو بقرا لسه في القران..سلطان يصحي في نورس:نورس نورس اصحي نورس شايفاني..انا سلطان ومعاي نسيبه..قومي يانورس

المداوي قال خلاص خلوها تروق بس اديها المويه تشربا عشان مجهدة..
وصف المداوي حالة نورس انو سحر مشروب او مأكول والسحر دة عبارة عن جن في جسدا بتعبا وبعزبا..وسأل سلطان عن صلتو بيها وفهم الوضع..
قال لسلطان هي مسحورة عشان تبعد منك لانو استحضارا كان عنك ولازم جلسات متتاليه عشان تستريح ويطلع السحر من بطنها..واتفق معاهم يجيبوها كل فترة ..وحدد ليهم الايام..وأداهم زاكرة فيها رقيه يفتحوها في جهاز تسجيل جمبها اذا حست بضيق..ومويه فيها رقيه..

طلعو علي البيت ونورس في عالم تاني مابين الصحيان والغفيان..سلطان يبكي بين الحين والاخر...

سلطان :ياعبود انا ماعندي ضد مع زول ولا مشاكل مع الناس ولا نورس نفس الحال..مسالمين وفي حالنا منو القاصدنا يعمل كدة..
عبود:انا البعرفو انو لما الزول يستحضر بزكر اسم الزول العمل فيهو السحر..
سلطان:لكن هي ماقالت الا انا بكره سلطان وكلام مامفهوم ..ماقالت زول بعينو انو يمكن يعمل كدة
عبود:ياخ انت بقصايدك الكتيرة فيها دي زاتك سحرتها وجننتها😉😉
سلطان:ابتسم بسمة نصها حذن وبقي يهز راسو متحير..
عبود:اضحك اضحك ياصحبي بكرة تقوم نورس وتبقي كويسه وتاني ترجع تقدها بالقصايد...وسلطان ابتسم وعبود يربت بيدو علي كتف سلطان

نورس صحت وقالت لازم تتكلم مع امها وابوها اتصلت عليهم وصوتا فتررراااان واتكلمت معاهم وهي بتبكي . 
امها:نورس مالك يابتي بتبكي وووب علي في شنو يابتي
خطف ابوها التلفون وبقي مهجوم وبسال في نورس..قال ليها انتي وين ّ.ردت انا عند نسيبه..اديني نسيبه يانورس..
ابوها:يانسيبه يابتي اسالك بالله توريني نورس مالا
نسيبه:نورس شويه تعبانه بكون ملاريا او فتور بس وحتبقي كويسه..
ردت نورس من بعيد وهي بتبكي انا ماكويسه يابا انا ماعارفه النار البتولع فيني دي شنو..يابا تعال سوقني بيتنا..وبكاها يقطع في كلماتا
ابوها سمع كلاما وقال بنجيك يانورس ماتخافي..

وكل يوم نورس بتتكلم مع امها وابوها وبتبكي..
وكل ماتتضايق يفتحو ليها التسجيل تبكي وتصرخ وتنوم..
رجعو بيها للمداوي ونفس الحال والاستحضار..وتتوالي الجلسات ونورس تتنفض...
وفي جلسه نورس تصرخ(سلطان كريه سلطان انا بعيفو.سلطان حيوان سلطان كعب سلطان بخنقني بكتم نفسي بكرهو...
ويتكلم معاها المداوي وهي ترد لحد ماقالت أمي ادتني العصير ...ورددتاعلي كم مرة..
سلطان فهم بمجرد مانطقت بأمها وبقي يبكي بحرقه شديدة وهو مثبت نورس بايديه..بكي لدرجة انو صوتو راح..
المداوي قال يكثف العلاج عشان ترتاح سرعه ..عشان بمرور الزمن مايبقي السحر مرض جسدي صعيب..وانو لازم تستفرغ العصير .واداهم وقت معين لازم يجو في الصباح عشان يتسهل استخراج الجن...

سلطان الدنيا ضلمت في وشو وعرف انو مطلوب  لازم يطلع من حياة نورس لدرجة انو بطلعوهو من  قلبها بالسحر ..وليه أمها تأذيها كدة ..انا السبب في تعبك يانورس..انا بطلع من حياتك عشان تشوفي العافيه...

يتبع