عشقت صعيدي (الجزء الأول) -الكاتبه أميرة السمدونى

الفصل الخامس

والمفاجأة كانت إنى لمحت أخر شخص كان ممكن أتوقع أن أقابله في المصيف، هاشم أه يا ربى لو جوزى خد خبر حيعمل أيه ده مش بعيد يقطعنى حتت ويرمينى للقروش، دوخت وأغمى عليا وحرارتى إرتفعت، كنت فاقدة الوعى تماما بس بعد كام ساعة حسيت بحاجة زى التلج على جبينى، فبفتح عينى لقيته وليد راح في سابع نومة وهو طول الليل جنبى بيداوينى، مجابليش دكتور عشان هو دكتور أطفال ما أنا بقولكم تركيبة عجيبة، وطبعا كان مستبعد أنى حامل لأنه ببساطة ملمسنيش..!، طيب ليه أتجوزنى أنا لغاية دلوقتى مش عارفة، محدش فينا كان مغصوب على التانى، يمكن مصيبتى الحقيقية أنه دخل في فترة غلط من حياتى فترة عاوزة أنسي فيها هاشم بأى طريقة عاوزة أثبت له أن خطوبته مأثرتش فيا وأنى حقدر أعيش، بس مكنتش أعرف انى لوحدى ال حدفع التمن، أما جوزى فأنا مش فاهمة ليه اتجوزنى وليه ألح كده على أهلى ..؟، المهم لسه بشيل كفه براحة لقيته أتفزع وجسمه أنتفض على الكرسى سألنى :-

- واه أخيرا صحيتى حمد لله على السلامة غلبتنى طوال الليل وأنا بداويكى

إبتسمت برقة وأنا بحاول أنعدل مش عارفة ساعدنى وحط ورايا المخدة وأنا بقوله :-

- الله يسلمك يا ليدو

بدلعه بحاول أكسر الحواجز ال بينا، لقيته أدور بوشه الناحية التانية وكأنه قرفان منى :-

- متجوليليش الجلع الماسخ ده .

سألته بإستغراب:-

ليه"..؟

رد عليا وكأن الموضوع بديهى :-

لما أجولك حاجة متناقشنيش فيها واصل "

بدأت أحس بالإحباط حتى الدلع مش مهنينى عليه، شبكت أيدى بغضب منه وأنا بشاور له على الرواية ال على الكوميدينو:-

"ناولنى الراوية دى كده يا وليد "

ادهانى وضحك ضحكة خبيثة قبل ما يسألنى :-

- ألا جوليلى أيه ال عجبك في هاشم ..!!

عينى فنجلت وشهقت وبدأت أعرق بشدة، معقول يكون هاشم حكى له حاجة وأنا مغمى عليا ..! وجوايا بقول"يالهووووووتى مستغربة من هدوئه، أكيد ده الهدوء ال قبل العاصفة شكله حيرزعنى شلوت دلوقتى يطيرنى على القاهرة، أأأه أستر يارب، فبلعت ريقى بخوف:-

- والله كنت حقولك، أنا مكنتش أعرف أنه ....

تنح لى كده لثوانى قبل ما يعلق وهو بيفتح الرواية وعنيه كلها رومانسية مش واخدة عليها :-

- تجوليلى أيه، ما أنا عرفت أيه ال بيشدك في الحدوايت دهين، الحنية والرومانسية صوح بس هاشم معجبنيش في المشهد دهو ..

أول ما قال المشهد دهو لقط نفسي بإرتياح، غمضت عينى وفتحتها وقومت من فرحتى بوسته على خده وأنا بحاول أتدلل عليه :-