عشقت صعيدي (الجزء الأول) -الكاتبه أميرة السمدونى

الفصل الثلاثون والاخير

صحوا كلهم على مصدر الصوت وليد مفزوع بيدور جنبه على السرير عليا ملاقنيش عرف أن في كارثة حصلت، طلع بره الأوضة على طول لقى كاملة واقفة بترتعش وسنانها بتصتك ببعضها بهلع وتوتر وهى واقفة على أول سلمة بتبص عليا بذهول رهيب، سألها جوزى وهو بيهزها :-

-عملتى ليها أيه ...؟ ها أنطقى ...؟

لسه بتشده من دراعه قبل ما ينزل وقفته جملتها وهى متشبثة فيه وبتعيط :-

-متنزلش يا سي وليد حتتزحلج

شدها من شعرها بعصبية وهو بيلزقها في أقرب حيطة وحماتى جاية من بعيد وبتستفسر:-

- خبر أيه عاد، سيبها يا مركوب "مجنون" حتموتها..؟

راح لامم وشها بغل في أيده وهو بيكز على أسنانه بعصبية :-

-أنتى أيه شيطانة ...؟، عاوزة تحرقى قلبى عليها...؟ ذنبها أيه ...؟، لو عاوزة تعاقبى حد كان يبقى أنا، مش واحدة ملهاش ذنب شدتها الخالة يامنة :-

-حماتى

من تحت كفوفه وهى بتسحبها وراها وهى بتعيط بنت أختها وبتعنفه :-

-الغربال الجديد ليه شدة ..خبر إيه عاد.؟، مالك حامى على مرتك جده ليه ..؟

لسه حيشاور لها على مكانى تحت مكنتش لمحتنى مرمية لقوا نوارة جاية من بعيد بنقابها وجوزها معاها طبعا عاملة فيها الشريفة الخضرا :-

-يا فتاح يا عليم في أيه على الصبح، وبصت على أخر السلم وعمر وهند جنبى بيفوقنى وأنا بنزف وهى بتشهق بخضة وبتعاتب :-

- يا نهار أسود ليه كده يا كاملة حد يعمل كده في الضيوف ولنفرض أنها ضرتك تزقيها من على السلم ..!

مع جملتها بصت حماتى بإرتياب وهى متاخدة من المنظر وأنا غرقانة في دمى، وعمر بيقول:-

-أطلبووووووووووا دكتور بسسسسسسرعة

ردت عليها بحدة بعد ماكانوا بيقولوا خلاص دى فقدت النطق من هول الموقف وإضطرابها:-

- مش كاملة العاجلة ال تعمل جده ..

تابعت بحيرة :-

-أمال مين عاد أمى...؟

جاوبت وهى بتشحتف وتنتحب:-

- والله العظيم نوارة ال رشت المسحوج لتكعبلها وتشعلل الدنيا حريجة، أنا كنت نايمة يا سي وليد لا بي ولا على على جولها الخالة يامنة عاوزة إسراء ضرورى " .

أستطردت نوارة وجوزها بيبص لها بطرف عينه مستنى التفسير وهى بتدافع :-

- كيف يعنى كانت ضرتى ولا ضرتى ...؟، في تار جديم بينا..؟، أيه ال يخلينى أعمل جده عاد..؟

كلامها منطقيا سليم، وحماتى شايفة المبرر القوى عند كاملة هزقتها وهى بتزغدها:-

- يظهر الجوازة الجديدة طيرت برج من نفوخك لو ماتت دلوجيت أيه العمل ...!