عشقت صعيدي (الجزء الأول) -الكاتبه أميرة السمدونى

الفصل التاسع

سمعته وهو بيقولها ":-

- لا يا أما مش حطلجها، يكش تنفلق كاملة، مش هى ال أصرت على الجوازة دى...!!

خلاص بجى "بقى " تشرب "

زقيت الباب برجلى، المرة دى وأنا متعصبة جدا وشايطة وبعيط وزعلانة جدا خمنت على طول أن كاملة دى مراته الأولى ...؟، بس أنا زعلانة ليه ما هو أنا محبتوش ولا هو حبنى، وكان راجل معايا ملمسنيش، بس بردو صعب أوى على أى ست إحساس إنها أنضحك عليها من ال المفروض أقرب الناس ليها وكمان في شهر العسل. تكتشف حاجة بالأهمية دى ..!!، التلفون وقع من أيده ال بدأت ترتعش في توتر وهو جاى ناحيتى، بيطبطب عليا وهو بيوضح لى موقفه بتهتهتة كده وأنا بعبى كل هدومى ال في الجزء الخاص بيا في الدولاب بإنفعال كبير :-

- يا إزراء أنتى فاهمة غلط، كاملة دى ..دى تبجى بنت خالتى الحب الاول، عاملة لهم مناحة في البيت من يوم فرحنا

، سكت لثوانى بجمع فيها نفسي، عشان مديش رد فعل غبى وأنا بسايره والشكوك مليانى:-

وأمك بتطلب منك الطلاق ليه وأحنا لسه في شهر العسل ...؟، اتجوزتنى ليه لما أهلك مش قابلينى ....؟.

خد نفسه في دقيقتين كده وكأنه بيفكر في رد مقنع، وقالى وهو ضامم بوقه :-

- أنا قولت مع الوقت حيتعودوا، كل شيء في أوله صعب وبعدين بيسهل ويبجى بسيط متعجديش"متعقديش " الدنيا أكتر ما هى

قولت له وأنا مش مدية له أهمية حاسة أنى اتظلمت مرتين مرة مع هاشم والتانية مع وليد، بس هاشم قدرت أنفصل من غير جرس إنما وليد أيه ...!، عموما في مواقف حاسمة لازم لها رد فعل قاطع في اللحظة والتو لو مردتش حيفكرنى مبسوطة وبعدين أنا لازم أتأكد من حوار كاملة ده، فقولت له وأنا بقفل الشنطة ":-

لحد ما يتعودوا أنا في بيت أهلى يا وليد

ولسه بفتح باب الاوضة شدنى من دراعى جامد وهو بيتكلم بحكمة وحنية لأول مرة أحسهم معاه:-

- وأهلك لما يسألوكى جيتى في شهر العسل حتجولى لهم أيه ...؟، يرضيكى تحزنيهم عشان شوية أوهام ....؟

العقل والمنطق خلونى أقوله "لا"

تنهد بإرتياح وكأن هم كبير اتشال من عليه، وضربات قلبه بدأت تهدأ لحد ما طلبت منه الطلب ده وأنا بلعب في ياقة التى شرت بدلال " ماما معاها حق يا ليدو ما هى متعرفنيش، ممكن لما تخلص أجازتنا نقضى معاها أسبوع أو 2...؟ " رده فاجأنى وخلى الفأر يلعب في عبى بجد :-

-لا وشيلى الموضوع ده من دماغك نهائي

ضيقت عينى بخبث كده وأنا بسحبه في الكلام :-

- ليه بس يا ليدو مش يمكن سوء التفاهم ده يتشال..؟

جاوبنى :-