عشقت صعيدي (الجزء الأول) -الكاتبه أميرة السمدونى

الفصل الخامس عشر

تهتهت وتوهت الكلام وعنيها بتهرب بيها قبل ما يصدمها دخول عمر بأطباق الحلويات وهو بيقول بهزا:-

- أنت بتأخد على كلام هند دى هبلة وهزارها دبش

بصت له بحيرة فناولها طبقها وهو بيغمز لها وبيشاور فيما معناه بعدين نتكلم "

خد ياسين نفسه بإرتياح وهو بيبتسم:-

- وقعت قلبى الزقردة دى، مفيش فرامل دايما كده بتدخل بالكلام في حتت ممنوعة

علقت بضحك :-

- قلبك وقع من إحتمال يمكن مش موجود أصلا أنى كنت بكلم قبلك وتلاقيك أنت خاربها ومقطع السمكة وديلها

علق بسخرية:-

- الله مش كنت بأخد خبرة هههههه عشان أبقى مطقطق كده

سألت هند بعد ثوانى بشك:-

- صحيح مين ال قالك تيجى...؟

رد بتريقة:-

-في أيه يا حيزبونة أنتى، البيت بيت أبونا والغرب يطردونا ولا أيه .؟

وضحت:-

- لا مقصدش قصدى مين حكالك على ال بابا عمله ..؟

تنحنح عمر:-

- أحم طيب حستأذن أنا بقى ماما بتنادى..

رد عليهاا ياسين :-

متخفش يا عمر مكنتش حقولها أنك أنت

خبط بكف على كف بأيده:-

- لا ما أنا عارف أنك أمين، و متقلقش حبقى بير أسرار وسرك في بير وعملتلى بالبحر طحينة ماشى يا عم

ضحكت هند:-

- ما هو بير فعلا بس مخروم ههههههههه

خبط عمر على جبينه وكأنه أفتكر حاجة مهمة :-

-نستونى كنت جاى في أيه، طنط عوزاكم بره عشان تتفقوا على مواعيد تشتروا فيها الاجهزة الكهربائية وتظبطوا دنيتكم قبل ما تسافروا النهاردة

****************

قابلت في الشاليه أخر شخصية كنت أتوقع انى أشوفها قاعدة جنب حماتى بنت جميلة لابسة عباية سوداء عنيها دبلانة قعدت على الكنبة ال قصاد حماتى ووليد جنبى، والبنت مربعة جنبها نظراتها مش مظبوطة، ملامحها اتبدلت قولت وكأنى بحاول أتعرف عليها:-

- أنا فاكرة أننا اتقابلنا قبل كده، أنتى كاملة بقى صح..؟

جاوب جوزى على طول":-

-أيوة بنت خالتى ال جولت لك عنيها جبل "قبل

كملت بمكر وهى بتبص لى من فوق لتحت بقرف وإشمئزاز :-

-وكانها بتقول فيكى أيه أحلى منى

وعلقت :-

- والله يابختك أخترتى زينة الرجال