عشقت صعيدي (الجزء الأول) -الكاتبه أميرة السمدونى

الفصل السابع

دخل عليها بابا بعد ما عرف من خالة لبنى مكانهم المتوقع، ساب الغيط مخصوص ونزل طنطا، أحنا من بلد جنبها مش طنطا نفسها بس بنقول طنطا لأن أغلبكم ميعرفش قريتى الريفية، المهم بابا شدها من وسطهم وهو بيهزقها، بيديها الطريحة التمام في جنبها، وهى بتعيط بتحاول تبرر وتوضح موقفها، مشكلة هند أنها فاكرة نفسها ذكية يعنى تقدر تخرج من أى موقف زى ما حصل من شوية، بس للأسف مش دايما ذكائنا بينقذنا، فضل بابا مجرجرها وراه زى عيلة لسه في حضانة لحد ما وصلوا لموقف العربيات وهى بتمسح دموعها "يا بابا والله ما عملت حاجة غلط، لب..، قاطعها الحاج بعصبية وهو عاوز يخلع الجزمة ويديها بيها على دماغها عشان خروجها عن طوعه رغم تنبيهاته المتكررة:-

-أخرسي مسمعش حسك دى المراجعة النهوئية ال بتاخديها ....؟، دايرة لى مع الصايعة صاحبتك، البلد كلها هجرتها لسلوكيتها المش محترمة، ماشية معاها ليه عشان تفضحينا وتعرينا...؟

وشها راح لون الدم وهى منهارة، مش قادرة تتحمل تحكمات أبوها المتخلفة من وجهة نظرها، شايفة في لبنى الملاك البرىء المظلوم، وأن أبوها أبليس القاسي المستبد، نفسها تخلص من البيت بأى طريقة، فقالت وهى بتتشنج مدافعة عن نفسها" يا بابا تقدر تسأل الأستاذ والله حضرنا المراجعة وخلصنا وبعدين خرجت معاها أشم نفسي شوية "

بابا هزها وهو بيعنفها يمكن الأسلوب خانه لبساطته بس هو خايف عليها:-

- تشمى نفسك ولا تتصرمحى، بقى في واحدة عاقلة امتحانها الصبح دايرة لى في القهاوى زى الدكرة

ردت هند بإنفعال:-

أنا مش عيلة صغيرة يا بابا، وبعدين ما كان في بنات قاعدين جوه وكمان صاحبتى كل الناس واخدة حريتها إلا أنا

دخلوا العربية وبابا بيكمل :-

- وكمان بتبررى الغلط بغلط أكبر، هما غلطوا أغلط زيهم...؟، سكتت هند لثوانى قبل ما تقوله " غلطوا من منظورك الرجعى أنت، فين الإجرام في ال عملوه "، بابا فتح عينه جامد وكأنه بيهددها وهو منفعل جدا " منظورى..!!، طيب أيه رأيك ان منظورى الرجعى، شايف ان البنات ملهاش تعليم أصلا، دى مجرد حجج للخروج والفسح والمشيان على حل شعرك مع البت ال أميها هجت مع عشيقها، ماشي يا هند أبقى أقعدى جنب أمك وشوفي مين حيدفع لك دروسك"، لوت بوزها وهى متضايقة بتفكر في حل مفيش غيره هو خطيبها "الغتت "ال حيقدر يرجع أبوها عن قراره وبالفعل اول ما روحت اتصلت بيه ولسه بتقول "ألوووو" قالها وبتتكلم بطريقة محترمة" أ ياسين ...من فضلك كان في موضوع عوزاك فيه" رد "أيوة يا فصعونة ها عملتى مصيبة أيه..؟

*************

في إسكندرية

أما أنا بقى حسيت أنى أخدت أسفين تمام، مش مصدقة أنه بيحب غيرى معقول عنده قلب..؟، طيب قدر يوقعها إزاى...؟، أنا حاسة أنه بيشتغلنى عاوز يحسسنى قد أيه شعور سخيف أن الست "تهمش "جوزها وقد أيه علاقات قبل الجواز وعدم الصراحة بين الزوجين بتزعل، عملت كوبايتين شاى بالنعناع وطلعت على التراس ال بيطل على البحر، قعدت قصاده بعد ما حطيت الصنية وهو مش مركز معايا زى ما يكون أخد جنبى منى، بس هو ملوش حاجة عندى ما هو كمان طلع بيحب مممم، بدأت أنكشه وأجر شكله عاوزة أفتح حوار بأى طريقة :-