* انا بطلق البت دي ي امي وذنبها عليك...... انتي الخطبتيها لي ودون علمي......... واتجاهلتي مشاعري وضربتي بيها عرض الحائط......... والبت الاخترتها ضاعت مني وحتي اذا طلقت دي م اظن اهلها يوافقو علي ........... انتي دمرتيني لكن اسي بطلع قدام الناس دي ارمي عليها يمين الطلاق............
*ممكن تعمل كدا فعلا........... لكن ساعتها ورب الكعبه لا ولدي ولا بعرفك وانت عارف لمن اشتياق الحكيم تحلف قسم😒
* طيب ي امي انتي موش عايزه كدا ؟.......... موش م بتهمك سعادتي ؟ واهم شي اعرس تمني بت حبيبتك وصحبتك ؟............. يلا بعد تلاته شهور انا بعرس البت البحبها وده قرار نهائي وكدا يبقي عداني العيب.............. وبنفذ شرع ربنا.........
🖤🖤🖤🖤🖤🖤🖤🖤
منال : الحمد لله شفتك عروسه وعقبال اشيل اولادك ي تمني ي بتي......... تمني : زواج تم بسرعه شديده وشفت العريس في الكوافير....... نفسي اعرف انا عايشه في القرون الوسطي ؟؟؟؟
منال : ربنا اداك ود حلال مهندس ووجيه وغني وود ناس وعندهم مصنع قدر الدنيا تاني عايزه شنو ؟......... تمني : انا م محتاجه لي قروشهم ابوي ساب لي ثروه ضخمه والحمد لله......... منال : لسه انتي واهمه نفسك بالعاشق الولهان البنتظرك جنب الجامعه سنه كامله داك ولا شنو؟......... تمني : ماما ارجوك م تذكريني عليك الله 😔 ياريت لو اتشجع وجا اتكلم معاي كان اكون اسي مرته...... منال : هسس وطي صوتك ي مجنونه انتي عايزه تفضحينا ولا شنو؟......... انتي في بيت نسابتك وبعد شويه ح تسافري مع زوجك شهر العسل....
🖤🖤🖤🖤🖤🖤🖤🖤
اشتياق دخلت غرفه امجد ولقته طافي النور وصرخت : امجد سجمي مالك ؟......... امجد : تعبان ي امي عايز انوم انتي عارفه لي كم يوم جاري ......... اشتياق : طيب وصلت اخوك وعروستو الفندق ؟........ امجد ( وشو اتغير وبان عليه الضيق ) ايوه وصلتهم وصلتهم😡😡......... اشتياق : طيب طيب ي روحي مضايق مالك ؟ امشي انا اخليك تاخد راحتك ...
وصل احمد الفندق ودخل الشنط بدون نفس ومشي البلكونه ولع سيجاره وكان بشرب بسرعه...... اتشرق...... تمني جات جاريه وجابت كبايه فيها مويه..... احمد مسك الكبايه وجا داخل ختاها في التربيزه وشال الجاكت حقو وقال ليها...... اطلبي عشا... ونومي م تنتظريني 😒
#تمني بنوته رقيقه عمرها 20 سنه مايله للنحافه عيونها سوداء جميله ودي احلي حاجه فيها وتملك بشره بيضاء نقيه... جمالها متوسط... تميل للهدوء والعزله...
لبست فستان بيت طويل وفتحت التلفزيون وطلبت عشا... ونامت في الكنبه لحدي الصباح...
احمد جا بعد الشمس شرقت واخد دوش سريع وطلع المصنع علي طول......
امجد : احمد ؟... خير في حاجه لا سمح الله اتوقعت تكون سافرت بورت سودان......... احمد : لا ...لغيت السفر ح نقعد في الفندق...... امجد في دهشه : معقول تنزل الشغل يوم صباحيتك ؟ طيب خليت تمني براها يعني؟.....احمد : انت عايز تبقي لي زي اشتياق 😡 خلوني بي راحتي ياخ لو هاميك امرها عارف رقم الغرفه امشي ونسا 😡......... امجد طلع من قدامه وهو مضايق جدا وقعد في مكتبه وبقي يدخن في شراهة......... بكري صحبه دق الباب ودخل قعد في الكنبه وقال ليه : اخوك ده جن ولا شنو ؟ في عريس بجي يوم صباحيته ؟ وياخ ندمت اني سألتو هاج فيني زي التور......... خلينا من اخوك المجنون دا ......... انت مالك ؟ من يوم العرس شايفك م طبيعي خالص.... امجد : ضغط الشغل...... بكري : شغل شنو؟ قول حبيبتك اتخرجت وم قادر تلم فيها تاني... لكن م تشيل هم ح تلاقيها وح تعرفني بيها...... وبنفرح بيك قريب .......... امجد في يأس : الموضوع دا انتهي خلاص 😞 ....بكري : عرفت انها مرتبطه ولا شنو؟.... امجد : بكري خلاص الموضوع انتهي......... يعني مافي امل خلاص بقت لي غيري........ بكري : قلبي معاك ي اخوي ربنا يرزقك بت حلال و
قاطعه : مافي زيها 😞 وم عايز غيرها... سكت وبعدها واصل وهو شارد...... عزاي الوحيد اني شفت في عيونا حزن ولوعه وقلب جريح 💔... بكري... تقصد انها بتبادلك نفس الاحساس ؟......امجد... مجرد الكلام عن الموضوع دا...... بحسسني بعذاب ضمير....... بكري..... هههههه اليسمع كلامك دا يقول بتحب مره اخوك..... بطل المثاليه الزايده دي ياخ 😅
🖤🖤🖤🖤🖤🖤🖤🖤
رجع احمد الفندق ولقي تمني بتتكلم بالتلفون......... غضب شديد ورمي المفاتيح في التربيزه بعصبيه وبعد خلصت قال ليها : اسمعي انا م بحب كلام التلفونات...... تمني بصوت حزين : كنت بتكلم مع ماما 😔............ احمد : ماما ؟ امور المياصه والدلع دا م بمشي معاي 😒...... بعدين كنتي بتقولي ليها في شنو؟......... تمني عيونا اتملت دموع والعبره مسكتا وقالت : في شنو؟ عملت شنو انا عشان تتعامل معاي كدا ؟ 😭...... احمد متجاهل كلاما... اسمعي استعدي بعد بكره ح نمشي الڤيلا... انا عندي شغل م فاضي للامور دي 😡...... تمني : طيب !!!!!
احمد لبس برمودا تلت اربع وتي شيرت ورقد في السرير وبقي يحضر في الكوره وبتفاعل مع اللعيبه وتمني قاعده في البلكونه سارحه......... تلفون احمد النوكيا ضرب........ فتح الخط وجن جنونه وبعدها قفل التلفون وجا جر تمني من يدها ودخلها الغرفه...... وعيونو كلها شر : انتي عايزه تعملي لي فضيحه وتطلعي فيني دعايه ولا شنو قصدك؟ قلت للناس اني نزلت الشغل ؟ انتي مالك ومالي واكيد قلت لي امك حاجات تانيه......... عايزه تعرفي اني م قربت منك ليه ؟......... م قادر ابص في خلقتك 😡 بحس بي استياء وانا بعاين ليك...... عارفه انا طلعت ليله دخلتنا ليه ؟......... مشيت افتش لي حبوب ترامدول عشان اقدر ادخل عليك......
تمني صرخت فيه : انت مستحيل تكون انسان 😭 انا كمان غصبوني عليك...... فاكر نفسك شنو؟ اذا كنت راجل صاح........ م كنت بتهين ليك بت ناس...... احمد جراها من يدها وبقي يضرب فيها وهو بقول : انا راجل غصبا عنك وعايزه تعرفي رجالتي ح تعرفيها اسي رغم اني بحس بي اشمئزاز مجرد م افكر اقرب منك......... تمني زحت من جنبو وهي بتمسح دموعا وقالت : اذا عايز تثبت رجولتك طلقني...... فجأه تلفونا ضرب واحمد مشي زي المجنون وفتح الخط وبقي يقول : الووو...... الووووو رد ي حيوان...
ورمي التلفون علي الارض.... ومشي عليها ورماها علي السرير وهو في حاله هيستريا وبسرعه اتخلص من كل ملابسه وهجم عليها زي المجنون وصرخات وتوسلات تمني م شفعت ليها عنده......
بعد فتره زح منها وشال ملابسه ودخل الحمام........ وفي اللحظات دي تمني استغلت الفرصه ولبست توب بسرعه وطلعت من الغرفه وهي في حاله يرثي لها...... وفجأة اتذكرت التلفون رجعت عشان تجيبه..... لقت تلفون احمد قداماوطلعت رقم اشتياق واتصلت وكان مقفول....... وإمتنان م بترد..... قبلهم فكرت تتصل بي امها بس اتذكرت انو عمها السر في البيت واذا عرف احمد عمل فيها حاجه بقومها حريقه وهي عشان ماما اشتياق م عايزه احمد يتضرر بي شي....... اخر حاجه لقت رقم امجد واتصلت عليه وهي بتبكي وتقول........ الحقني ي امجد انا في الشارع التاني من الفندق... امجد في خلعه : خير ان شاء الله...... في شنو؟ واحمد وين ؟...... تمني : مافي وقت احمد في حاله م طبيعيه واذا لقاني ممكن يعمل فيني حاجه تاني 😭 ارجوك...... امجد : طيب في كافي في الجهة الشرقيه من الفندق اسمه ماسه كافي انتظريني هناك...
يتبع...
