السر عم تمني سلم علي حنان وقالت ليه اتفضل........ منال ارتبكت وحست بالضيق لمن شافتو بس حاولت تكون عاديه،،،،، سلمت عليه في حراره وقعد...... بعدها سأل من تمني ومنال شالت التلفون ودخلت الغرفه وهي بتقول : بضرب ليها اسي تجي ارتاح انت اكيد السفريه متعبه .
اتصلت بي تمني و ردت قالت ليها : مالو صوتك ؟ في حاجه مزعلاك ؟
تمني : انا جايه البيت وجيه نهائيه 😔 اتصرفي مع نادر خلي يمشي يأجر في اي حته......
منال في خلعه : اوعك تعملي حاجه زي دي.. عمك جا اسي من السفر... وقاصد يجي بدون م يكلمنا الراجل دا في راسه في شي .. لو عندك اي مشكله اجليها بعد يمشي ارجوك حبيبتي م عايزين ندي اهل ابوك فرصه فينا .
تمني : آآآه كأني علي موعد مع المصايب كل يوم 😏 طيب ماما زي م تحبي بعصر علي قلبي واقعد لسه في بيت احمد 😢😢.
💖💖💖💖💖💖💖💖
اشتياق لاقت تمني في الهول وقالت ليها : م تزعلي من إمتنان هي حساسه ولسه م فهمت الحياه ولا الناس.
تمني : م زعلانه منها بكره تعرف الحقيقه .
سكتت مسافه وقالت : عمي جا من السفر ماشه اسلم عليه ومضطره اقعد هنا لحدي م يسافر وبعدين نشوف البحصل شنو .
اشتياق حضنتها وبكت وقالت : ربنا استجاب لي دعاي ربنا يعلم انو قلبي متقطع علي مشيتك .. طيب حبيبتي امشي وتعالي انا بنتظرك بالعشا 😊
تمني : خالتي ناديه كمان جات معليش الليله ببيت مع ناس ماما وبكره من الشغل بجي .
اشتياق : طيب حبيبتي الله معاك طمنيني عليك اول بأول 🙂🙂
◾◾◾◾◾◾◾◾
حاج السر قال لي منال : تمني جافيه م عارف طالعه علي منو م بتسأل من ابوها اسي ابسط شي وسايل التواصل كترت مفروض تبحث عنو وتنزل صورته في الفيس واي زول بشوف الصوره امكن يتعرف عليه .
منال : والله ي السر عندك حق بس انتو كمان اخوانه مفروض تسألو منو .. هي م بتعرف حاجه عنو غير صورته .
حنان سمعت صوت الباب ومشت فتحت وكانت تمني وبعد سلمت عليها واول م شافت عمها جرت حضنته وسلمت عليه في حراره وبقت تبكي. السر مسح دموعا طلع علبه هدايا ومداها ليها وقال : دي هديه زواجك حاجه بسيطه بعد الزواج سافرت بسرعه م لقيت طريقه اهدي ليك بس في الغربه كنتي علي طول في بالي 🙂 تمني مسكت العلبه وفتحتا في فرح وكانت عباره عن ست دهب حلو بسيط وانيق سلسله وحلق .... باست عمها وقالت : شكرا عمو هديتك غاليه علي جدا لاني بشوف فيك صوره بابا واكبر هديه انك تجي وتحضر زواجي 💔
السر : تسلمي ي بتي نحن متلومين فيك شديد لكن بعد سنه ناوي اجي استقر في السودان ان شاء الله لو ناس الشغل سابوني
😅 تمني في فرح : ممتاز 😍
◾◾◾◾◾◾◾◾
حاج السر مشي رغم اصرار تمني انو يبيت معاهم بس اعتذر ليها وقال واعد اهل زوجته
وبعد مشي منال قالت في ضيق : فقر خلاص م عارفه اتذكرنا من وين 😒
تمني : ماما حرااام عمو طيوب وانا بحبه 😔
ناديه حضنت تمني وقالت : والله ي نينا كبرتي واتزوجتي وبقيتي احلي عروسه بس اوعك تقولي لي خالتو 😊
تمني : ههههه ماما عندها حق 😅
ناديه : اهااااا قلتي للبت شنو عني ؟😏
منال : هههه قلت ليها م بتحبي يكبروك 😊
تمني : نورتي البيت اخيرا ماما لقت ليها ونيس 🙂
منال في اهتمام : عندك مشكله مع احمد ؟
تمني عاينت لي ناديه بس منال طمنتها وقالت : ناديه دي تقدري تعتبريها امك التانيه .
تمني حكت لي امها قصه يتلاقو بره هي واحمد وزعلت شديد اما ناديه كان عندها راي تاني وقالت ليها : مهما يحصل م تديه فرصه ممكن ترفضي عرضه بس م تطلبي الطلاق كدا ح تدي فرصه لي التانيه تعمل استحواذ علي زوجك وانتي تكوني بره قلبو وحتي حياتو .
تمني : انا اصلا بره حياته وبره قلبه 😔💔
ناديه : لانك مسكينه وم مفتحه ،، قدمتي ليها زوجك علي طبق من ذهب .
تمني : حاليا مضطره اقعد لحدي م عمي يرجع وبعدين اكيد في حل 😔
◾◾◾◾◾◾◾◾
دخلت تمني غرفتها وبقت تتونس مع سونا صحبتا وقالت ليها لجين جات السودان واتفقو يمشو ليها في اقرب وقت .
تمني فرحت شديد لانها كانت بتحب لجين جدا .. طلعت من غرفتا وماشه علي غرفه امها سمعت صوت ونستها هي وناديه وقبل م تدخل سمعت ناديه بتقول : انا خايفه اذا عرفت تكرهك
منال ردت ليها : طيب قولي لي اعمل شنو انا؟
ناديه : كان تصارحيها احتمال تشوف حل .
تمني وقفت تسمع بدون قصد وبعدها جا نادر وقال ليها : هلا هلا
تمني اتخلعت وم ردت ليه ودخلت غرفه امها وهي مشوشه وقالت لي امها : منو المفروض تصارحيها ؟ وتصارحيها بي شنو ؟
يتبع.....
