وقفت مها قدام امجد وبقت تتأمل فيه في سعاده وحنين ومدت يدها وهي بتقول : زي م انت م اتغيرت خالص 😊
امجد سلم عليها في دهشه وقال : م متخيل يجي يوم واشوفك تاني.
مها : يا تري سعيد بي شوفتي ؟ ولا العكس ؟
امجد شال نفسه وختاه وقال : اكيد سعيد ..... بعدين انتي السافرتي واتخليتي عني ولا شنو ؟
مها في ندم : امكن دي اكبر غلطه في حياتي .
تمني دقت الباب ودخلت مكتب امجد وبعد شافت مها سلمت عليها واعتذرت واستأذنت عشان تمشي وتجي وقت تاني بس امجد قال : مها امين صديقه قديمه وزميله في الجامعه كانت.
مها عاينت لي امجد واضافت : وكان خاطبني بس في الوقت داك م كان في نصيب 😊
امجد : لسه مجنونه😅 زي زمان ،،،
مها : اكييييد
تمني : اهلا وسهلا
امجد : تمني زوجه احمد .
مها : بالله ! ماشاء الله اخوك ذوقه حلو .. الف مبروك ☺
تمني : شكرا ،،،،،،
مها وقفت ومسكت امجد من يده وهي بتقول : يلا عايزه اعوض اي ثانيه ضاعت مني وانا بعيده عنك ،،نفسي الدنيا كلها تعرف اننا بنموت في بعض ❤.
امجد فك يده براحه منها وهو بحاول يلفت نظرها انو تمني موجوده بس قالت وهي بتتأمل في تمني : موش قلت تمني زوجه اخوك ؟ يعني م غريبه بعدين ح تكون صحبات لاننا ح نعيش في بيت واحد .
💜💜💜💜💜💜💜💜
سونا اتصلت بي تمني عشان تمشي معاها بيت لجين يسلمو عليها بس تمني اعتذرت وقالت : مزاجي سيئ جدا ممكن نخليها يوم تاني ؟
سونا : اوك ماف مشكله ،،،،،،،، خير ؟في جديد ؟
تمني : حاسه بي حاجه طابقه علي نفسي 😔
سونا : سلامتك حبيبتي تحبي اجيك ؟
تمني : لا شكرا بخلص شغل وامشي البيت .
سونا : طيب بمر عليك المساء ،، موش موجوده في بيتك ؟
تمني شالت نفس عميق وردت : رغم انو عندي بيتين وكل واحد قدر الدنيا دي كلها بس حاسه اني م لي مكان فيهم 😔 حاسه اني ضايعه ،، بلا مأوي .
سونا في حزن : قلبي معاك حبيبتي ،، خلاص بجيك المساء في بيتك.
قفلت الخط وسرحت بعيد وفجأه الباب دق وكان المهندس هاشم وطلب منها سيديهات بتخص الشغل وقالت تمني وهي بتناوله السيديهات : كان تكلم السكرتيره بدل تتعب نفسك وتجي .
هاشم : جيتي م تكون مضايقاك ؟
تمني : لا العفو ،، بس م عاوزاك تتعب .
هاشم ضحك وقال : انا بحب اهظر كتير م تؤاخذيني 😅 كنت قريب من مكتبك قلت فرصه اسلم عليك واخد الشغل 😅
💜💜💜💜💜💜💜💜
ناديه جات لي منال في المكتب بعد اخدت جوله في المشغل واتفقدت صاله عرض التياب واول م قعدت منال قالت ليها : الشغل ماشي كيف في المشغل ؟
ناديه : تمام بس قسم فساتين السهره عندهم طلبات وقمت بالازم .
منال في حزن : شكرا ليك .. الحمد لله انك معاي نفعتيني كتير ومشيتي لي الشغل 😍
ناديه : م تقولي كدا عشان م ازعل منك نحن اخوات ،،
سكتت مسافه وبعدها قالت : كدي خلينا من دا كله واحكي لي مالك في شنو؟
منال : نادر دا عذبني وطلع روحي ،، كل يوم يطلب قروش م عارفه بوديهم وين خايفه يكون بعمل في مصيبه ربنا يستر 😰
ناديه في غضب : مسكتي نادر رقبتك 😡
منال : بتمني يوم يغور ويطلع من حياتي للابد حتي بتي بقت م بتجيني لانها م مرتاحه في بيت ابوها 😭 البت دي ذنبها علي،،،،، في بيت زوجها م مرتاحه ،،،،وم قادره اعمل ليها حاجه حاسه اني مكتفه .
ناديه : والله صدقتي ي اختي .. لي متين حتفضلي تحت رحمته انا رايي تصارحي بتك بالحقيقه عشان تحرقي لي نادر الكرت البهددك بيه،،،، عارفه الموضوع م ساهل،،،، تمني ح تزعل منك شديد بس ح تسامحك اكيد،،،، اتحملي رده فعلها افضل م تتحملي تصرفات الغبي نادر دا .
◾◾◾◾◾◾◾◾
امجد وصل مها وجا راجع المصنع تاني وسأل السكرتيره عن تمني ومشي ليها في المكتب وبعد قعد سألها : مالك الليله قاعده لحدي المغرب .
تمني ردت في حزن : مافي موضوع قلت احسن اشتغل .
امجد : قومي قومي يلا البيت ،، هبه عملت عمليه وفي المستشفي نمشي نكفر ليها واوديك البيت .
تمني : اوك
مشو المستوصف وهبه في غرفتها بعد العمليه واول م شافت تمني صرخت في وشها وقالت : جيتي تشمتي فيني صاح ؟ عشان حملي خارج الرحم .
حاجه اشتياق : ي بتي تشمت فيك كيف ؟ هي جات تشوفك عيب تقولي ليها كدا 😒
هبه بقت تبكي وتقول : طبعا مين يشهد للعروسه .. الكل شغال محامي دفاع للست تمني وانا العدو اللدود 😭😭
تمني مشت بسرعه من الغرفه وامجد لحقا وهو بعاين لي هبه في غضب ..
ركبت في العربيه وقالت لي امجد : لو سمحت وديني بيت سونا صحبتي .
امجد : اولا انا آسف 😔 تانيا مافي مشي لي سونا الوقت متأخر يلا عازمك قهوه في شارع النيل متأكد انك مشتاقه ليه وعندك كلام كتير عايزه تقوليه للنيل.
تمني وافقت ومشت شارع النيل وفعلا حست بي راحه شديده وبقت تتونس وتضحك واتناقشت مع امجد في موضوع ابوها وطمنها وقال انو وصي صديقه في الامن عشان يبحث عنه..
مشت علي العربيه بس سمعت صوت بناديها واتلفتت عشان تعرف منو ولقت ..
يتبع.....
