لقت لجين صحبتها وسلمت عليها في حراره وبعدها لجين قالت مبتسمه وهي بتعاين لي امجد: دا احمد زوجك صاح ؟ لابقين لي بعض شديد ربنا يهنيكم ويسعدكم ☺
تمني ابتسمت في خجل وقالت : لا دا امجد شقيق احمد .
لجين في دهشه : آسفه اتوقعت يكون احمد ،، علي فكره كنت منتظراكم الليله بس سونا اعتذرت ولغت الموعد .
تمني : ايوه صحيح حصلت ظروف بس ح نجيك بكره ان شاء الله 😊
لجين : منتظراكم والاعتذار مرفوض 😅
مدت يدها لي امجد وقالت : اتشرفت بمعرفتك 😍 عيد ميلادي بعد اسبوع وانت معزوم والاعتراض ..
قاطعا امجد وقال : مرفوض 😅 حاضر ي ستي .
تمني ودعت لجين وركبت عربيه امجد ومشو البيت وهناك لقت إمتنان في الهول بتحضر في مسلسل تركي ولمن شافتهم خفضت الصوت وقالت : هبه كيف ؟
امجد : كويسه بس لسانها زي م هو لسه طويل وكلامها جارح .
إمتنان عاينت لي تمني وقالت : اصلها م بتتغير اكيد احرجتك .
تمني : عادي ي ستي انسي،،، مصيرها بكره تفهم .
إمتنان : غيري هدومك عشان نتعشي زينب بتحضر في العشا☺
تمني : طيب
إمتنان بعد امجد مشي علي غرفته دخلت لي تمني غرفتها وحضنتها بدون اي مقدمات وقالت : انا آسفه انتي كنتي عايزه مصلحتي ي داب عرفت حقيقه حسام سليم وخجلت من نفسي جدا بس مفروض الزول لو غلط يآخد فرصه تانيه وانا بحبه وهو وعدني يتغير وانا منتظره اشوف التغير دا .
تمني ابتسمت وقالت : انتي اختي الصغيرونه وبحبك جدا 😍 انا م عندي اخوات لكن انتي اختي وماما اشتياق زي امي وامجد كمان كلكم شفت فيكم اسرتي والناس البحبوني وبخافو علي ..
امجد من بره الغرفه قال : يلا ي بنات العشا انا جعان م قادر انتظر زول .
تمني قالت : انا قاعده عشانكم في البيت ،،، براك شايفه احمد بعاملني كيف حتي قبل م يتزوج وبعد اتزوج كمان طلعت بره حياته .
إمتنان حضنتها ❤ وقالت : تسلمي حبيبه نحن بنحبك وم بنرضي فيك حاجه ،،،،
قعدو علي السفره وامجد بدا ياكل وإمتنان قالت : الله البت زينب دي بتعمل كل الاكل البنحبه زي م بقولو يدها طاعمه 😊
امجد عاين ليها وقال : اقعدي تابعي زينب دي لحدي م تبقي زي خزانات المويه 😅
إمتنان ضربته في كتفه وقالت : حرام عليك اذا وزني زاد بعمل عمليه تقصير معده بس مستحيل اتحمل منظري وانا سمينه .
امجد : انتي قابله للزياده حافظي علي اكلك 😉
إمتنان : زي وزن تمني دا الوزن المثالي 😊
